دكتور علي القاضي > الخدمات > أعراض التهاب مفصل الحوض وطرق علاجه
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
التهاب مفصل الحوض الحرقفي بيسبب الام شديدة في الضهر وتنميل في الرجل لحد الركبه , وبتحس بالاعراض دي اكتر لما تقوم بعد قعدة طويلة أو توطي، الاعراض دي بتشبه أعراض الانزلاق الغضروفي ودا بيخلي معظم الناس تتلخبط وتفتكر ان عندها غضروف وعلاج التهاب مفصل الحوض في الأول بيكون بأدوية وعلاج طبيعي، ولو مفيش تحسن، ممكن نعمل جقن وتردد حراري عشان نسكن الالم لكن التهاب مفصل الحوض مالوش اي تدخل جراحي زي الغضروف
لو عندك وجع في ضهرك شديد جدا , وبيبقي معاه تنميل لغاية ركبتك بالذات لو انت قاعد لفترة وجاي تقوم , او لو جيت توطي تجيب حاجه من علي الارض او لو انت بتتقلب في السرير ونازل من علي السرير الصبح هتلاقي ضهرك متني جامد جدا, مش قادر تفرده لغاية ما تاخد خطوتين تلاته . انت في الأغلب معندكش انزلاق غضروفي , او عندك اي حاجه في الفقرات القطنية , انت عندك مشكلة في حاجه اسمها مفصل الحوض الحرقفي , وعشان تعرف سبب المك
تعالو نشوف مع بعض , دي الفقرات القطنية ودي الفقرات العجزية
ودا المفصل اللي ما بين الفقرات العجزية وما بين عضم الحوض
لما بيحصل التهاب او خشونة في المنطقه دي بيجيلنا أعراض حاجه اسمها عرق النسا كاذب , المفصل دا اي فايدته اصلا ؟ فايدته انه يوزع الوزن ما بين وزن جسمنا اللي نازل علي العمود الفقري يوزعه علي علي رجلينا الاتنين بالتساوي , عشان كدا في مفصل حوض يمين ومفصل حوض شمال , لو حملنا باي طريقة من الطرق علي مفصل اكتر من مفصل , بيجيلنا الآلام التهاب وخشونة مفصل الحوض .
في عيانيين كتير مبيقدروش يحددوا المكان بالظبط , ساعات يجي يقول ان الالم في نص الضهر او الالم عامل زي الحزام كله حوالين ضهري , او في نقطة معينه يقولي اه الحته دي وجعاني اكتر مع وضعيات معينة , اللي انا قولتهالكم في اول الفيديو , اشهر 3 وضعيات بتعمل الالام دي وتزودها هي , لو انت قاعد فترة طويلة وجيت تقوم , او انت جيت توطي تجيب حاجه من علي الارض , او كانك وانت بتركع في الصلاة , او لو انت نازل من علي السرير او بتتقلب في السرير بتيجي بالام شديدة جدا , وبعض الحالات مع الالم بتاع الضهر بيجيلها تنميل وحرقان في الفخد من ورا , وغالبا بتوصل لغاية الركبه مش اكتر من كدا .
اولا احب اطمنك النوع دا مفهوش اي نوع من التدخلات الجراحية مش زي الانزلاق الغضروفي القطني او اي حاجه من المشاكل بتاع الفقرات القطنية وكمان احب اطمنك ان 95% من الحالات بتتحسن بالعلاج الدوائي اول ما بتقدر تتشخص بالطريقة الصحيحة , العلاج بيبقي بسيط وسهل . بنبدء فترة العلاج بالعلاج الدوائي وبنقعد فترة من اسبوعين لاربعه اسابيع , ولما الالم بيخف شويه بنبتدي نعمل علاج طبيعي عشان نزود المرونة بتاعه المفصل نفسه , وعشان نقدر نرجع range of motion او الحركة نفسها بتاعه المفصل لو عدى فترة من اسبوعين لغاية اربع اسابيع متحسنش خالص , في حل تاني اسمه الحقن و التردد الحرارى , وساعتها بندخل زي حقنه او ابره بندخلها في مفصل الحوض وبندي ادويه معينه بتقلل الالتهاب في المنطقة دي . او التردد الحراري ان احنا بنعمل زي كي للعصب الي بيحسسك بالألم في المنطقة دي , ونسبة نجاح الموضوع دا من 75 % ل 80 % لو عندك اي استفسارات عن طرق علاج مفصل الحوض الحرقفي تقدر تتواصل معانا من خلال رسايل الصفحة او من خلال الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
