دكتور علي القاضي > الخدمات > ماذا بعد عملية توسيع القناة العصبية ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
بعد عملية توسيع الفقرات القطنية ,المريض بيقعد يوم واحد في المستشفى وبيرجع يتحرك عادي من تاني , والحركة بعد العملية مش ممنوعة، بالعكس المريض يقدر يمشي ويقعد ويدخل الحمام. ولو كان في تنميل أو تقل قبل العملية، بيتحسن تدريجيًا على حسب المدة اللي المريض استنى فيها قبل ما يعملها و طبعا المتابعه مهمه جدا بعد العملية وكمان بعد أسبوعين بنبدأ علاج طبيعي لتقوية العضلات، وبعد شهر ونص المفروض المريض يرجع يعيش حياته بشكل طبيعي .
Your browser does not support HTML5 video.
توسيع الفقرات القطنية عملية من العمليات الاساسيه اللي بنقابلها كتير جدا بالذات في حالات ضيق الفقرات القطنية , بعد العملية العيان بيقعد في المستشفى في حدود ٢٤ ساعة تحت الملاحظة لو محصلش اي مضاعفات , العيان بيقدر يتمشي بيقدر يدخل الحمام بيقدر يقعد , مفيش اي مشاكل خالص لأن التوسيع مش لازم معاه استئصال للغضروف . واحنا بنمنع القاعدة لفترات طويلة بعد عمليات استئصال الغضروف عشان الغضروف نفسه ميرجعش , أما في حالات ان احنا بنعمل توسيع الفقرات القطنية من غير استئصال للغضروف , العيان ممكن يقدر يتمشي يقدر يقعد يقدر يعمل اللي هو عاوزه . العيان الي بيقول مش بقدر امشي مثلا ٢٠ او ٣٠ متر , نتأكد أنه بقي قادر يمشي فترات اكتر و موضوع التقل بتاع رجله الشديد دا يبتدي يخف , ممكن يبقى في شوية تنميل حسب الفتره اللي قاعدها قبل ما يعمل العملية العيان اللي بيقعد ٥ او ١٠ سنين قبل العملية بيبقي معاه شويه تنميل ممكن يكمل معاه ايام أو أسابيع قبل ما يتحسن تماما , غير العيان اللي بقاله سنتين تلاته , العيان دا هيتحسن وهتبقي الدنيا كويسه عنده اسرع بكتير جدا بعد ما يقعد في المستشفى ونطمن علي الجرح بتاعه في خلال ٢٤ ساعة , وعاده العملية بتتعمل بالميكروسكوب فبتبقي الفاتحه مش كبيره حتي لو احنا بنعمل اكتر من فقره , يعني لو فقرتين تلاته ممكن يبقي علي قد صوباع ايدي في حدود ٧ سم ممكن تبقي اطول شويه حسب وزن العيان وإلى آخره النقطه التانيه لما العيان يرجع للبيت زي ما قولنا يقدر يمشي , يقدر يقعد , يقدر ينام علي جنبه , يقدر ياكل اللي هو عاوزه ,يقدر يشرب اللي هو عاوزه مفيش اي مشاكل , غير أن احنا بنغير علي الجرح يوم اه ويوم لا , وبتابع مع المساعدين واشوف الجرح بتاع العيان , عشان لو في اي مشاكل في التئام الجرح , لو في اي التهابات لازم نتعامل مع الموضوع بصفة سريعة ونلحق الموضوع بدري , قبل ما يحصل مشاكل اكتر من كدا , دا في الحالات اللي هي أقل من ١٠٪ أنه يحصل تسريب في السائل النخاعي أو التهاب في الجرح أو الجرح نفسه ميلمش. بعد ١٤ يوم وبعد ما نطمن انه ابتدى يرجع لحياته الطبيعيه , نبتدي المرحلة التانية ان احنا نبتدي نعمل علاج طبيعي لتقوية عضلات البطن والضهر , ودا عشان اللي جاب خشونة في الاول ممكن يعمل خشونة تاني النقطه التانيه أن العيانين اللي عندهم خشونه في مفاصل تانيه , بيحتاجوا برضو يتظبط لهم العضلات بتاعتهم عشان متبقاش الماشيه بتاعتهم غلط ويحملوا على ضهرهم بطريقه غلط للمرة التانيه , وييبتدي يحصل مشاكل فوق العملية أو تحت العملية حسب الفقرات نفسها اللي بيتعملها التوسيع المرحلة التانيه اللي هي بتمتد من الأسبوع التاني لغايه شهر ونص بعد العمليه والمرحله التالته اللي هي بعد شهر ونص المفروض أن العيان يكون خلص العلاج الطبيعي ويبتدي يرجع لحياته الطبيعيه سواء أن هو يشيل أو يقعد أو يتمشي أو يعمل اي حاجه طبيعيه باذن الله تعالى لو مفيش اي مضاعفات ولو عاوز تعرف اي تفاصيل عن عملية توسيع الفقرات القطنية تقدر تتواصل معانا عن طريق رسائل الصفحه او علي الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
