دكتور علي القاضي > طرق العلاج > التردد الحراري
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
لأي حد بيعاني من وجع الضهر لازم يكون فكر في الطريقة دي من طرق العلاج لأنها اولا مش تدخل جراحي وكمان بتوقف وجع الضهر ، والطريقة دي هي التردد الحراري ، و تعالو نعرف مع بعض كل معلومة تخص التردد الحراري وتعالوا نعرف وأول حاجه اصلا
هو جهاز بيطلع موجات كهرومغناطيسية ، وظيفة الموجات دى انها تقلل من التهاب الأعصاب اللى تضررت بسبب انه حصلها ضغط يعني ببساطة كدا الموجات دي عامله زي المسكن ، والتردد الحراري بيكون ليه نوعين :
بنبدأ الإجراء بأن المريض بيكون نايم على بطنه و بيكون متثبت فوقه جهاز اشعه تداخلية عشان نكون شايفين كويس فقرات العمود الفقري و الأعصاب ، و بعد ما نكون عقمنا المنطقه اللى فيها الفقرة اللى حصل فيها المشكلة زي الانزلاق الغضروفى مثلا و خدرنها بمخدر موضعى ، بنبدأ اننا ندخل ابره رفيعه جدا (زى الكانيولا) جنب العصب اللى فيه المشكله ، و بنبدأ ندى حقنة صبغة فى الكانيولا عشان نكون شايفين كل الفقرات و الاعصاب بوضوح على جهاز الاشعه . و بعدين ندخل فيها ابره تانيه بتكون متصلة بجهاز التردد الحرارى ، وبعدها بنشغل الجهاز اللى هيبدأ يطلع الموجات الكهرومغناطيسية ، فتبدأ الترددات دى انها تعالج الالتهاب اللى حصل للعصب بسبب الانزلاق الغضروفى و تسكن الالم . و بعد ما بنخلص الجلسة بنعمل حقن لجذور الاعصاب عشان نخفف الألم و نضيع الالتهاب بشكل سريع لان مفعول التردد الحرارى مش بيبان بعد الجلسه على طول ، بنحتاج من 3 ل5 اسابيع لحد ما يبدأ تأثير التردد الحرارى يظهر و يضيع الالتهابات اللى حصلت و الألم.
ايوا التردد الحراري بيكون ليه اوقات يفضل اننا نعمله فيها زي :
وهنا لازم نسأل سؤال مهم جدا وهو
التردد الحرارى يعتبر مسكن للالم بس مفعوله بيستمر لفترات طويلة ، لأننا هنا بنعالج الالتهابات اللى حصلت فى جذور الاعصاب و سببت الألم مش بنعالج المشكلة نفسها اللي في العمود الفقري ومثال على دا هو الإنزلاق الغضروفي . و نسبة نجاح التردد الحراري بتكون من 75 لـ 80% بمعني ان في 8 بيستفيدوا من التردد و 2 بيحسوا ان مفيش اي فرق … في ال8 اللي بيتحسنوا ممكن التحسن بيبقي من اول شهر لسنه و دي حاجه مبتتوضحش للمريض بطريقه صحيحة للأسف من معظم الدكاتره
الألم هيرجع فى حالة واحدة أن مشكلة الضهر تبدأ انها تزيد و يرجع الضغط على ع الاعصاب تانى وده اللى هيرجع الألم ، وعشان ده ميحصلش لازم اننا نغير من أسلوب حياتنا و نبعد عن أي أنشطة أو تصرفات ممكن تسبب ضغط على العمود الفقرى ، و عشان لو كان عندنا انزلاق غضروفي ورجعنا ضغطنا تاني على ضهرنا ممكن يحصل مع الضغط ده زياده ضغط على الغضروف اللى حصل فيه مشكله ، لان خلينا نتفق ان دلوقتى احنا بقى عندنا غضروف صغير فلازم اننا نفضل محافظين عليه و منعرضهوش لضغط كبير عشان ميكبرش وتكير المشكلة معاه .
نقدر نعمل الجلسة اكتر من مره مش بيكون فيها مشكله ، بس قبل ما نقول اننا هنعمل التردد الحرارى مرة تانية لازم الاول نشوف ايه اللى احنا عملناه اتسبب فى ان الالم يرجع تانى يعنى مثلا هل وزننا زاد ولا شيلنا حاجة تقيله هى اللى عملت ضغط على الفقرات اتسببت فى ان الالم يرجع ، و لو عرفنا السبب فلازم قبل ما نقرر إننا نعمل التردد الحرارى مره تانيه نعمل رنين مغناطيسي عشان نشوف حجم المشكلة وهل هي كبيرة و ضغطت اكتر على الأعصاب ولا لا ؟ وهل لازم تدخل جراحى ، ولا لسه المشكلة زي ما هي ونقدر نعمل التردد الحرارى . و هل الالم ده بسيط ممكن لو اخدنا علاج زى المسكنات و مضادات الالتهاب ممكن يروح ولا هنحتاج نعمل التردد الحرارى ؟ خلينا نفق اننا لازم قبل ما نقرر إننا نعمل تردد حرارى ولا لا ، لازم نتاكد هل الوضع الحالى هيكون مناسب اننا نعمل تردد حرارى و هل لو عملناه هيجيب نتيجة ولا لا. ومن هنا نكون وصلنا لآخر سؤال عن التردد الحراري
اه دا ممكن يحصل في 20 لـ 25% من الحالات بناءا على الأبحاث العالمية مش بالنسب اللي للاسف بنسمعها ، و نسبته بتزيد لو التشخيص كان غلط زي مشكلة الانزلاق الغضروفي اللي ممكن انها تتشخص غلط ، لاننا وقتها هنكون بنطبق العلاج فى مكان غلط و مش هو اللى مسبب الالم ولو عايزين تعرفوا أكتر عن التشخيص تقدروا تضغطوا هنا التشخيص ،وعشان كده مهم جدا أن وقت الكشف المريض يقول كويس جدا هو بيحس بأيه و ومكان الالم فين بالظبط ، وبعد ما نسمع شكوى المريض لازم يكون فى فحص دقيق عشان نحدد المكان اللى فيه المشكله اللى مسببه الالم ، و بعد الفحص نعمل الفحوصات اللى هتأكد لنا التشخيص ، و نشوف هل الاشعة مطابقة لشكوى المريض والفحص ولا لأ ، وبعد كده نبدا نحط خطة العلاج المناسبة لحالة المريض . افتكر دايما ان أساس أي علاج أي مشكلة خصوصا لو مشكلة في العمود الفقري هو التشخيص الصح .
