دكتور علي القاضي > الخدمات > أعراض ما بعد عملية استئصال الغضروف بالميكروسكوب واهم التعليمات
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
بعد عملية استئصال الغضروف معظم المرضى بيحسوا بتحسن واضح ، لكن ممكن يفضل شوية تنميل بسيط بسبب العصب اللي كان مضغوط , وكمان ممكن طبيعي جدًا يكون فيه وجع في منطقة الفخد والصدر بسبب وضعية الجسم أثناء العملية، وده بيختفي خلال يومين أو تلاته الحركة بعد العملية بتكون أسهل مما البعض متخيل , مفيش حاجة اسمها راحة تامة في السرير لمده 3 شهور، بالعكس، أول ما تفوق من البنج، بتقدر تتحرك وتدخل الحمام , والخروج من المستشفى بيكون خلال 12 لـ 24 ساعة حسب حالتك. الجلوس لفترات طويلة ممنوع أول أسبوعين علشان تحافظ على الفقرات وما يحصلش ارتجاع للغضروف، لكن المشي مسموح من أول يوم بشرط إنه يكون بدون مجهود كبير. والرجوع للشغل بعد العملية بيعتمد على نوع الوظيفة، لو مش مرهقة بدنيًا، ممكن بعد 10 أيام، لكن لو فيها مجهود كبير، الأفضل نستنى شوية . مفيش اي تعليمات على الأكل والشرب ، لكن التدخين ممنوع لأنه بيأخر التئام الجرح. خلال أول 14 يوم، المتابعة المستمرة مع الدكتور ضرورية علشان نتابع التئام الجرح وأي تغيرات ممكن تحصل. بعد أسبوعين لشهر ونص، العلاج الطبيعي بيساعد على تقوية عضلات الظهر والبطن، وده بيقلل فرص ارتجاع الغضروف. بعد الشهر ونص، المريض بيرجع لحياته الطبيعية تدريجيًا وبيتابع مع الدكتور لو ظهر أي ألم غير طبيعي. في نسبة بسيطة من المرضى ممكن تحصل مضاعفات زي تسريب السائل النخاعي أو التهاب الجرح، لكن كل حاجة ليها علاج. أهم حاجة الالتزام بتعليمات الدكتور خلال أول 6 شهور، لأن دي الفترة اللي بيحصل فيها أغلب حالات ارتجاع الغضروف، وبعدها النسبة بتقل جدًا.
Your browser does not support HTML5 video.
خلينا افهمك الموضوع بطريقه بسيطه جدا , اولا في حالة ان انت بتعمل استئصال الغضروف بالميكروسكوب او بالطريقة التقليدية والامور مشيت كويس وباذن الله هتمشي كويس اللي احنا بنتكلم عليها بنسبة من 90 ل 95% فالمتوقع كالاتي : متوقع ان انت اول ما تطلع من الوجع بتاع رجلك اللي كان تعبك جدا بدأ يخف ممكن يبقى فيه شوية تنميل بسيط مكان العصب اللي كان مضغوط تنميل محتمل لا يقارن تماما بالاحساس اللي ما قبل العملية النقطه الثانيه ان معظم العيانين بيحسوا بالم في منطقة الفخد ومنطقه الصدر لان انت بتبقى نايم وقت العمليه على حاجه اسمها كوبري , بتبقى ضاغط على منطقة الصدر ومنطقة الفخد و بتبقى حاجه مؤقته لان في بعض العيانين بيخافوا جدا لما بيحسوا ان عندهم وجع في رجليهم بعد العمليه بيخافوا أن يكون في مشكله , ودي حاجه متوقعه بتقعد معانا من يومين لتلاته وبعد كده بتختفي .
