دكتور علي القاضي > الخدمات > متى يشعر المريض بالتحسن بعد الحقن التردد الحرارى ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
التردد الحراري والحقن بيتعملوا للمرضى اللي عندهم الام في العمود الفقري ومتحسنوش على العلاج الدوائي والطبيعي، وهدفهم تسكين الألم والتردد الحراري بيتعمل في المستشفى عشان الأمان والتعقيم ، وبعده المريض بيقدر يرجع لحياته الطبيعية علطول , و الحقن مفعوله بيظهر فورًا، لكن التردد الحراري بياخد من 10 لـ 14 يوم عشان يبان تأثيره , و بعد التردد الحراري أول 24 ساعة لازم كمادات ماية ساقعة، وبعدها كمادات مايه دافية لمدة 10 أيام. ممكن المريض يحس بحرقان بسيط في مكان التردد، وبياخد مسكنات ومضادات التهاب عشان يخفف الألم في البداية
Your browser does not support HTML5 video.
التردد الحراري والحقن بنستخدمهم بنحقن جدر العصب في العيانيين اللي عندهم عرق النسا ومتحسنوش بالعلاج الدوائي والعلاج الطبيعي , وساعتها بنجرب الحقن والتردد الحراري كنوع من أنواع تسكين الالم النقطه التانيه التردد الحراري برضو بيستخدم في جدر العصب , أو في مفصل الحوض الحرقفي أو في المفاصل الجار فقرية أو الي آخره عادة الحقن أو التردد الحراري في المستشفيات مش في العيادات عشان بيبقي في وسائل امان اكتر في اوضة العمليات ، في مهديء أو مخدر بنج موضعي عشان لو في بعد الشر اي reaction أو أي مشكلة من علاج من العلاجات هي بتتاخد أو لو محتاجين نقيس الضغط ومتأكدين أن احنا مظبطين السكر الكلام دا كله نوع من أنواع الأمان للعيان , الفكره كلها انك انت بعد الحقن والتردد الحراري بتقعد في المستشفى ساعه او ساعتين وبعد كدا تروح بيتكم
الاجابه اه تقدر تعيش حياتك عادي خالص تأكل اللي انت عايز تشرب اللي انت عايز، تخرج مفيش اي مشاكل خالص المفروض أن لو هو حقن المفروض الeffect أو التأثير بتاعه بيبقي لحظي علطول ، اول ما العيان بيطلع بيحس أن الآلام بتاعته خفت او مخفتش ، واحنا قولنا نسبة نجاحه تقريبا من ٧٥ ل٨٠ ٪ , وبرضو علي حسب التشخيص الأولي عباره عن اي ؟ واي المتوقع منه . أما التردد الحراري فهو التأثير بتاعه بيبتدي يظهر من ١٠ ل ١٤ يوم , بيبقي في شويه تعليمات بنعملها علي عكس الحقن والتردد الحراري التردد الحراري بيبقي اول ٢٤ ساعه بنعمل كمادات مايه ساقعه مكان التردد , وبعد كدا بنعمل كمادات مايه دافيه لمده عشره ايام ليه بنعمل حاجه زي كدا لأن التردد الحراري دا عباره عن حاجه بتلسع العصب و بتبقي حاجه حرارتها عاليه , فبتعمل حاجه اسمها neuromodulation للعصب أو الأعصاب اللي حواليه طبعا بندي شويه ادويه بالذات في التردد الحراري , مسكن ومضاد للالتهاب عشان الموضوع ميبقاش مؤلم في الفترة الاولانيه المفروض أن العيان يبدء يرجع لحياته الطبيعيه علطول بعدها , يقدر يتمشي يخش الحمام بيعيش حياته ولو عاوز يخرج مفيش اي مشاكل , بس بنبقى معرفينه أنه ممكن يحس بشويه مشاكل زي حرقان مكان التردد نفسه مكان النقط اللي احنا عملنا فيها التردد الحراري . ولو عاوز تعرف اي تفاصيل عن الحقن والتردد الحراري تقدر تتواصل معانا من خلال رسائل الصفحة او من خلال الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
