دكتور علي القاضي > الخدمات > ما هي اضرار تمارين الجيم علي العمود الفقري ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
لو بتروح الجيم أو بتلعب CrossFit وعايز تحافظ على عمودك الفقري، لازم تهتم بالطريقة الصحيحة للتمرين وتتجنب رفع أوزان أكبر من طاقتك.وتخلي بالك ان لو مش واخد الوضعية الصحيحة في اللعب وشيل الاوزان ممكن تسبب ضغط على الفقرات وتعرض نفسك لانزلاق غضروفي او يحصلك تزحزح في الفقرات
الناس المهتمه بالجيم او CrossFit وعايزه تحافظ على عمودها الفقري تعالوا اقول لكم بعض النصائح من جراح عمود فقري اولا لازم تاخد بالك وانت بتشيل الحاجه انك انت تحمل على العضله الاساسيه , لان في حاجه اسمها primary muscle او secondary muscle اللي هي العضلة الثانويه يعني مثلا لو انت بتشيل اي حاجه ورا رقبتك لو الوزن زياده عن اللزوم هتبتدي مع الكتف او مع الترابيس تبتدي تحمل على الفقرات العنقيه والعضلات بتاعه الرقبه , لو الوزن ده زاد عن اللزوم والعضلات نفسها ابتدت تضعف الغضاريف اللي جوه هتبتدي تتحرك وممكن تضغط على الاعصاب وساعتها يبقى عندك حاجه اسمها انزلاق غضروفي عنقي
نفس الكلام لو انت بتشيل حاجه تقيله على ضهرك بالذات الحاجات بتاعه السكوات او deadlift , او غيره لو انت مش واخد التكنيك او الوضعيه الصحيحه , هتبتدي تحمل على الغضاريف اللي في ضهرك وساعتها ممكن يحصل انزلاق غضروفي قطني او لو بعد الشر شلت حاجه تقيله فجأة ممكن تحس بطقه في ضهرك وممكن تخش في حاجه اسمها تزحزح في الفقرات اهم حاجه وانت بتلعب في الجيم او بتلعب crossfit , لازم الوضعيه بتاعتك تبقى صحيحة وما تشيلش اوزان فوق طاقتك لازم تلعب بالوزن بتاعك واحده بواحده. ويفضل جدا ان التمارين اللي بتتعمل ورا الضهر او ورا الرقبه , تبقى واخد بالك جدا من التكنيك عشان ما تحملش على الغضاريف بتاعتك طيب لو انت من الناس اللي بتلعب في الجيم او crossfit, وعندك شوية الام زي وجع في رقبتك وزاد معاه تنميل في ذراعك او وجع في اسفل الضهر وابتدا يبقى فيه تنميل في رجلك , لازم تكشف عن دكتور عمود فقري عشان تبتدي تتشخص بالطريقه الصحيحه عشان في الاول الموضوع بيبقى علاجه علاج بسيط جدا , عباره عن علاج تحفظي , وبعد كدا وتقدر ترجع للرياضه اللي انت بتحبها , لكن لو اتاخرت والموضوع تطور ساعتها هيبقى في مشكله وغالبا هتتمنع انك انت تكمل الرياضه اللي انت بتحبها عشان كده كل ما تتشخص بدري كل ما تتعالج احسن وكل ما تقدر ترجع لحياتك الطبيعيه
لو عندك اي استفسار عن طرق علاج مشاكل العمود الفقري تقدر تتواصل معانا من خلال رسايل الصفحة او من خلال الواتساب 01000120118 وهنرد عليك في اسرع وقت دكتور علي يسري القاضي استشاري ومدرس جراحة المخ والاعصاب والعمود الفقري بجامعه القاهره