اولا ما فيش حاجه اسمها راقده في السرير 3 شهور زي ما بعض العيانين بتقول , لان اول ما بتفوق من البنج باذن الله بتقدر تتحرك وتخش الحمام ودي اول حاجه احنا بنطمن عليها طب هقعد قد ايه في المستشفى ؟ عادة في بعض الجراحين بيمشوا العيان بعد 12 ساعه وفي ناس بتحب تقعد بعد 24 ساعه وانا معايا بتفرق حسب العيان محتاج ايه , لو العيان بعد 12 ساعه حس ان هو اتمشى والأمور مطمئنه وهو مرتاح ممكن يروح بيتهم مفيش اي مشاكل , اما العيان اللي حابب يطمن على نفسه ويبات يوم ويطمن على نفسه تاني يوم مافيش اي مشاكل بس عادة مبنطولش اكثر من 24 ساعه , ودي في حالات 90% من الحالات اللي هي الامور مشيت بطريقه سلسه داخل العملية
خليني اشرح لك الموضوع ببساطه انت تقدر تنام على جنبك على ضهرك على المكان اللي انت عايزه في الفترة الاولانيه وطول حياتك عادي جدا , الحاجه الوحيده اللي ممكن تبقى ممنوعة شويه ونقلل منها الفترة الاولانيه هي القعود لأن القاعده بتحمل على الفقرات بالذات القعدة الغلط لو انت قاعد بطريقه صحيحه ممكن تحمل على الفقرات بس مش بنسبة كبيرة . فاحنا عاده بنمنع القاعدة الفترات طويلة بالذات في اول اسبوعين بعد العمليه , دي في حالات استئصال الغضروف بالذات بالميكروسكوب لان الفتره الاولانيه دي عقبال ما الأنسجة تلتئم , وعقبال ما الغشاء نفسه يبتدي يقفل عشان القاعده الغلط لو انت حملت الطريقه غلط ممكن الغضاريف ترجع ويحصل ارتجاع الغضروف. طب هل انا هفضل كده طول الوقت ؟ لا خالص اول اسبوعين احنا بنقعد على قد الاكل وادخل الحمام وبعد كده نسبه او فترات القاعده بتبقى اطول واحده بواحده
طبعا بتقدر تتمشى من اول يوم بعد العمليه طبعا ما فيش حد بيضغط على نفسه بزياده عاوز تتمشى تتمشى , ويفضل ان انت تبقى بتتمشى في البيت من غير ما تعمل مجهود بزياده
لو انت شغلك مش مرهق جسديا وعضلاتك نفسها كويسه ممكن ترجع لشغلك في خلال 10 ايام ممكن اسبوعين , في بعض بيفضلوا فتره تكون أطول ده كله طبعا بيعتمد على كل مدرسة , و بتمشي ازاي انا بالنسبه لي ممكن انزل العيان بعد 10 ايام او اسبوعين لو اموره مشيت كويس والعضلات تقدر تشيل مع شويه تعليمات هقولهالكم كمان شويه . طب هل في اكل معين او شرب معين مهم الفترة الاولانيه بعد العمليه؟ لا اي اكل اي شرب , الحاجه اللي ممنوعه الفتره الاولانيه هي التدخين ليه , لان التدخين بياثر على التئام الجرح , العيان المدخن فترات طويله الدم ما بيوصلش كويس الجرح بتاعه , فنسبه ان الجرح نفسه يفتح او مايلمش بتبقى اعلى النقطه الثانيه ان الجرح ممكن يحصل له التهاب بنسبة أعلى مع التدخين طيب العيانيين عندهم مشاكل صحيه زي السكر والكلام ده كله احنا بنغطي الحاجات دي كلها بمضادات بيبقى مش مضاد واحد ببقي اتنين , وبنتابع الجرح بطريقه مختلفه شويه طبعا , المتابعات الاولانيه هقولها لكم كمان شويه طيب الاكل والشرب براحته والسجاير لا , السكر لازم ناخد بالنا من تظبيط السكر , لو عيان عنده اي مشاكل مناعيه لازم نبقى نعمل له خطه كامله مع دكاتره الأمراض الروماتيزمية ما قبل العمليه وما بعد العمليه دي بشكل عام الفتره الاولانيه او المرحله الاولانيه بعد العمليه اللي هي اول 14 يوم اللي احنا بنغير فيها على الجرح يوم اه ويوم لا ويبقى عندنا فريق من المساعدين او الدكاترة الاخصائيين في جراحة المخ والأعصاب بيتابعوا مع العيان لو في اي الام لو في اي مشاكل في الجرح. بحب دايما العيان مع كل غيار يبعت لي منظر الجرح عشان لو في اي نسبه التهاب نبتدي نشوفها من بدري ونتعامل معاها من بدري نحاول نتابع لو في اي إفرازات من الجرح . لو في اي سائل خارج من الجرح لو في اي