الجراحة الميكروسكوبية للعمود الفقري

الجراحات الميكروسكوبية للعمود الفقري في وقتنا ده بقت من أهم طرق الجراحة اللي مش بنقدر نستغنى عنها في أي عملية جراحية في وقتنا الحالي ، ودا عشان الميكروسكوب الجراحي ممكن نستخدمه في مجالات كتيرة جدا في الطب ، والميكروسكوب أثبت جدارة وكفاءة عالية جدا في الجراحات خصوصا في جراحات العمود الفقري.

فتعالوا دلوقتي نعرف اكتر عن الميكروسكوب الجراحي في جراحات العمود الفقري وخلينا نعرف

أي هو الميكروسكوب الجراحي؟ وأي هي أهميته ؟

الميكروسكوب الجراحي هو أداة من الأدوات اللي بيتم استخدامها في مجالات طبية كثير زي مجال الأسنان وزي مجال جراحات العمود الفقري ، ودا عشان اهم ميزة في الميكروسكوب الجراحي انه بيقدر يكبر الصورة 40 مرة أكتر عن الطبيعي ، وده بيخلي دقة العملية اكبر وكمان بنضمن ان عمرنا ما هنضر الحبل الشوكي ولا جذور الأعصاب وقت العملية . 

ايه هى مميزات استخدام الميكروسكوب في جراحات العمود الفقري؟

1- الفتحات اللي في الإجراء الجراحي بتكون صغيرة جدا وحجمها ممكن يوصل لعقلة صباع أو عقلة ونص.

2- فترة نقاهة المريض بعد العملية بتكون أقل بكثير جدا عن العمليات التقليدية عشان زي ما قلنا ان الفتحه بتكون صغيرة وده بيمنع انه يحصل ضرر للعضلات .

3- مدة الإجراء نفسه ممكن تاخد من ساعة لساعة ونص وده وقت قليل جدا .

4- بعد إجراء عملية بالميكرسكوب المريض بيقدر انه يرجع بيته في نفس اليوم وعلى رجليه .

5- مضاعفات ما بعد العملية بتكون قليلة جدا نتيجة أن دقة الميكروسكوب عالية جدا.

6- نسبة نجاح العملية بتوصل ل 95% و المريض بيحس بتحسن بسرعة بعد الإجراء .

7- الميكروسكوب الجراحي بيساعدنا اننا نشوف أدق التفاصيل أثناء الإجراء عشان ميزته في التكبير ، وده بيخلينا نتجنب اي مشاكل تانية في العمود الفقري .

اي هي عمليات العمود الفقري اللي ممكن نعملها بالميكروسكوب الجراحي ؟

1- ممكن نستخدم الميكروسكوب الجراحي في استئصال الانزلاق الغضروفي العنقي

2-وكمان استئصال الانزلاق الغضروفي القطني

3- و ممكن نوسع بيه القناة العصبية ونعمل تسليك لجذور الأعصاب

4- او ازالة الاورام و خصوصا الأورام الليفية عشان الميكروسكوب دقيق جدا فهنقدر أنه نشيل اي ورم بكل دقة .

تعالو نعرف دلوقتي هل الميكروسكوب الجراحي بيكون ليه عيوب؟

للأسف ايوا الميكروسكوب الجراحي ليه عيب واحد ، أنه بيحتاج شخص متمرس جدا في استخدامه ، عشان مش اي حد بيكون قادر انه يعمل اجراءات جراحية بيه ، ودا عشان الميكروسكوب الجراحي اداة بتحتاج وقت كبير جدا في التعليم .

وعشان كده خليك متطمن وعارف ان الجراحة بالميكروسكوب من اكثر الطرق الآمنة طالما كنت مع جراح متخصص في العمود الفقري و خلينا نقول حاجه مهمه ان الجراحة الميكروسكوبية أو الجراحة بالمنظار فهى مش أول خطوة بنلجألها في علاج مشاكل العمود الفقري.