أهم 3 نصائح لـ مرضى الانزلاق الغضروفي القطني

مشكلة الانزلاق الغضروفي القطني مشكلة علاجها بيحير ناس كتير جدا ومش بتخليهم عارفين يعملوا ايه او يبدأوا العلاج منين، وهل العلاج ده هو العلاج الصح ولا غلط، فخلينا نتكلم النهاردة في كام نصيحة مهمه لو عملتها هتقدر انك تصاحب الانزلاق الغضروفي القطني وتعيش مرتاح من غير الم.

أهم نصائح لمساعدة مرضى الانزلاق الغضروفي القطني

1- ​اول واهم نصيحة ليك إنك اول ما تحس بألم في رجل أو بأعراض الانزلاق الغضروفي القطني إنك تروح على طول عند دكتور متخصص في جراحة العمود الفقري ،يكون قادر ان هو يعمل تشخيص و فحص اكلينيكي سليم، عشان غالبا هتلاقي الغضروف اللي عندك من الدرجة الأولى والتانية

وفي الحالة دي كل اللي هتحتاج تعمله عشان تصاحب الغضروف إنك تلتزم بفترة العلاج الدوائي والعلاج الطبيعي الموصوفة ليك، وده عشان 90% من حالات الانزلاق الغضروفي القطني اللي من الدرجة الأولى والتانية علاجهم بيكون عن طريق الادوية والعلاج الطبيعي وال 10% الباقيين هيحتاجوا للتردد الحراري مع الادوية والعلاج الطبيعي.
وخلال 6 اسابيع ان شاء الله هتكون اتصاحبت مع الغضروف وهيكون موجود عندك من غير ما يكون عاملك أي الم، والآلام اللي عندك كلها هتكون راحت وكمان هتكون قدرت إنك ترجع لشغلك وحياتك الطبيعية في وقت قصير جدا. 

2- إنك تحاول تلتزم بكل التعليمات اللي هيقولهالك الدكتور المتخصص عليها زي: 

• انك متقعدش لفترات طويلة بطريقة غلط زي القعدات المكتبية اللي بتعمل ضغط كبير على منطقة أسفل الضهر.
• إنك تلتزم بجلسات العلاج الطبيعي، والجلسات دي مهمه جدا لانها بتقوي عضلات الضهر وبتخلي الجسم يتعود على وجود الانزلاق الغضروفي القطني في الضهر.
• لو الدكتور المتخصص طلب إنك تنزل من وزنك فمهم جدا إنك تحاول وتبدأ تقلله، لان اللي بيشيل الوزن الزايد دا هو العمود الفقري وتحديدا الفقرات القطنية، فعشان تضمن ان ميحصلش أي انزلاقات غضروفية مرة تانية فلازم انك تكون متأكد إنك مش هتحمل عمودك الفقري فوق طاقته.
• إنك لو كان عندك انزلاق غضروفي قطني عاملك أعراض شديدة والدكتور قالك إنك محتاج تدخل جراحي فلازم تحاول تتقبل الموضوع ده وتاخد قرار العملية في أسرع وقت.

استئصال الجزء المنزلق للغضروف

وده عشان في الحالة دي انت بتكون وصلت لمرحلة ان الانزلاق الغضروفي اللي عندك مش قابل انه يتعالج بالأدوية أو بالعلاج الطبيعي ،ولا حتى قابل انه هو يتعالج بالتردد الحرارى لعلاج الانزلاق الغضروفي القطني
ففي الحالة دي اللي هيكون أحسن ليك إنك تعمل استئصال للجزء المنزلق من الغضروف

عشان انت لو سبت الغضروف من غير تدخل جراحي انت كدا هتكون في طريق إنك يحصلك الأعراض الخطيرة اللي هي

• سقوط نسبي في القدم
• صعوبة في التحكم في البول أو البراز
• عرج أو صعوبة في المشي

والانزلاق الغضروفي القطني نفسه هيخليه يضغط أكثر على جذور الأعصاب لغايه ما الاعراض دي تكون دائمة ويكون قدامك 48 ساعة قبل ما الاعراض دي تبقى دائمة ويحصلك

• سقوط دائم في القدم
• عدم تحكم كامل في البول والبراز
• عدم الإحساس بمنطقة معينة في الرجل

وتقدر تعرف تفاصيل اكتر عن أعراض الانزلاق الغضروفي الخطيرة من الفيديو دا مع دكتور علي يسري القاضي

نسبة نجاح العملية بالميكروسكوب والجراحة العادية

فعشان نتجنب ان ده يحصل ونتجنب ان نسبة نجاح العملية تقل سواءا كانت بالميكروسكوب او بالجراحة التقليدية , لازم تكون عارف ان ده هو الحل الأخير عشان تصاحب الغضروف وعشان تحمي نفسك من الأعراض الخطيرة للانزلاق الغضروفي القطني
وكل ده دلوقتي بيتم عن طريق تدخلات محدودة جدا عن طريق عقلة صباع او عقلة ونص مش اكتر وخلال ساعة ونص او اقل هتكون عالجت مشكلة الانزلاق الغضروفي القطني لباقي حياتك ومش هتعاني من أي آلام من الغضروف القطني بإذن الله.
عشان كده بننصح دايما إنك متتأخرش فى العلاج عشان تكون من درجات الانزلاق الغضروفي القطني الأولى والتانية وتعالج الغضروف من غير عملية وتقدر انك تخلي جسمك يتعود عليه.

ولو عندك اي اسئلة عن طرق علاج الانزلاق الغضروفي القطني تقدر تتواصل معانا من خلال رسايل الصفحة او من خلال الواتساب 01000120118
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة