متى يسمح بالجماع بعد عملية تثبيت الفقرات

متى يسمح بالجماع بعد عملية تثبيت الفقرات

بعد ما مريض تزحزح الفقرات يعمل العملية بيبدء يسئل اسئله كتير عن طبيعة حياته بعد كدا وببقي من ضمن الاسئله انا هقدر امارس حياتي الزوجيه امتي , ولو مارستها هتأثر علي العملية ولا لا , وطبعا هو سؤل مهم جدا وفي كتير من المرضي بيكونوا محرجين يسئلوه , فتعالو نجاوب عليه سوا .

لازم تبقي عارف ان عملية تثبيت الفقرات عملية مهمه ومش بسيطة وبتحتاج راحه من كل الانشطة اللي كنت بتعملها قبل العملية ومنها الجماع , طب ليه ؟
عشان بعد العملية بيكون متركب شرايح ومسامير ولسه الجسم متأقلمش معاها ولا الفقرات لحمت مع بعضها , ولا حتى جرح العملية التأم
دا غير ان بعد العملية بيكون عضلاتك ضعيفة ومجهده بسبب جرح العملية , فلو عملت اي مجهود كبير زي الجماع , الضغط كله هيكون علي عمودك الفقري ودا ممكن يعمل مشكلة كبير في الشرايح والمسامير والعملية تفشل .

فطبعا الصح انك لازم تلتزم الأول بفترة الراحه , بمعني ان مينفعش انك تمارس الجماع بعد العملية علطول , لازم علي الاقل تصبر من 4 ل 6 اسابيع , وبعد كدا تبدء ترجع لممارسة حياتك الزوجيه واحده واحده . 

ولما تبدء ترجع تمارس الجماع تاني لازم تلتزم بشوية تعليمات وهي :

• اول واهم حاجه بلاش تاخد قرار العلاقة لو لسه بتحس بأعراض , أو آلام في الضهر
• لو اخدت قرار العلاقه لازم تكون في وضعية مريحة ومتكنش بتضغط على العمود الفقري .
• لازم ناخد الموضوع تدريجيا وواحده واحده عشان نتجنب اي اجهاد مفاجئ ممكن يحصل
• إننا نلتزم بالأدوية ونلتزم بخطة العلاج كويس جدا مع العلاج الطبيعي لتقوية الضهر .
• يفضل ان المريض ضهره يكون مستقيم وقت العلاقة .
• نلتزم بكل النصايح اللي الدكتور المتخصص هينبهنا عليها عشان نتجنب أي آلام .

وفي نصايح بشكل عام لازم برضو تلتزم بيها بعد عملية تثبيت الفقرات :

• اننا منشيليش اي اوزان تقيلة تعمل ضغط على العمود الفقري .
• نحاول منقعدش في وضعية واحدة لمدة طويلة عشان منضعفش عضلات الضهر .
• إننا نلتزم بالأدوية لأن بيكون فيها مضادات للإلتهاب وباسطات للعضلات .
• اننا نحاول نمارس رياضة المشي بشكل منتظم عشان نحافظ على مرونة وقوة العضلات

• اننا نتجنب نعمل اي حركات مفاجئة ممكن تأثر على مكان العملية.
• الالتزام بجلسات العلاج الطبيعي لانها هي اللي هتساعدنا اننا نقوي عضلات الضهر .
• لو بندخن فنحاول نمنع العادة دي عشان نقدر نحافظ على عمودنا الفقري .
• اننا نلتزم بنظام غذائي يكون صحي ومتكامل ونتجنب الأطعمة الدسمة أو المصنعة اللي ممكن انها تسبب الامساك ، و اننا نركز اكتر على الاكل الصحي اللي فيه كل العناصر الغذائية المهمة .
• نحاول اننا منلمسش الجرح عشان ميحصلش اي عدوى بكتيرية .
• اننا نحاول منعرضش الجرح لميه بعد العملية على الأقل لمدة 4 ايام .

المهم عشان ترجع لحياتك الزوجية في اسرع وقت لازم تلتزم بالتعليمات كويس جدا وإن شاء الله ترجع لحياتك الطبيعية بدون اي الم ولو عندكم اي استفسار او اي سؤال تقدروا تتواصلوا معانا على 01000120118.