دكتور علي القاضي > الخدمات > اسباب رجوع الالم بعد التردد الحراري للغضروف
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
فيه ناس كتير عملت حقن أو تردد حراري، بس في الحقيقة مش عارفين هم عملوه في اي منطقه بالظبط , ودا حاجه مش صحيحة لان لازم يكون المريض فاهم الحقن أو التردد الحراري اتعمل فين، على أي جذر عصبي أو علي أي مفصل، لأن فيه فرق بين المفصل الحوضي الحرقفي والمفاصل الجار فقرية، وكمان الجذور العصبية زي العجزي الأول أو القطني الخامس. ولو المريض عمل الحقن والتردد الحراري من غير ما يعرف عمله فين بالظبط طبعا بتكون النتيجة ان المريض يتحسن فترة قصيرة أسبوعين أو تلاتة، وبعدها يرجع الألم بمجرد ما يرجع لحياته الطبيعية، لأنه في الحقيقة ما تمش علاج المشكلة، هو مجرد تسكين مؤقت , عشان كده لازم أي حد بيعمل تردد حراري أو حقن يكون عارف الهدف منه، هل هو مجرد تخفيف الألم ولا علاج للمشكلة؟ واي هي طرق العلاج المناسبه لحالته
Your browser does not support HTML5 video.
الحقن والتردد الحراري بعض العيانين بييجولي يقولولي احنا عملناه , وهم مش عارفين هم عملوا ايه بالظبط ؟ يعني انت عملت على اي جدر عصب عملته على اي مفصل، مفصل الحوض الحرقفي ولا مفصل الجار فقري طب المفصل الجار فقري اي واحد , الأول العجزي ولا الخامس القطنى ولا اي واحد فيهم. للأسف الشديد بعض الدكاتره مش كلهم بقوا بيعملوا تردد حرارى على جدور الأعصاب 3 مستويات , العصب الرابع والخامس والاول العجزي ومفاصل الجار فقريه و المفصل العجزي , وبيحطوا حقن فوق الأم الجافية ويسيب العيان ويقولوا له التزم ومتعملش كذا وما تعملش كذا وما تعملش كذا فالعيان بيحس بتحسن مؤقت , و دا المريض اللي بيجي يقولك انا اتحسنت بالحقن والتردد الحراري لاسبوعين تلاته , وبعد كده تعبت تاني اول ما رجع لحياته الطبيعية ورجع يمشي على رجله عادي خالص , هيبتدي الوجع يجيله تاني لان هو معالجش حاجه معينه هو اداله تشكيله ادويه كده وخلاص . فلازم تبقى عارف وانت بتعمل الحقن والتردد الحراري , بتعمله على ايه بالظبط وايه الهدف منه ؟ وبتعمل كده كنوع من أنواع تسكين الألم ولا حل للمشكله؟ عشان لحد دلوقتي بعض دكاترة علاج الالم ابتدوا يتكلموا ان الحقن والتردد الحراري مينفعش في كل الحالات و ابتدوا يتكلموا انه ازاي ما تناقش الدكتور لما تيجي تتكلم في التدخلات الجراحية , التدخلات الجراحية لها دور في اقل من 10% من الحالات يعني مش معنى ان انا جراح عمود فقري اول ما اشوف انزلاق غضروفي , اقولك لا يلا عملية . في الدرجه الاولى والثانيه من الانزلاق الغضروفي , انا عمري ما هقولك انت محتاج عمليه لو لقيت نفسك او مفيش اي تحسن بالعلاج الدوائي والعلاج الطبيعي , هقولك اعمل حقن و تردد حرارى على العصب , انا اللي هقولك اعمل حقن وتردد حراري للعصب عشان يسكنلك الألم علي ما جسمك يتعود على الوضع اللي هو فيه. يعني زي ما بيقولوا بطريقه تانيه, ازاي تصاحب الغضروف ؟ , لو انت عند انزلاق من الدرجه الاولى والثانيه انت هتعتبره , زي كيس دهني او كيس زلالي او زي حسنة حتى في جسمك انت بتتعامل معاه عادي مش حاجه بتضايقك او حاجه بتتعبك مجرد انك انت بتتعامل معاه و بتعرف تظبط ال life style , او بتظبط حياتك على الوضع ده الموضوع كله بيبقى من غير الام خالص.
اه تقدر ترجع لحياتك من غير أي آلام , في الدرجه الاولى والتانيه من غير اي تدخلات جراحية ولا حتى حقن وتردد حراري الا لو انت من الناس اللي خلاص تعبت خالص ومش مستحمله فساعتها بنسكنلك الألم مؤقتا لغاية ما جسمك يتعود عليه. اما لو انت عندك غضروف قطني من الدرجة التالته او الدرجة الرابعة يعني الغضروف نفسه خارج من الألياف بتاعته ساعتها بنشوف استجابتك للعلاج الدوائي والعلاج الطبيعي لو انت استجبت للعلاج الدوائي والعلاج الطبيعي كويس جدا , لكن لو انت ما استجبتش وحياتك ابتدت تتأثر بزيادة يعني بيجيلي عيان بيقولي انا ما اشتغلتش بقالي خمس شهور ، عيان بيجيلي بيعرج, عيان بيجلي بيبقى تاني ضهره على جنب من كتر ما هو مش قادر يتحرك ,عيان مش قادر يقعد على وضعيه واحده اكتر من 10 دقايق ،يعني بيبقى قدامي في العياده لو انا قعدت معاه ربع ساعه بيغير وضعيته مرتين تلاته لانه مش مستحمل من الالم . والعيان ده بيبقى في الاغلب جرب علاج دوائي لفترات طويله وجرب علاج طبيعي وكتير منهم بيبقى عمل حقن وتردد حراري وما استجبش من كتر ما هو خايف من العملية . بس تاكد تماما انك انت لو اخترت جراح العمود الفقري الأمين هيقولك التدخل الجراحي لما انت تبقى محتاج التدخل الجراحي , بس انا عارف ان في كتير منكم تعرض ان هو عنده غضروف صغير وراح لجراح وقال له لازم تعمل عمليه , من غير ما يكتبك علاج الاول بعض الجراحين للأسف الشديد بيتسرعوا شويه في اتخاذ قرار العملية , بس انت لو دورت كويس واخترت جراح العمود الفقري اللي انت بتثق فيه اسمع كلامه , وشوف الوضع لغاية ايه , لما يوصل لمرحله ان يقولك ان الحل بتاعك هو استئصال الغضروف لازم تتاكد ,ان مفيش اي حاجه تانيه ممكن تحل لك المشكلة غير استئصال الغضروف ولو انت مرعوب من فكرة استئصال الغضروف في فيديو بيوضح لك كل التفاصيل بتاعه عملية الانزلاق الغضروفي سواء نسب نجاحها او مضاعفاتها عشان تبقى فاهم عشان قبل ما تدخل العملية https://youtu.be/RqaruvFqJqI?si=CUIF-3MdRdocShK4
لو عندك اي استفسارات عن طرق استئصال الغضروف تقدر تتواصل معانا من خلال رسايل الصفحة او من خلال الواتساب 01000120118 د/ علي يسري القاضي استشاري ومدرس جراحة المخ والاعصاب والعمود الفقري بجامعة القاهرة
