دكتور علي القاضي > الخدمات > تثبيت الفقرات بدون جراحة
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
تثبيت فقرات العمود الفقري عن طريق الجلد هو نوع من العمليات اللي بتتعمل في حالات معينة، زي كسور العمود الفقري بعد الحوادث وغيرها , والتثبيت بيتم بدون فتح جراحي كبير، لكن لازم تتوفر بعض الشروط عشان نقدر نعمل تثبيت عن طريق الجلد , زي إن العيان ميكونش عنده ضعف في الفقرات، وميكونش محتاج توسيع مع التثبيت، وكمان وزنه ميكونش كبير عشان نقدر نوصل للمكان الصح للمسامير بالأشعة. وفي بعض حالات تزحزح الفقرات البسيط (الدرجة الأولى)، ممكن نستخدم التثبيت عن طريق الجلد مع تركيب قفص كربوني بالميكروسكوب، بشرط إن العصب ميكونش مضغوط بشكل كبير. والعملية دي مش بدون فتحات خالص، لكن الفتحات بتكون صغيرة جدًا بحجم المسمار نفسه، مش زي الجراحة التقليدية اللي بتحتاج فتح كبير في العضلات والعضم. ونسبة نجاح العملية بتكون فوق 90%، لو اتعملت للحالات المناسبة وعلى إيد جراح متمرس في النوع ده من العمليات.
Your browser does not support HTML5 video.
في ناس بتقول ان في حاجه اسمها تثبيت بدون جراحة وهي تثبيت عن طريق الجلد , و التثبيت عن طريق الجلد ده بيتعمل في حالات معينة , أشهر حاله فيها هي كسور العمود الفقري بعد الشر على الناس كلها يعني بيحصل حادثة وبيحصل ان في فقرة مكسوره , وقتها ممكن نعمل عمليه تثبيت عن طريق الجلد بدون فتح جراحي ودي بتحتاج كذا حاجه معينه تبقى موجودة في الإشاعات وفي العيان ذات نفسه عشان نقدر نعمل حاجه زي كده , يعني ايه ؟ يعني ميبقاش في ضعف في العضلات , و ان احنا مش محتاجين نعمل توسيع مع التثبيت , و ان العيان ميبقاش وزنه تقيل اوي علشان نقدر نوصل بالأشعة على مكان مسمار بالطريقة الصحيحة النقطه التانيه في بعض الحالات غير حالات الكسور ممكن نعملها تثبيت عن طريق الجلد زي تزحزح الفقرات بنعملها تثبيت عن طريق الجلد مع تركيب قفص كربوني من الجنب بالميكروسكوب ودي ليها دواعي معينة عشان نقدر نعملها يبقى التزحزح من الدرجة الأولى , يبقى العصب نفسه مش مزنوق بشكل كبير ودي اللي ممكن نعملها تثبيت عن طريق الجلد اللي هو ما يسمى بتثبيت بدون جراحه
في فتحات طبعا هيدخل منها المسمار عن طريق الجلد لكن مبنفتحش بالطريقة التقليدية , او ان انا بوسع العضم والعضلات والكلام ده كله , كل اللي بيحصل ان المسمار بيخش عن طريق الجلد بتبقي الفتحات كلها على قد تخن المسمار
اه طبعا نسبة نجاحها عالية فوق ال 90% لو الدواعي بتاعتها صحيحه والجراح اللي بيعملها عمل العمليات دي بما يكفي فلازم نجاحها بيكون فوق ال 90% كمان. لو عاوز تستفسر عن عمليات تثبيت الفقرات تقدر تتواصل معانا من خلال رسايل الصفحة او من خلال الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
