دكتور علي القاضي > الخدمات > علاج الانزلاق الغضروفي بدون جراحة
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
معظم مشاكل العمود الفقري مش بتحتاج جراحة، والتشخيص الصح هو أساس العلاج اللي بيبدأ بأدوية، ولو الألم خف بنلجأ للعلاج الطبيعي، ولو مفيش تحسن ممكن نلجأ للحقن أو تردد حراري و الجراحة بتكون آخر حل ومش بنلجأ لها إلا في الحالات الخطيرة زي سقوط القدم او ضعف التحكم في البول والبراز او عدم الاحساس بمنطقة معينه
انا كجراح عمود فقري احب اطمنكم مش كل عيان عنده مشكلة في العمود الفقري لازم نعمل له عملية , خالص , اكتر من 90 % من الحالات مبتحتاجش تدخلات جراحية لما العيان بيجي الاول نكشف عليه ونقدر نحدد التشخيص الصحيح كمتخصصين عمود فقري , وبعد كدا بنحط له خطة علاجية تناسب حالته , لان عيان شاب عنده 25 سنه طريقة علاجه مختلفة تماما عن سيدة عجوزة عندها 60 سنه
و العلاجات دي بتختلف في الاول بنبدء بالعلاج الدوائي وبعد كدا بنتابع بعد العلاج الدوائي هل في تحسن ولا لا ؟ لان احنا منقدرش نخش علي العلاج الطبيعي من غير ما الالام الاول تقل , لان احنا لو عملنا علاج طبيعي وفي آلام شديدة , الآلام هتزيد , وفي شروط معينة للعلاج الطبيعي لازم نوصل الاول ليها عشان نبتدي نعمل العلاج الطبيعي. كجراح عمود فقري احنا زي المايسترو هو اللي يوجه في الاول امتى نعمل علاج دوائي وامتي نحتاج علاج طبيعي وامتي نستفيد من الحقن والتردد الحراري , وامتي نستفيد من العمليات لكن للمرة التانية احب اطمنكم احنا في الاول بنمشي بالترتيب , تشخيص ثم علاج دوائي وبعديها علاج طبيعي و 85% من الحالات دي بتتحسن في الفترة دي ( فتره العلاج الدوائي والعلاج الطبيعي ) , لو متحسنش ساعتها بيبقي فاضل لنا حاجتين علاج الألم سواء اللي هو حقن وتردد حراري , ودي حاجه معظم الجراحين بتوع العمود الفقري بيقدروا يعملوها سواء حقن جذور الاعصاب او حقن المفاصل أو مفصل الحوض الحرقفي او العصعص وفي الاخر خالص لو متحسنش من الالام دي او الالام دي كانت اشد من ان العيان يستحمل المراحل دي كلها ساعتها بنتدخل جراحيا .
طبعا في حاجات تانية او red flags او الخطوط الحمراء لو حصلت , لازم بنستعجل على موضوع العمليات الجراحية , أشهر حاجه فيها هي سقوط القدم , صعوبة التحكم في البول والبراز او ساعتها بنضطر نتدخل في اسرع وقت عشان نحافظ على الوظيفة الحركية فمش معني ان انا جراح عمود فقري , أن أي عيان بيجيلي عنده انزلاق غضروفي بقوله اول حاجه عملية , بالعكس اخر حاجه بنخليها بالنسبه لينا هي التدخلات الجراحية مليون سلامه علي اي عيان بيشتكي من مشاكل في العمود الفقري او اي مشاكل تانية ربنا يشفي مرضانا جميعا إن شاء الله ولو عاوز تعرف تفاصيل اكتر عن استئصال الانزلاق الغضروفي تقدر تتواصل معانا من خلال رسايل الصفحة او من خلال الواتساب دكتور علي يسري القاضي استشاري ومدرس المخ والاعصاب والعمود الفقري بجامعة القاهره
