دكتور علي القاضي > من حقك تفهم > علاج درجات الانزلاق الغضروفي القطني الخطيرة
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
مريض الانزلاق الغضروفي القطني اللي بيكون عارف ان الغضروف اللى عنده من الدرجة التالتة او الرابعة ، بيعاني جدا سواء نفسيا من فكرة أن العلاج الوحيد اللي هينفع ليه هو العملية الجراحية ، وكمان بيعاني جسديا من آلام الانزلاق الغضروفي القطني نفسها أو آلام عرق النسا،
الإجابة هي طبعا لا ، والكلام دا من جراح متخصص في جراحة العمود الفقري ، وبقولك ان مر عليا حالات انزلاق غضروفي قطني كتيرة جدا من الدرجة التالته والرابعه، كل اللي كانوا محتاجينه هو تشخيص صحيح من دكتور متخصص وعلاج صحيح مناسب لحالتهم فعلا فاللي بنعمله في الحالات دي اننا بنجرب مع العيان فى الاول العلاج الدوائي لمدة 3 أسابيع ، ونشوف استجابته للعلاج ، فلو المريض استجاب للعلاج الدوائي وبدأ انه يتحسن هنكمل كمان 3 أسابيع وهنبدأ اننا نعمل كمان جلسات علاج طبيعي مع دكتور علاج طبيعي متخصص في العمود الفقري عشان نقوي عضلات الضهر مرة تانية فيبدأ الجسم انه ياخد على وضع الغضروف . وبعد ما بنخلص فترة الـ 6 أسابيع بنرجع نقيم الحالة مرة تانية وبنسأل سؤال مهم جدا للمريض وهو هل انت قادر تعيش حياتك الطبيعية بدون أي مشاكل؟ يعني قادر تمشي وتروح شغلك وتمارس حياتك بشكل طبيعي؟ لو كانت الإجابة اه وكانت الآلام اختفت من عند المريض بشكل كامل فالمريض كده خف و مش محتاج انه يعمل عملية جراحية لاستئصال الانزلاق الغضروفي القطني.
أما لو كانت الإجابة لا ، فبنبدأ اننا نفكر في التدخلات المحدودة لعلاج الانزلاق الغضروفي القطني زى :
وبنعمل الحقن والتردد حراري لو العيان كان اتحسن بس لسه التحسن مش كامل يعني بيكون اتحسن بنسبة 30 ل 40%، فممكن اننا نستخدم الحقن والتردد الحراري عشان نساعد العيان شوية ونخلي جسمه يتعود على الغضروف أكثر ويتخلص من الآلام اللي عنده للأبد .
ساعتها هنلجأ للجراحات محدودة التدخل لاستئصال الانزلاق الغضروفي القطني عن طريق الميكروسكوب أو المنظار ، و قبل ما تقلق من كلمة جراحة و تقول لا انا مش عاوز اعمل علمية خلينى اقولك ، ان عملية استئصال الانزلاق الغضروفي القطني من اسهل عمليات العمود الفقري ، اللي بتكون بفتحات صغيرة جدا و نسب نجاحها بتوصل 95% ، دا غير انك بتقدر تقوم وتمشي بعد العملية على طول وبترجع لبيتك في نفس اليوم ولحياتك الطبيعية خلال 3 اسابيع .
الإجابة هي لا ، في حالات بتكون محتاجه للتدخل الجراحي السريع عشان نلحق ننقذ العصب من انه يفقد وظيفته بشكل كامل ، وحالات تانية بنقدر اننا نجرب معاها العلاج مرة واتنين قبل ما ناخد قرار العملية
عشان نلحق العصب من انه يتضرر اكتر ونلحق المريض قبل ما تقل فرص تحسنه و رجوعه لحياته الطبيعية . الخلاصة ان احنا كجراحين عمود فقري بنرشح العملية الجراحية لحالات الانزلاق الغضروفي القطني من الدرجة التالتة والرابعة ودا عشان احنا بنكون حاسين بكمية الألم والأعراض الشديدة اللي عند المريض ، لكن لو المريض مكنتش حالته خطيرة لسه فإحنا دايما بنجرب معاه العلاج الدوائي والعلاج الطبيعي الأول . فبلاش إنك تقلق من فكرة أن علاج الانزلاق الغضروفي القطني هو دايما عملية وبلاش إنك تكون خايف من فكرة العملية الجراحية لاستئصال الانزلاق الغضروفي القطني وخليك عارف أنها من أسهل وأبسط عملية ممكن تتعمل ،متتأخرش فى علاج الإنزلاق الغضروفي القطني و خليك متطمن دايما. وتقدروا تعرفوا تفاصيل أكثر عن العملية الجراحية من هنا .
