دكتور علي القاضي > الخدمات > ما هي أعراض الغضروف القطنى ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
الانزلاق الغضروفي القطني بيبدأ بوجع شديد في الضهر، وبعد فترة , الوجع بيخف لكنه بينتقل للرجل على شكل تنميل أو حرقان , لو متعالجش صح من البداية , ممكن يسبب صعوبة في حركة الرجل أو فقدان الإحساس في منطقة معينه , او فقدان التحكم في البول والبراز والمضاعفات دي بتحصل في 10% بس من الحالات , بس اطمن لان 90% من الناس بتتحسن بالعلاج الدوائي والعلاج الطبيعي , المهم تتشخص صح وتتعالج صح من الاول
Your browser does not support HTML5 video.
عادة العيان بيجي يقولك الاول انا ضهري واجعني جدا وبعد اسبوعين ضهري يبتدي يفك ورجلي تبتدي تنمل جدا و وبحس بتنميل او خدران وبحس بلسعه وحرقان في رجلي , أكن سيخ معدي أو كأن في حد بيقطع في رجلي
في نقطتين في الكتاب بيقول عادة العيان بيحس بألم في ضهره وآلام عرق النسا, اما احنا بنتكلم عن التجربه بتاعتنا في العيادات , عادة العيان بيجي يقولك الاول انا ضهري واجعني جدا وبعد اسبوعين ضهري يبتدي يفك ورجلي تبتدي تنمل جدا و وبحس بتنميل او خدران وبحس بلسعه وحرقان في رجلي , أكن سيخ معدي أو كأن في حد بيقطع في رجلي و كل دي أحاسيس مختلفة لآلام العصب بس السيناريو المكرر بالنسبالي أن آلام بتاعه الضهر بتختفي ويبتدي يظهر الام الرجلين بعديها وشوفنا عنده انزلاق غضروفي مكملش العلاج الدوائي والعلاج الطبيعي الصحيح ممكن يحصل مضاعفات للأسف الشديد يبتدي يحصل صعوبه في الحركه بتاع الرجل سواء مشط الرجل أو الركبة و ممكن يحصل فقدان الإحساس في حته معينه في رجله او ممكن يحصل عدم تحكم في البول والبراز والحاجات دي مبتحصلش غير في ١٠٪ من الحالات يعني في بعض الجراحين بيحاولوا يقولوا للعيان انت لو معملتش العمليه هبحصلك المضاعفات دي , لا المضاعفات دي مبتحصلش الا لـ١٠ ٪ من الحالات وبتبقي اكتر في نسبه العيانيين اللي عندهم غضروف قطني من الدرجه التالته أوالرابعه لكن مش معني ان انت عندك غضروف من الدرجه الاولى والتانيه او لسه مشخص غضروف , فانت لازم تترعب وتفكر ان انا هيحصلي ضعف في رجلي أو هيحصلي عدم تحكم في البول , دا مش حقيقه نسبه ٩٠٪ مش هيحصلك اي حاجه من الحاجات دي ولكن يفضل جدا انك انت تكشف عن دكتور متخصص وتتشخص بطريقة صحيحة , وتعرف اي التعليمات بتاعتك وتمشي علي البروتوكول العلاجي الصحيح عشان تحاول تستبعد الـ١٠ ٪ الموجودة ولو عاوز تعرف اي تفاصيل عن طرق علاج الانزلاق الغضروفي تقدر تتواصل معانا من خلال رسايل الصفحة او عن طريق الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
