دكتور علي القاضي > الخدمات > ضيق الفقرات القطنية وعلاجها
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
ضيق الفقرات القطنية من مشاكل العمود الفقري المؤلمة جدا واللي بتأثر علي المريض في كل خطوة في حياته الطبيعية لانها بتصعب عليه قدرته علي المشي والحركة , وضيق الفقرات له اكتر من طريقة علاج وهي العلاج التحفظي ( العلاج الدوائي والعلاج الطبيعي ) والحقن والتردد الحراري والتدخلات الجراحية محدودة التدخل والجراحه التقليدية , علي حسب حالتك بيتم تحديد نوع العلاج المناسب ليك .
في الاول كنت بتمشي مسافات طويلة بدون ما تحس بتعب في رجليك دلوقت , ابتديت تحس بتنميل وحرقان بعد ما بتمشي فترة قليلة , تضطر تقعد عشان تقدر تكمل المشي بتاعك , في الاغلب انت عندك ضيق في الفقرات القطنية يعني اي ضيق الفقرات القطنية , واي اعراضها , واي طرق علاجها ؟ , تعالوا نفهم مع بعض بطريقة بسيطة , اولا يعني اي ضيق في الفقرات القطنية ؟ الفقرات القطنية دي بتحاوط حاجه اسمها النخاغ الشوكي والاعصاب زي ما هو قدامكم كدا بالظبط دا منظر الفقرات القطنية , ودا هنا في النص تجويف فيه النخاع الشوكي والأعصاب موجوده
لما بيحصل ضيق , بيبقي الفقرات بتضيق او بتخنق العصب الموجود سواء النخاع الشوكي والأعصاب , سواء باربطة او بعضم او بالغضروف نفسه انه بيبتدي يتيبس , ويبتدي يضغط على الأعصاب وبيديني الاعراض اللي احنا قولناها , في الاول , اللي هي تنميل وحرقان شديد بالذات مع المشي لفترات , وممكن يجي بعدم تحكم في البول او البراز او ضعف , او انت مش قادر تتحكم في البول والبراز مش لازم يكون عدم تحكم كامل , ودي بتبقي أعراض بتضايق العيانيين جدا , ومعظم مرضي ضيق الفقرات القطنية بيكون سنهم خمسين فيما فوق
اولا العلاج التحفظي اللي هو العلاج الدوائي والعلاج الطبيعي ولو متحسنش بقي , في حاجه اسمها حقن جذور الاعصاب والتردد حراري عشان نسكن الالم , والخيار الاخير اننا نعمل توسيع للفقرات القطنية وتوسيع الفقرات القطنية متقسم جزئيين : ممكن يتعمل بالطريقة المحدودة التدخل عن طريق الميكروسكوب الجراحي او عن طريق المنظار او يتعمل بالطريقة التقليدية اللي ممكن يكون معاها تثبيت او من غير تثبيت لو عاوز تعرف أكتر عن عمليات توسيع ضيق الفقرات القطنية ابعتلنا علي الواتساب 01000120118 او من خلال رسايل الصفحة وهنرد عليك في اسرع وقت . د/ علي يسري القاضي استشاري ومدرس جراحة المخ والاعصاب والعمود الفقري بجامعة القاهرة
