دكتور علي القاضي > الخدمات > ما هي طرق استئصال الغضروف القطني ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
لو عندك انزلاق غضروفي قطني وقررت تعمل عملية، هتلاقي آراء كتير متلخبطة بين تعمل العملية بالمنظار ولا الميكروسكوب ، وكل دكتور بيقولك حاجة مختلفة. بس المهم إنك تفهم إمتى كل طريقة بتكون مناسبة. والميكروسكوب والمنظار الاتنين يعتبروا من التدخلات المحدودة، والعملية بتم من خلال فتحة صغيرة جدًا من غير ما يحصل ضرر كبير للعضلات , والفرق بينهم إن الميكروسكوب بيكبرلك الرؤية جدًا، فالدكتور بيشوف العصب والغضروف بوضوح، وده بيقلل جدًا من نسبة المضاعفات. أما المنظار فالدكتور بيشتغل وهو باصص على شاشة باستخدام أدوات دقيقة. لوشغلك مش مجهود كبير، فالميكروسكوب أو المنظار هيكونوا أنسب ليك. لكن لو وزنك زايد، أو بتشيل تقيل كتير، أو عندك تزحزح في الفقرات، ساعتها التثبيت بيكون الأفضل، وده بيتعمل من خلال فتحة أكبر شوية، وبيتضمن تركيب شرايح ومسامير، وأحيانًا بنركب قفص كربوني لزيادة نسبة التثبيت. ,يعني ببساطة، اختيار نوع العملية بيرجع لطبيعة حالتك وظروفك اليومية، ومفيش حل واحد مناسب لكل الناس.
Your browser does not support HTML5 video.
لو انت عيان انزلاق غضروفي قطني وخدت قرار انك انت تعمل العملية , هتحتار جدا انك انت لو رحت لدكتور هتلاقيه بيقولك هعملك استئصال للغضروف بالميكروسكوب الجراحي في دكتور تاني يقولك لا بلاش الميكروسكوب , هعملك بالمنظار في دكتور تالت , هيقولك لا انا هعملك تثبيت فقرات عشان الغضروف بتاعك ما يرجعش , في واحد رابع هيجي يقولك انا هشيلك الغضروف واركب لك مكانه غضروف صناعي والى اخره .
اول طريقة استئصال الغضروف القطني بالميكروسكوب او بالمنظار , هم نفس الفكرة بالظبط , دي انواع من التدخل المحدود للعمليات العمود الفقري , وهي طريقة بنفنح فتحة صغيره جدا بتوسع العضلات بطريقه بسيطه , و بتستأصل جزء صغير جدا من العضم ومجرد انك انت بتستأصل الغضروف , وبتحرق العصب وبتقفل على كده , فدي ال gold standard او الاساس في جراحات الانزلاق الغضروفي العالميه بالميكروسكوب الجراحي او بالمنظار
الميكروسكوب عباره عن أداة بتستخدمها عشان تكبرلك الحاجه اللي قدامك 40 ضعف , يعني الحاجه بدل ما هي رفع الصباع تبقى قد الدراع , ودي بتحمي او بتخلي الجراح قادر انه يشوف الحاجه بطريقه احسن , فنسبة المضاعفات بتاعه العملية, بتبقى اقل بكتير تخيل تبقى شايف العصب قدام عينك تبقى شايف الغضروف قدام عينك الكلام ده كله بيساعدني انا كجراح ان انا استأصل الغضروف بطريقة امنه بدون اي مضاعفات طيب المنظار ؟ , المنظار ده عباره عن انك انت بتدخل آلات وتبقى باصص في شاشة وانت شغال بتدخل زي انبوبة وبتستأصل عن طريقها بالأدوات الغضروف المنزلق طيب تثبيت الفقرات القطنية بيبقى طريقة تقليدية فتحه اكبر شويه من فتحه الميكروسكوب والمنظار , بتبقى فتحه تقريبا في حدود 7 سم بتستأصل الغضروف تماما , بتوسع العضم وبتوسع القناة الشوكية وبتعمل تثبيت للفقرات . وتثبيت الفقرات فكرتها الوحيده انك انت لو
كل دول أسباب تخليني انا كجراح اعملك تثبيت فقرات مع استئصال الغضروف .
دا خطوة من خطوات التثبيت يعني ايه ؟ , يعني انت مش مجرد بتركب شرايح ومسامير او ما تسمى بالدعامات المتحركه لان كل المسامير اللي احنا بنركبها دلوقتي هي الدعامات المتحركه. في خطوة بعديها بعض الجراحين بيحبوا يعملوها وانا منهم , وهي مع استئصال الغضروف بنركب قفص كربوني عشان بتزود نسب الالتحام ونسب التثبيت , فلو انت عندك انزلاق غضروفي وانت من النوع اللي شغلك عبارة عن شغل مكتبي , او انك مبتشلش حاجات تقيله فانا برشحلك دايما استئصال الغضروف عن طريق الميكروسكوب , لانه ده التدخل المحدود في الحاله دي اما لو انت من النوع اللي بيشيل تقيل بسبب وظيفتك , او انك انت في ظروف عندك بتخليك انك انت تشيل تقيل , او انت وزنك زياده , ساعتها انا برشحلك انك انت تعمل تثبيت فقرات عن انك انت تعمل استئصال الغضروف بالميكروسكوب عشان الغضروف مايرجعش لو انت عايز تعرف اكتر عن نسب نجاح العمليه وايه هي المضاعفات ونسبها الحقيقية في فيديو بيتكلم عن الموضوع ده بالتفصيل https://youtu.be/RqaruvFqJqI?si=UkFa_w9S9iZkF2cH لو عندك اي استفسارات عن عمليات استئصال الغضروف تقدر تتواصل معانا من خلال رسايل الصفحة او من خلال الواتساب 01000120118 دكتور علي يسري القاضي استشاري ومدرس جراحة المخ والاعصاب والعمود الفقري بجامعة القاهرة
