دكتور علي القاضي > الخدمات > طرق علاج التزحزح الفقاري
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
لو حاسس بوجع جامد في ضهرك بيزيد أول ما توقف أو تمشي، وكمان معاه تنميل في رجلك بيخليك كل ما تمشي تقعد، فده اسمه تزحزح الفقرات القطنية، ومعني التزحزح ان في فقرة اتحركت من مكانها وضغطت على الأعصاب , والوجع بييجي عشان الفقرة بتتحرك وبتزنق على الأعصاب، فيحصل الألم والتنميل. وعلاج تزحزح الفقرات بيبدأ بأدوية ومسكنات، وبعدها علاج طبيعي وتقوية عضلات، ولازم تلبس حزام ضهر. ولو مفيش تحسن، بنجرب حقن أو تردد حراري، وآخر حل بيكون الجراحة وهي عن طريق تثبيت الفقرات.
لو انت عندك وجع شديد في ضهرك بيزيد معاك , وانت واقف او جيت تمشي , وبيجي مع الوجع الشديد بتاع الضهر ده , تنميل شديد في رجلك , بيخليك تضطر تقعد , ده في الأغلب حاجه اسمها تزحزح الفقرات القطنية , او زي ما الناس بتقول ان في فقرة راكبه على بعضها , تعالوا نفهم مع بعض يعني اي تزحزح فقرات ؟
ده الموديل فيه تلات فقرات وطلعنا منه فقرتين عشان نشرح لكم عليها ودا المنظر الطبيعي , ان فقره تبقي تحت فقره بالظبط , لو الفقره دي اتحركت لقدام او اتحركت لورا , هتضغط علي النخاع الشوكي وهتضغط علي جذور الاعصاب ده منظر النخاع الشوكي ودا منظر جذور الاعصاب
ونخلي بالنا ان مش الغضروف اللي اتحرك , الفقره نفسها هي اللي زانقة سواء الاعصاب او النخاع الشوكي . , تزحزح الفقرات دا بقي هيعملي أعراض اي بالظبط ؟ اولا هيجي الام شديدة جدا في الضهر ودي اكتر حاجه العيان بيشتكي منها , وجع شديد في ضهره وبيجي معاه آلام شديدة في رجله الاتنين لما بيجي يقف فتره او بيجي يمشي فترة , اي تفسير حاجه زي كدا ؟ الاول عضلاتك بتبقي شايله مع العمود الفقري , فالالم بيبقي موجود في الضهر , لما العضله نفسها تبتدي تتعب , الفقرة نفسها بتبتدي تتحرك , لما تبتدي تتحرك زي السنة الملخلخه بتبتدي تضغط على الاعصاب , ساعتها بيجيلك تنميل شديد في رجلك الاتنين .
اولا هنقسمهم شقين كبار : الشق الاول اللي هو العلاج التحفظي , والشق التاني هو التدخل الجراحي العلاج التحفظي زي ما اتكلمنا قبل كدا في اي حاجه في العمود الفقري , بيبتدي الاول بعلاج دوائي , نبتدي الاول فترة اسبوعين عشان نسكن الالم , عشان نبتدي نشوف لو نقدر نكمل بالعلاج الطبيعي , او هنحتاج حاجه تانية اكتر من كدا العلاج الدوائي بكمله اسبوعين وبقيم الوضع ,و لو العيان اتحسن بقدر الكافي , بنبتدي معاه علاج طبيعي لتقوية العضلات عشان زي ما قولنا , تقدر تشيل من على العمود الفقري ومن على الغضاريف الوزن وما يحصلش الالام الشديدة النقطة التانية المميزه في التزحزح بتاع الفقرات , اننا لازم نلبس حزام ضهر طول الوقت لان حزام الضهر دا بيمسك ضهرنا وبيخلي الفقرات متتحركش زي ما احنا قولنا ماتقعدش تلق قدام وورا وتضغط علي الاعصاب طيب فترة العلاج الدوائي والعلاج الطبيعي الي هي مبتعديش اكتر من 6 اسابيع عشان ميحصلش مشكلة في المعدة او مشكلة في الكلي , وممكن نعمل حاجه اسمها حقن جذور الاعصاب او تردد حراري ودا نوع من انواع تسكين الالم وليس علاج جذري لو متحسنتش بعلاج الدوائي والعلاج الطبيعي والحقن والتردد الحراري , هيبقالنا حاجه وحيدة هي العمليات الجراحية , والعمليات الجراحية في التزحزح بتاع الفقرات في الأساس هو تثبيت الفقرات , وتثبيت الفقرات له انواع مختلفه وهنتكلم عن التفاصيل بتاعتها في فيديو منفصل اتمني تكونوا استفدتوا من المعلومات اللي احنا قولناها عن التزحزح الفقرات ولو عندكم اي استفسار عن طرق تثبيت الفقرات ابعتولنا علي رسايل الصفحة او من خلال الواتساب 01000120118 وهنرد عليكم في اقرب وقت دكتور علي يسري القاضي استشاري ومدرس المخ والاعصاب والعمود الفقري بجامعه القاهرة