الام مش طبيعيه , لان في الام طبيعيه جدا , لام الوجع بتاع الظهر لو عيان كان قبل العملية جسمه مايل لما يجي جسمه بيتعدل بيحصل له شويه الام في ضهره ممكن يحمل على مفصل الحوض فلازم يبقى في متابعة يومية من الدكاتره العيان بيبقى مطمن وحاسس لو في اي الام هتقدر تتلحق اسرع , وطبعا انا بالنسبه لي بيرجعلي كل المعلومات دي وبتدخل لو حاسس ان في اي الام غريبه شويه دي المرحله الاولانيه لغايه ما العيان بيجي لي بعد 14 يوم بيبقى الجرح التام تماما بنوقف الادويه دي بعد العمليه وبعد كده بنوصل للمرحله الثانيه ان احنا ننتظر شويه والعيان بيبتدي يرجع لحياته الطبيعيه واحده بواحده سواء شغل ما فيهوش شايل تقيل او ان هو هيبتدي يرجع بقى يتمشى يقدر ينزل والكلام ده كله الفتره الثانيه بنبتدي فيها العلاج الطبيعي لو امور العيان كويسه يعني كل ما العيان بيعمل العمليه قبل ما يبقى في مشاكل جامده كل ما بنقدر نرجعه بالعلاج الطبيعي اسرع من كده لان ما يبقاش في الام متبقية خالص العلاج الطبيعي بيبقى عاده من 12 جلسه وممكن نكمل 24 جلسه على حسب العيان نفسه وعضلاته كانت عامله ازاي ومنظر جوه العمليه كان عامل ازاي فكره العلاج الطبيعي ما بعد العمليه هو تأهيل لان هو يقوي عضلات بطنه وعضلات ضهره عشان عضلات نفسها تبتدي تشيل جسمه بطريقه احسن , عشان نمنع فكره ارتجاع الغضروف وان ما يحصلش هو غضاريف سواء الفقره اللي فوقيها او اللي تحتها دي المرحله الثانيه اللي هي بتمتد من اول اسبوعين لغاية شهر ونص , و المتابعات بتبقى اسبوعين , شهر ونص , تلاته شهور , وسنه المرحله الثالثه اللي هي بعد شهر ونص العيان بدا يرجع لحياته الطبيعيه تماما اللي هو رجع لشغله حتي لو هو بيشيل تقيل ابتدى يشيل واحده بواحده مش بيشيل جامد بيشيل تقيل واحده بواحده واللي هو الجرح بتاعه زي الفل ان هو ابتدى يرجع ل 70 ل 80 لحياته الطبيعية بعد كده بتبقى متابعات دورية لو في اي الام مختلفه لو في اي احساس غريب بالنسبه له لو عنده اي حاجه هو عايز يعرفها لازم يبقى عارف ان الدكتور بيتابع معاه مش مجرد ان هو عمل عمليه وخلاص في نقطه مهمه جدا لازم اشرحها لكل عيان ان العيان اللي احنا بنتكلم عليه ده العيان الامور مشيت كويس لو في بعد الشر اي مضاعفات ودي نسبتها من خمسه ل 10% احنا بنتعامل معاها في الفترة الاولانيه فرضا ان العيان ابتدى ينزل سائل شفاف اللي هو السائل النخاعي بنبتدي نمشي معاه بأدوية معينة بنلبسه حزام بياخد وضعيه معينه لغايه ما السائل ده يبتدي يقف فكل حاجه في المرحلة التانية بتبتدي تتأجل يعني العيان اللي عنده مثلا ارتشاح في السائل النخاعي ما بيعملش علاج طبيعي بعد اسبوعين او ثلاثه بنحتاج نطمن على الجرح ان هو مقفول تماما , وبعد كده نبتدي نتعامل العياده اللي عنده مشاكل في الجرح نفسه , حصل التهاب في الجرح او حصل صديد او اي حاجه بنمشى الاول مضادات حيوية وبنعمل مزرعه بنغير بطريقه مختلفه كل ده بياجلنا الموضوع شويه النقطه الثالثه ارتجاع الغضروف لازم العيانيين يبقوا فاهمين ان هو اول 6 شهور اللي هي الفترة المهمة جدا لارتجاع الغضروف 90% من ارتجاع الغضروف بيحصل في اول ست شهور بعد العملية , فاحنا لو عرفنا نحافظ على نفسنا و نلتزم بالتعليمات اللي احنا بنقولها يعني 10% ارتجاع الغضروف بيبقى بعد ست شهور من العمليه فاحنا النسبة بتاعتنا بتقل جدا بتوصل لغايه نسبه 0.5% لو عدينا اول ست شهور فالتعليمات دي مبدئيه بشكل عام اللي انا بحب امشيها للعيان لو عندك اي سؤال عن عمليات استئصال الغضروف تقدر تتواصل معانا من خلال رسايل الصفحه او علي الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
