دكتور علي القاضي > الخدمات > أعراض الانزلاق الغضروفي القطني وطرق علاجه
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
الانزلاق الغضروفي القطني بيبدأ بوجع شديد في الضهر وبعد فترة الألم بيخف، لكنه بينتقل للرجل, و السبب إن الغضروف بيضغط على العصب , والانزلاق الغضروفي له 4 درجات.
واعراض الانزلاق الغضروفي بتكون وجع في الضهر. تنميل أو حرقان في الرجل. صعوبة في القاعدة لفترة طويلة. مع الوقت ممكن يحصل ضعف في الرجل أو فقدان الإحساس , و في الحالات الشديدة ممكن يحصل مشاكل في التحكم في البول والبراز. التشخيص بيكون عن طريق الفحص الإكلينيكي ,و لازم نحدد إذا كانت المشكلة من الغضروف ولا من حاجة تانية , الأشعة العادية وأشعة الرنين المغناطيسي بتحدد درجة الانزلاق. العلاج في الأول بيكون بأدوية باسطة للعضلات ومضادات التهاب وكمان العلاج الطبيعي بيساعد العصب إنه يتأقلم على وضع الغضروف وممكن الحقن والتردد الحراري يساعد في الحالات البسيطة. لكن لو الألم شديد ومفيش تحسن، التدخل الجراحي بيكون الحل , واستئصال الغضروف بالميكروسكوب أو المنظار بيحقق نسبة نجاح 90-95% , بس عشان تضمن نجاح العملية لازم تكون مع دكتور متخصص في جراحة المخ والاعصاب والعمود الفقري
Your browser does not support HTML5 video.
من الأعراض المشهورة جدا لعيان الانزلاق الغضروفي القطني اللي مبتتقالش كتير أن العيان في الاول بيجي بآلام شديدة جدا في ضهره وبعد كدا آلالام بتسيب ضهره بعد اسبوعين او اسبوعين تمسك في رجله تماما ,العيان بيجي يقولك انا في الأول كان ضهري واجعني ورجلي مفيهاش اي حاجه , وارتحت شويه وخدت شويه علاجات , وكشفت مره او اتنين ومشيت علي العلاجات فجاه وجع ضهري ابتدي يخف ورجلي ابتدي يحصل فيها تنميل واحده بواحده دي من الحالات المشهورة جدا للانزلاق الغضروفي القطني تفسيرها أن العيان في الاول , اول ما الغضروف بيتحرك من مكانه بيحصله شد عضلي شديد في ضهره عشان يحميه من أن الغضروف ميتحركش اكتر من كدا ، بعد كدا لما الشد العضلي ياخد وقته ويبتدي يفك الأعراض بتاع الضغط على العصب بتبتدي تظهر كتنميل أو حرقان أو شكشكه أو لسعه في رجليه الي هي مايسمي بعرق النسا
الانزلاق الغضروفي القطني هو أن الغضروف بيخرج من مكانه ويضغط علي العصب وده له درجات أو انواع : الدرجة الأولى والدرجة التانيه : أن الألياف نفسها بتبقي سليمه والغضروف نفسه بيحصله حاجه اسمها disc punch اللي هو النواة نفسها بتبتدي تخرج وتبتدي تقرب من العصب بيبقي الضغط ساعتها مش شديد اوي علي الصعب أما الدرجة التالته اللي هي حاجه اسمها disc herniation , أن النواة نفسها تبتدي تخرج من مكانها وتبتدي تلمس العصب النواة دي بتعمل حاجتين
الدرجة الرابعة : وهي النواه دي نفسها بتخرج وتتفصل عن باقي الغضروف وتبقي زانقه العصب في القناة بتاعته وبتعمل نفس برضو الآلام بتاعه أن يبقي في ضغط علي العصب وبرضو بيحصل التهاب بسبب المادة الكيميائية الموجودة جوا نواة العصب
لو التوزيعه بتاع الوزن علي جسم الانسان مبقتش مظبوطه ,حد وزنه تقيل حد بيقعد بقاعده غلط بيحمل وزنه علي الفقرات مش علي رجله حد بيشيل ويحط تقيل الكلام دا كله بيخلي الغضروف يبتدي يتحرك من مكانه عشان العضلات مش قادره تشيل كفايه فاللي ببيشيل بعديها هو الفقرات نفسها كعضم ومعاه الغضروف طب احنا قولنا الأعراض بتبقي آلام شديدة في الضهر بيبقي في تنميل في الرجل أو الرجلين حسب الغضروف ضاغط علي اي وحسب الدرجة بتاعته , وبتزيد الام لو الموضوع تطور أن آلام نفسها بتبقي موجوده طول الوقت يعني العيانين اللي عندهم غضروف من الدرجه التالته والرابعه اللي هو. متقدم شويه ببقي العيان مش قادر يقعد في مكانه لمدة عشر دقائق أو ربع ساعه بيبقي قاعد قدامك في العياده قاعد شويه علي جنبه وبعد شويه يقوم