دكتور علي القاضي > رحلة علاج > يوميات جراح عمود فقري : الحكاية التانية
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
حكايتنا انهاردة عن حالة عمرها 48 سنة ، الحالة دي طبيعة شغلها كان مكتبي يعني كان بيقعد لفترات طويلة جدا بدون اي حركة بين فترة والتانية ، وده خلاه يحس بوجع شديد جدا ومستمر في ضهره و مع ان الوجع كان شديد جدا و مستمر الا انه قرر يتجاهله ويفكر انه مجرد وجع بسيط ، ولما ينام ويرتاح وياخد أي مسكن الوجع ده هيروح وفضل على الحالة دي لغاية ما مرة وجع الضهر كان صعب جدا وغير محتمل وكمان كان حاسس بحرقان او زى موصف كان بيحس اكن فى كهربا ماشيه من اول الضهر لغاية لحد صوابع رجله على فكره والأعراض دي بنقول عليها عرق النسا . ومع كل العلامات دي قرر برضو انه يتجاهل الألم ويستمر على العادات الغلط اللى كان بيعملها ، لغايه ما الموضوع وصل انه بقى عنده عدم تحكم في البول والراز ، وهنا قرر انه مش هينقع يسكت اكتر من كده و انه هيروح يكشف ويعرف هو عنده اى و ازاى ممكن يعالجه .
بعد الفحص والتشخيص السليم للحالة اكتشفنا انه كان عنده انزلاق غضروفي قطني ما بين الفقرات القطنية الرابعة والخامسة ودا يعتبر من اشهر الامراض اللي ممكن تصيب العمود الفقري وتحديدا ما بين الفقرة الرابعة والخامسة
و لو المريض حس بالاعراض دى و قرر انه ميروحش يكشف و يعالج الانزلاق العضروفى فالاعراض هتبدأ انها تزيد و ممكن يحصل :
و اللى للأسف وصلنا بعد ما الحالة وصلت لمرحلة ان العلاج الوحيد اللى بقى قدمنا دلوقتى هو التدخل الجراحي ، و اللى لازم نعمله بسرعه جدا عشان نقدر اننا نلحق قبل ما الأعراض تتطور أكثر ولا قدر الله توصل لشلل ، وده على عكس لو كان كشف اول ما بدأ يحس بوجع فى ضهره لان كل اللى كان هيبقى محتاجة وقتها علاج دوائي و علاج طبيعى بس .
فى الاول المريض كان قلقان جدا وكان فاكر ان جرح العملية هيكون كبير هيكون كبير لكنه اتصدم لما عرف ان الجرح هيكون صغير مش هيزيد عن 4 سم بس. ومن خلال الفتحة الصغيرة دي قدرنا اننا نستأصل نستأصل الغضروف المنزلق وكمان نعمل توسيع القنوات العصبية القطنية ، وكل دا عن طريق الميكروسكوب الجراحي ولو حابين تعرفوا اكثر عن الميكروسكوب الجراحي تقدروا تضغطوا هنا و في نفس اليوم قدر المريض أنه يمشي على رجليه بدون مشاكل وخلال 24 ساعه قدر المريض انه يرجع بيته مره تانيه على رجليه وبعد 10 أيام من المتابعة والالتزام قدر المريض انه يرجع لحياته وشغله بس بدون ألم . العلاج مفيش اسهل منه حتى لو كان عملية ، بس ليه منلحقش الأعراض وهي في البداية ونعرف ان جسمنا بيحاول يوصلنا رسالة من الاعراض دي عشان نعرف سبب المشكلة ونعالجها؟ #اعرف_سبب_ألمك
