نسبة نجاح عملية توسيع القناة العصبية

قبل عملية توسيع ضيق القناة العصبية , العيانيين دايما بيكونوا محتاجين يعرفوا نسبة نجاح العملية عشان يكونوا متطمنين اكتر وهم داخليين العملية وبيسئلوا هل ممكن العملية تفشل و وازاي نقدر نضمن نجاحها ؟

خلينا في الاول نكون عارفين ان عملية توسيع القناة العصبية من اكتر العمليات اللي بتكون نسب نجاحها عالية جدا ، ونسبة نجاحها بتوصل لغاية 90% لو عملنا العملية بدري اما لو اتاخرنا شوية فالنسبه دي بتوصل ل 80 % بالذات في حالات ضيق القناة العصبية العنقية ، بس بيكون فيه شوية عوامل ممكن انها تأثر على النسبة دي
فخلونا دلوقتي نعرف اكتر اي هي العوامل دي عشان نقدر نتجنب ان النسبة دي تقل :  

عوامل بتأثر علي نسبة نجاح عملية توسيع القناة العصبية

1- مقدار الإصابة أو شدة الاعراض اللي عند المريض

لو المريض عنده ضيق في القناة العصبيه بس عمل العملية علطول متأخرش , في الحاله دي نسبة نجاحها هتعدي 90 % وكمان الاعراض اللي كانت عنده هتخف بسرعه بعد العملية , اما المريض اللي عنده ضيق في القناة العصبية بقاله سنين فدا معناه ان العصب بقي مضغوط بشكل كبير جدا ودا مسببله اعراض شديدة وفي الحاله دي بيكون نسبه نجاح العملية اقل وكمان الاعراض بتاخد وقت بعد العملية علي ما تختفي

وفي الفيديو دا مع دكتور علي يسري القاضي هتفهم اكتر أن تأجيل عملية توسيع ضيق القناة العصبية مش في صالحك  

2- مهارة جراح المخ والأعصاب اللي هيعمل العملية

خبرة الجراح من أهم العوامل اللي بتأثر على نسبة نجاح عملية توسيع القناة العصبية ، لان اكيد الجراح اللي عمل عمليات كتير بالذات عمليات توسيع ضيق القناة العصبية غير الجراح اللي عمل عمليه واحده او اتنين ,ودا لا العملية محتاجه خبرة ودقة عالية جدا من الجراح وكمان يكون عارف كويس ازاي بيتعامل مع الأنسجة الدقيقة والأعصاب بدون ما يتسبب في اي ضرر.

3- نوع التقنية اللي هنعمل بيها العملية

التقنية المستخدمة في العملية سواء كانت بالجراحة الميكروسكوبية او المنظار او بالجراحة التقليدية كلها بتفرق ، لان المنظار والميكروسكوب بيكونوا بفتحات صغيرة ومش بيعملوا فتحات كبيرة في العضلات ، عشان كدا نسبة نجاح العملية بيهم بتكون مضمونه اكتر والمريض مش هيحس بأي ألم بعد العملية وبيتعافي أسرع

اما عملية توسيع القناة العصبية بالطريقة التقليدية بيكون الفتح في العضلات اكبر وحجم الجرح نفسه بيكون اكبر ، وده ممكن يخلي المريض حتى ياخد وقت اكتر في وقت التعافي. 

4 - درجة التزام المريض بالتعليمات بعد العملية

زي ما بنقول دايما ان التعليمات اللي بتكون بعد العملية مهمة زي العملية بالضبط ، لان لو المريض ملتزمش بيها هترجع الآلام له مرة تانية والتعليمات دي هي :

• نحاول اننا منتنيش ضهرنا كتير خصوصا في أول فترة بعد العملية .
• اننا نبعد عن التدخين لو كنا مدخنين
• اننا نقلل من وزننا لو كان زايد
• إننا نلتزم بجلسات العلاج الطبيعي بتكون بعد العملية عشان نقوي عضلات الضهر
• اننا نبعد تماما عن شيل اي حاجه تقيلة لانها هتعمل ضغط كبير جدا على العمود الفقري .
• نتجنب القعدة لفترة طويلة لانها بتوقف حركة العضلات وبتعمل فيها تيبس .
• اننا لو مطلوب مننا اننا نلبس حزام الضهر فلازم نلتزم بيه .
• نحاول اننا نتمشى كل يوم ونحافظ على العادة دي لانها بتقوي عضلات الضهر وبتحافظ على مرونة العضلات
• اننا نلتزم بحضور المتابعات مع الدكتور عشان نتطمن اكثر على نفسنا .
• نرتاح بشكل كويس جدا خصوصا خلال أول يومين من العملية ، ونحاول اننا نركز على مشي مسافات بسيطة خلال اليوم .

لو عاوز تفاصيل اكتر عن عملية توسيع ضيق القناة العصبية تقدر تتواصل معانا من خلال رسايل الصفحة او من خلال الواتساب 01000120118
دكتور / علي يسري القاضي استشاري ومدرس جراحة المخ والاعصاب والعمود الفقري بجامعة القاهره