واقف وعادل نفسه مش قادر يقعد اكتر. من ١٠ ل٢٠ دقيقه في اي وضع , ولا النوم مريحه ولا القاعده علي جنبه مريحاه مع الوقت يبتدي جسمه يتعوج شويه عشان يوسع القناة العصبية مكان الغضروف يحاول يوسع لنفسه عشان الالام تبتدي تقل ومع الوقت لو الام ابتدت تتزايد, وهو مبيستجبش للعلاج الدوائي بيتدي يحصل عرجه في الرجلين , عشان هو بيحمل علي جنب اكتر من الجنب التاني طبعا لو العيان دا أهمل العلاج الدوائي والعلاج الطبيعي وابتدي يسيب نفسه لحد ما العصب الحركي يبتدئ يتأثر ممكن يحصل حاجه اسمها سقوط في القدم , وهو إن مشط رجله مبقاش يتحرك زي رجله التانيه النقطه التانيه أن العصب الحسي ابتدي ينضغط عليه بشكل كبير اوي بيبتدي يفقد الاحساس لفتره في منطقه معينه من الجسم علي حسب مكان العصب اللي الغضروف ضاغط عليه لنقطه التالته لو الغضروف ضاغط في النص مش علي الجنب مش علي جدر الصعب ، ضاغط علي ديل الفرس أو باقي النخاع الشوكي يبتدئ يحصل تأثر في البول والبراز بيبقي في صعوبه في التحكم فيهم أو ممكن يوصل لمرحله من عدم التحكم التام
نشوف الرنين بيديلنا الدرجه بتاع الغضروف وهل هو ضاغط علي النخاع الشوكي هل هو غضروف واحد ولا اكتر من غضروف نيتدي تدينا فكره عامه أن احنا نبتدي نمشي مع المريض بأي طريقه في الاول لو هو العيان جاي اول مره يشتكي نمشي الأول على علاج دوائي لفترة معينة فتره اسبوعين علي الاقل بندي باسط للعضلات مضاد للالتهاب حاجه تقلل التنميل بتاع الرجل حاجه بتحسن الدوره الدمويه بتاع الأعصاب عشان يبتدي يحاول يرجع لحياته الطبيعيه واحده بواحده لوفي تحسن نبتدي نعمل علاج طبيعي عن. دكتور علاج طبيعي متخصص علاج طبيعي للعمود الفقري عشان يبتدي يحاول يعمل تمارين عشان يخلي العصب يبتدي يرتاح علي الغضروف بالذات الغضروف من الدرجة الأولى والدرجة التانية ويبتدي يتعود علي الوضع بتاع الغضروف ، العصب نفسه يبقي مرتاح عليه من غير. ما ببقي مضغوط عليه بشده ويقدر يرجع لحياته الطبيعيه - لو العيان اتحسن بالعلاج الدوائي والعلاج الطبيعي الف مبروك هتبتدي تعيش حياتك عادي تبتدئ تاخد بالك أن الغضروف دا ميزيدش بتعليمات معينه هنقولهالك أما لو متحسنتش بالعلاج الدوائي والعلاج الطبيعي هيتبقالك حاجه من الاتنين : 1- لو انت الغضروف من الدرجة الأولى والدرجة التانيه بيفضل أن احنا نعملك حقن وتردد حراري كمحاوله لتسكين الالم علي ما جسمك يبتدي يتعود عليه 2- أما لو عندك غضروف من الدرجه التالته والرابعه بيبقي عندك اختيارك من اتنين :
دي دواعي علطول لازم يعمل تدخل جراحي
1- ممكن الطريقه محدوده التدخل سواءا باستئصال الغضروف بالميكرسكوب الجراحي ودي اللي بفضلها واللي بينافسها بشده الحاجه التانيه بتاع التدخل المحدود وهي استئصال الغضروف بالمنظار دي طريقه استئصال الغضروف بالتدخل المحدود 2- في طريقه استئصال الغضروف بالطريقه التقليديه وفي حالات بتحتاج تعمل تثبيت فقرات مع استئصال الغضروف ودي اتكلمنا عليها في فيديو لوحده بنشرح اي الفرق بين استئصال الغضروف بالميكرسكوب و تثبيت الفقرات وامتي نعمل دا وامتي نعمل دا وفي الاخر استئصال الغضروف بالميكروسكوب او باي طريقة من الطرق نسبه نجاحها ٩٠٪ ممكن توصل لحد ٩٥٪ ونخلي بالنا ان مش معني أن في مضاعفات أن دا لازم يحصل بس احنا بنحب نطمنك بشكل عام وللامانه العلمية مينفعش نقول نجاح العملية ١٠٠٪ المضاعفات ممكن تحصل مع اي حد سواء كان مستوى متوسط أو اعلي مستويات من الناحية الجراحية ولكن لو انت اخدت بالاسباب وواثق في الجراح اللي انت بتتعامل معاه حتي لو بعد الشر حصل اي مضاعفات لازم تتأكد أنه هيتعامل معاها بالطريقه الصحيحه لو عندك اي استفسار عن عمليات استئصال الغضروف القطني ممكن تبعتلنا علي رسايل الصفحه او علي الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
