أعراض وأسباب التهاب المفصل العجزي الحرقفي

هنجاوبكم عن أشهر أعراض وأسباب التهاب المفصل العجزي الحرقفي, ديما بيجيلنا مرضي كتير بيتشكوا ان عندهم الم في الضهر والالم مسمع في الرجل اليمين او الشمال او الاتنين مع بعض وبيكونوا جايين ومقتنعين ان عندهم انزلاق غضروفي.

بس اللي معظم المرضي بيكونوا مش عارفينه ان في مشكلة تانية في العمود الفقري هتسببلهم نفس الم الغضروف وهو التهاب المفصل العجزي الحرقفي, طب هو المفصل العجزي الحرقفي دا؟

المفصل العجزي الحرقفي هو مفصل بيربط العمود الفقري بالحوض وبيكون عباره عن مفصلين مفصل علي اليمين ومفصل علي الشمال.

وحواليه اربطة وأنسجة بتدعم حركته, ومفصل الحوض الحرقفي يعتبر مفصل ثابت لان حركته قليله جدا, حركته بتكون وانت ماشي او لما تيجي تقف مش اكتر من كدا.

طيب اي هيحصل لو المفصل دا حصله التهاب, هتبدء تحس بالم في الضهر معاه الم في الرجل من ورا واصل لحد الركبه.

ودا اللي بيختلف فيه التهاب مفصل الحوض عن الم عرق النسا, لان عرق النسا ألمه بيوصل لحد صوابع الرجل.

ولو عندك التهاب في المفصل العجزي الحرقفي هتحس بالالم لما تكون قاعد وتيجي تقوم او وانت ماشي هتحس ان رجلك بتوجعك ومش قادر تمشي.

وانت لما بتحس الالم دا بتتوقع ان حصلك انزلاق غضروفي وممكن كمان لما تعمل الاشعة يطلع عندك غضروف.

لكن لما الدكتور يشوف الاشعة هيلاقي ان دا مجرد غضروف صغير ومش لامس العصب ومش هو السبب في كل الالم اللي عندك دا, وان سبب الالم اللي عندك دا هو التهاب المفصل العجزي الحرقفي.

اسباب التهاب المفصل الحرقفي

في اسباب كتير المُسببة لـ التهاب المفصل العجزي الحرقفي, تعالي نعرفها سوا

في اسباب غير مرضيه يعني حاجه بتحصل غصب عننا مش بسبب امراض او مشاكل صحية, ودي زي

1- التقدم في العمر, أحنا كل ما بنكبر في العمر الأنسجة والأربطة اللي بتدعم المفصل العجزي بتبدء تضعف او يحصل خشونه او تاكل في المفصل ودا اللي بيسببلك الالتهاب والالم

2- الحمل: الستات الحوامل ممكن يشتكوا من الم مفصل الحوض الحرقفي ودا ممكن لسببين, السبب الاول ان بيحصل تغييرات هرمونية وقت الحمل بتعمل ليونه في الاربطة والانسجة اللي بتدعم مفصل الحوض ودا بيزود من حركة المفصل وهو المفروض طبيعته انه ثابت مبيتحركش غير حركات قليلة جدا, او ممكن بسبب الوزن الزايد في فتره الحمل اللي بيزود الضغط علي مفصل الحوض الحرقفي ويسبب الالم.

3- ومن اسباب التهاب مفصل الحوض هي العادات الخاطئة زي انك تفضل مميل علي جنب معين وانت قاعد بتقرأ او شغال .

4- او بتقف كتير بحكم طبيعة شغلك وممكن بتقف وتركز وقفتك علي جنب من الجانبين .

5- وستات البيوت الي بتقف في المطبخ بالساعات بدون راحة وتزود الحمل والضغط علي المفصل العجزي دا بيسبب لها آلام شديدة .

كل دى اسباب التهاب المفصل الحرقفي المُسببة الم في ضهرك ورجلك .

اسباب مرضية تسبب التهاب المفصل الحرقفي

لو وقعت من مكان علي الحوض او حصلك حادث سير لاقدر الله.

لو بتعاني من اعوجاج في العمود الفقري.

او لو عندك التهابات في فقرات العمود الفقري.

وفي حالات نادرة ممكن يحصلك التهاب في المفصل العجزي بسبب العدوي.

وبكدا نكون عرفنا سوا يعني اي اعراض واسباب التهاب مفصل الحوض الحرقفي , فمتحكمش علي المك انه انزلاق غضروفي ممكن يكون في اسباب تانية انت متعرفهاش واللي هيحددلك سبب المك هو دكتور متخصص في جراحة العمود الفقري.

ولو عاوز تعرف ازاي بنقدر نشخص التهاب المفصل العجزي الحرقفي واي هي طرق علاجه, تقدر تشوفه الفيديو دا مع دكتور علي يسري القاضي.

لو محتاج تعرف تفاصيل اكتر عن طرق علاج التهاب المفصل العجزي الحرقفي تقدر تتواصل معانا من خلال رسايل الصفحة او من خلال الواتساب 01000120118" class="u-active-none u-border-none u-btn u-button-link u-button-style u-hover-none u-none u-text-palette-1-base u-btn-3" target="_blank">01000120118

دكتور علي يسري القاضي استشاري ومدرس المخ والاعصاب والعمود الفقري بجامعة القاهرة