دكتور علي القاضي > الخدمات > تزحزح الفقرات القطنية
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
تزحزح الفقرات مشكلة مش بسيطة في العمود الفقري , دي تعتبر من اصعب المشاكل اللي بتسبب للمريض الام شديدة جدا في ضهره ورجله , وبتصعب عليه حياته وممارسه اي نشاط في يومه , فتعالوا نعرف شوية معلومات مهمه عن تزحزح الفقرات القطنية
احنا عمودنا الفقري بيتكون من فقرات فوق بعضها و الغضاريف بتفصل بين كل فقره وفقره , والتزحزح بيحصل لما فقره من فقرات العمود الفقري تتحرك او تتلخلخ وتبعد عن مكانها الطبيعي , والتزحزح دا ممكن يبقي لقدام او لورا , بس التزحزح دا له درجات. الاول لازم نفهم معني درجة تزحزح الفقرات وهي نسبة تحرك الفقرة من مكانها , وتزحزح الفقرات له 5 درجات
الدرجة الأولى: الفقرة بتكون اتحركت من مكانها بنسبة 25% ، ودا أكثر نوع شائع ومنتشر بين حالات تزحزح الفقرات . الدرجة التانية: تحرك الفقرة بيزيد وبيبقى من 25% ل 50% . الدرجة التالتة : درجة تزحزح الفقرات بتبقى من 50 ل 75% ومن هنا تعتبر درجة كبيرة . الدرجة الرابعة : هنا التزحزح بيكون من 75% ل 100% , الفقرة بتكون اتزحزحت بشكل كبير جدا . الدرجة الخامسة : هنا بقي نسبة التزحزح بتكون زادت عن 100% ، ودي من أخطر حالات تزحزح الفقرات لإن الفقرة بتكون بعدت تماما عن باقي الفقرات .
وتقدر تعرف تفاصيل اكتر عن تزحزح الفقرات واعراضها من الفيديو دا مع دكتور علي يسري القاضي
وتعالوا دلوقتي نعرف نقطة مهمة جدا وهي :
تزحزح الفقرات بيكون له خطوره لما يكون المريض اهمل العلاج لفتره طويلة وبقي عنده تزحزح من الدرجة المتقدمه او هو كان عنده من البداية تزحزح من درجة متقدمة لكنه معالجهوش صح , ساعتها ممكن لاقدر الله يحصله أعراض خطيرة زي :
علاج تزحزح الفقرات مش دايما عملية , لازم نمشي علي خطه علاج كامله بنبدء بالعلاج التحفظي ودا عباره عن ( علاج دوائي , علاج طبيعي ), وممكن نعمل ( حقن جذور الاعصاب , و التردد الحراري ) قبل ما ناخد خطوة العملية وطبعا دا علي حسب درجة التزحزح اللي عندك , وتقدر تعرف معلومات اكتر عن امتي تعمل عملية تزحزح الفقرات من الفيديو دا
وبكده نكون وصلنا لآخر مرحلة واللي هي مرحلة العلاج بس لازم نعرف حاجة مهمة جدا مرحلة العلاج بتكون معتمدة عليها ، وهي أن تزحزح الفقرات القطني بيكون ليه درجات وكل درجة علاجها بيكون مختلف ، فتعالوا نعرف دلوقتى
بعد مرور اسبوعين بنرجع نقيم الوضع ونشوف هل المريض اتحسن ولا لا ، لو اتحسن فبنبدأ معاه بجلسات العلاج الطبيعي مع دكتور علاج طبيعي متخصص في العمود الفقري عشان نقوي عضلات الضهر وتقدر انها تشيل الضغط من على الفقرات والغضاريف ، وعشان الآلام تقف من عندنا. ونقطة مهمة لازم تاخد بالك منها انك لازم تكون لابس حزام الضهر طوال الوقت ، لان حزام الضهر بيمسك ضهرنا كويس ومش بيخلي الفقرات تقعد تتحرك لقدام أو ورا وتضغط على الأعصاب . وكمان مهم جدا خلال الوقت ده انك تحسن من نمط حياتك اليومية ، يعني ايه ؟
وممكن اننا نعمل حقن وتردد حراري كنوع من أنواع تسكين الألم مش علاج للمشكلة ، ولو متحسناش بالعلاج الدوائي والعلاج الطبيعي , و لو متحسناش برضو بالحقن والتردد الحراي , ساعتها بنلجأ للعملية الجراحية ،
وعلاج تزحزح الفقرات جراحيا يعتبر هو الحل الجذري والاختيار الافضل ليك , لاننا بنقضي علي المشكلة تماما مش مجرد تسكين للالم , وهنا العلاج بيكون عبارة عن عملية جراحية لتثبيت الفقرات عن طريق الشرايح والمسامير ، والتدخل الجراحي بيكون لحالات التزحزح المتقدمة سواء كان التزحزح في فقرة واحدة أو أكثر من فقرة , لان الحالات دي بيكون ظهر عليها اعراض خطيرة ممكن تؤدي للشلل , ومتقلقش تثبيت الفقرات مش هيمنعك انك تتحرك وتمشي وتمارس حياتك , بالعكس انت بعد ما تعمل عملية تزحزح الفقرات هتقدر تعيش حياتك من غير الم ولو عاوز تعرف امتي لازم تعمل عملية تثبيت للفقرات بشكل مفصل تقدر تسمع الفيديو دا
المهم انك تلحق نفسك قبل ما تدخل في مرحلة الخطر و لازم تتشخص صح من البداية مع دكتور متخصص في جراحة العمود الفقري عشان تبدء علاجك صح علي حسب حالتك وتخف في اسرع وقت ممكن .
