علاج غضروف الفقرة الرابعة والخامسة

علاج غضروف الفقرة الرابعة والخامسة

الانزلاق الغضروفى بين الرابعة والخامسة من أشهر مشاكل العمود الفقري اللي بنسمع عنها , وكتير من المرضي بيسألوا ليه بالذات الفقرة الرابعة والخامسة أكتر فقرات بيحصل فيهم انزلاق غضروفي قطني واي العلاج المناسب لو حصل انزلاق غضروفى فى الفقرتين دول , تعالوا نعرف الاول الفقرتين مكانهم فيهم عشان نفهم اكتر

في البداية لازم نعرف ان العمود الفقري بتاعنا بيكون متكون من مجموعة فقرات مرصوصة فوق بعض ، الفقرات العنقية اللي هما 7 ، والصدرية اللي هما 12 ، والفقرات القطنية اللي هي في اخر الضهر وعددهم بيكون 5 وبعدها بتيجي الفقرات العجزية وبعدها العصعص والاتنين بيكونوا ثابتين ومفيش بينها أي غضاريف.

والفقرات القطنية هي اكتر فقرات في العمود الفقري بتشيل وزن وبتتحمل ضغط من العمود الفقري ،وتحديدا الفقرة الرابعة والخامسة اللي هما في اخر الضهر خالص ، دا غير الفقرة الخامسة القطنية والاولي العجزيه بتكون اخر فقرات متحركة في العمود الفقري .
فكمية الضغط اللي بيحصل عليها بيكون كبير جدا وعشان كده هي اكتر فقرات بيحصل فيها إصابة . 

طب أي هي أسباب غضروف الفقرة الرابعه والخامسه؟

1. الوراثة ( بمعني ان ان بعض العائلات عندها استعداد اكتر انه يحصلهم غضروف عشان بيبقي في ضعف في العضلات والاربطه )
2. شيل اوزان تقيلة بطريقة غلط .
3. كبر السن : كل ما بنكبر في السن بنكون أكتر عرضه للانزلاق الغضروفي
4. وكمان لو عندنا سمنة مفرطة، وده لان زيادة الوزن بتزود من الضغط على العمود الفقري والفقرات القطنية وكمان بتضعف العضلات .
5. ضعف عضلات الضهر نتيجة القعدة الكثيرة وده بيخلى الضغط كله يكون على العمود الفقري وتحديدا الفقرات القطنية.
6. التدخين لانه بيقلل وصول الدم للغضروف
7. قلة الحركة والثبات في وضعية واحدة لفترة طويلة ومثال على ده هما الناس اللي بيكون شغلهم مكتبي .

بعد ما عرفنا الأسباب خلونا نعرف

ايه هي أعراض غضروف الفقرة الرابعة والخامسة؟

• هنحس بألم في أسفل الضهر , تنميل او تخدير أو شكشكة في الرجل , او هنحس بنار أو سيخ ماشي في رجل واحدة أو الرجلين من اول الفخد لغاية صوابع الرجل ودا بنسميه ( الام عرق النسا )
• وكمان من الاعراض اننا مبقيناش قادرين اننا نمشي لمسافات طويلة .

ولو أتاخرنا في علاج الانزلاق الغضروفي القطني هيبدء يظهر اعراض خطيرة زي

• سقوط نسبي في القدم واللي هي اننا منبقاش قادرين اننا نرفع وش رجلنا من على الارض و احنا ماشين .
• عدم الاحساس بمنطقة معينه في الجسم
• صعوبة أو عدم تحكم فى البول أو البراز

طيب لو طلع عندك انزلاق غضروفي بين الفقره الرابعة والخامسه اي علاجك ؟

1- العلاج التحفظي
العلاج التحفظي اللي بيتكون من ( علاج دوائي وعلاج طبيعي ) بيعالج ٩٠٪؜ من حالات الانزلاق الغضروفي القطني بدون ما يلجأوا الي حقن وتردد حراري

2- الإجراءات محدودة التدخل اللي هي : 

• التردد الحراري
• و حقن جذور الاعصاب
• استئصال الانزلاق الغضروفي القطني بالميكروسكوب
• استئصال الانزلاق الغضروفي القطني بالمنظار

3- الجراحة التقليدية لاستئصال الانزلاق الغضروفي القطني
واللي هي بتبقى جراحة عادية او الجرح بتاعها بيكون أكبر شوية من الميكروسكوب والمنظار.
لو عاوز تعرف تفاصيل اكتر عن خطه العلاج الكاملة للانزلاق الغضروفي اسمع الفيدية دا مع دكتور علي القاضي  

وبكده نكون عرفنا علاج غضروف الفقرة الرابعة والخامسة واعراضه واسبابه وازاي هنعالجه بس طبعا انك تروح لدكتور متخصص في جراحة العمود الفقري يشخصك صح ويحددلك اعلاج الصح هو بداية طريقك في العلاج ، لو عندكم اي استفسار تقدروا تتواصلوا معانا على 01000120118 .