دكتور علي القاضي > رحلة علاج > يوميات جراح عمود فقري : الحكاية الأولى
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
حكايتنا النهاردة عن مريض عنده 25 سنة ، و برغم من ان سنه صغير لكنه كان بيعاني من وجع في آخر ضهره وقرر أنه يتجاهله لفترة طويلة ، بعدها الألم اتنقل من ضهره لرجليه بس وقتها كان شديد جدا وكان معاه تنميل وتخدير في الرجل. والأعراض دي لو مكنش بدأ علاجها كان مصيره هيكون الشلل لباقي حياته ، لكن الحمد لله انه بدأ في رحلة العلاج من بدري وقرر انه يعالج سبب ألمه. طيب هو كان بيعاني من ايه ؟ واي هي الأعراض اللي كان بيحس بيها بالظبط ، دا اللى هنعرفه النهاردة في أول حكاية من يوميات جراح عمود فقري.
بعد فحصناه اكتشفنا انه كان عنده واحدة من أشهر المشاكل اللي ممكن تحصل في العمود الفقري وهي الإنزلاق الغضروفي ، بس المكان اللي حصل فيه الانزلاق ده كان نادر جدا انه يحصل فيه انزلاق لانه حصل فى الفقرات الصدرية و بنقول ان الانزلاق نادر انه يحصل فى الفقرات الصدرية ، لان الفقرات دي تعتبر من الفقرات الثايته فى العمود الفقرى ومش بتتحرك كثير على عكس الفقرات العنقية والفقرات القطنية واللي بيكونوا معرضين اكتر لان يحصل فيهم انزلاق عضروفى .
طيب ايه هو الانزلاق الغضروفي ؟
عشان نفهم الإنزلاق الغضروفي لازم نعرف بشكل سريع هو الغضروف بيتكون من ايه ، الغضروف بيتكون من جزئين ،جزء خارجي اسمه الحلقات الليفية واللي بتكون مسؤولة انها تحمي حاجه مهمه جدا بتكون جواها واللي هي الجزء التاني المادة الجيلاتينية ومهمتها انها تمتص الصدمات وتحمي الفقرات من أي احتكاك ممكن يحصلها مع الحركة. فاللي بيحصل مع الضغط الشديد على الغضاريف ان الحلقة الليفية دي ممكن يحصل فيها تشققات وتبدأ المادة الجيلاتينية اللي جوا تتحرك من مكانها وتضغط يا اما على جذر من جذور الأعصاب يا على الحبل الشوكي ووقتها هيسبب اعراض زي
بعد ما عرفنا الأعراض تعالو دلوقتي نعرف ازاي قدرنا اننا نعالج الحالة دي
بما إن الشاب اتأخر جدا في انه يبدأ العلاج لدرجة انه وصل لمرحلة الشلل فللأسف كان الحل الوحيد عندنا هو العملية الجراحية ، ودا على عكس اغلب حالات مشاكل العمود الفقري اللي بنبدأ فيها دايما بالعلاج التحفظي ، لكن بسبب أن المريض اتأخر جدا في خطوة العلاج والأعراض وصلت لمرحلة الخطورة فكان الحل الوحيد هو عملية جراحية و اللى عملناها بأستخدام الميكروسكوب الجراحي . وزي ما احنا عارفين ان الميكروسكوب الجراحي يعتبر من افضل الاجهزة لجراحات العمود الفقري وده لأسباب كثيرة جدا زي
ولو عايزين تعرفوا أكتر عن الميكروسكوب الجراحي تقدروا تضغطوا هنا ” الجراحة الميكروسكوبيه “
و دلوقتى تعالوا نعرف اى اللى حصل مع الشاب ده بعد التدخل الجراحي :
بعد ما عملنا العملية الجراحية للحالة وبعد فترة قصيرة جدا بدأ التحسن يظهر على الحالة ، وكمان في نفس اليوم قدر أنه يمشي على رجليه ، رجع لبيته بس رجع من غير ألم. ومن هنا بننصح دايما ان لو بتحسوا بأي ألم أو وجع فبلاش تسكتوا عليه ، خصوصا لو كان من العمود الفقري لإن المشكلة فيه لو سكتنا عليها لوقت طويل ممكن انها توصل لشلل. ودا على عكس لو عالجناها من بدري بعلاج صحيح مناسب مع حالتنا فالعلاج هيكون سهل جدا ومتنسوش ان 90% من حالات مشاكل العمود الفقري علاجها بيكون تحفظي يعني بأدوية وعلاج طبيعي مش اكثر المهم إنك تعرف سبب ألمك وتقرر تعالجه .
