دكتور علي القاضي > من حقك تفهم > الشرايح والمسامير لازم تتشال بعد عملية تثبيت الفقرات القطنية ؟
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
تثبيت الفقرات القطنية أو تثبيت الفقرات العنقية حاجه بتخوف كل مريض بيكون محتاج الاجراء ده ، وبتخليه يسأل نفسه أسئلة كثيرة جدا ومن الاسئلة دي هو انا بعد فترة هشيل المسامير دي ؟ وهنجاوب معاه كمان عن سؤالين مهمين جدا وهو هل تثبيت الفقرات القطنية بيتعمل الميكروسكوب أو المنظار؟ ومين هما الناس اللي بيحتاجوا فعلا تثبيت للفقرات؟ وخلونا نبدأ بأول سؤال وهو
الاجابة هي لا ، المريض مش بيحتاج ابدا انه يشيل الشرايح والمسامير بعد أي عملية سواء كانت استئصال غضروف قطني أو تزحزح الفقرات القطنية ، وده عشان المسامير والشرايح اللي بيتم استخدامها في الاجراء بتكون مصنوعه من مادة التيتانيوم والمادة دي بعد الابحاث اللي اتعملت عليها ، ثبت انها بتتوافق جدا مع جسم الإنسان ومش بتسبب له اي ضرر او اي مشكلة ، و المريض بيقدر انه يعيش بيها لباقي حياته ، بس برضو رغم انها امان وملهاش اي ضرر في عيانين بيقدروا يشيلوا المسامير دي ، بعد فتره من العملية .
الأبحاث قالت ان دا بيكون في حالة واحدة بس وهي لما يحصل التحام تام للفقرات اللي اتعملها تثبيت يعني العضم كله يكون عامل زي القطعه او الجزء الواحد ، والالتحام دا ممكن يحصل بعد 6 شهور او بعد سنة او حتى بعد سنتين يعني الموضوع ملهوش وقت ثابت .
دا بيكون بالمتابعة عن طريق الأشعة سواءا المقطعية والعادية أو الحركة وساعتها بنقدر نعرف اذا كان الالتحام حصل بشكل تام ولا لأ بس هنا خلينى اوضحلك نقطة ان تثبيت الفقرات القطنية بالشرايح والمسامير مش هتأثر ابدا على المريض لو مشلنهاش بالعكس دي هتحسن من حياته ومن جودتها .ومن هنا ننتقل لسؤال مهم جدا اغلب الناس بتسأله واللي هو
الحقيقه ان ناس كتيرة بتقول انها بتعمل تثبيت الفقرات القطنية بالميكروسكوب أو المنظار والكلام ده كله علميا غير صحيح ، الميكروسكوب أو المنظار من الأدوات اللي أثبتت جدارتها في عمليات العمود الفقري وخصوصا عملية الانزلاق الغضروفي القطني ، بس مش بيستخدموا في عملية تثبيت الفقرات القطنية ، الحقيقية أن الميكروسكوب الجراحي ممكن نستخدمه عشان نكبر صورة مكان العملية ، والمنظار الجراحي بيتم استخدامه عشان يدي إضاءة زيادة أكثر في العملية لكن تثبيت الفقرات القطنية مش بيتعمل لا بالميكروسكوب ولا المنظار،ودي تعتبر من اكبر الاشاعات اللي موجوده في الوقت الحالي واللي كتير من الناس بيصدقوها . عشان كدا لازم ناخد بالنا من الفكرة دي وكمان نعرف مين هما الناس اللي فعلا محتاجين تثبيت للفقرات القطنية ، و اللي هما :
وفي النهاية عشان انت من حقك تفهم فإحب اقولك ان تثبيت الفقرات القطنية بيتعمل عشان نرجع الفقرات نثبت الفقرات في مكانها الطبيعي ومتبقاش بتتحرك تاني او بتتلخلخ تاني وتسببلك الم مرة تانية ومتقلقش عشان تثبيت الفقرات مش هيمنعك من الحركة او هيخيلك تقعد في كرسي متحرك أو هيأثر على حياتك الطبيعية بأي شكل لو كنت فعلا محتاجه ، المهم انك فعلا تعرف انت محتاج تثبي الفقرات القطنية فعلا ولا لا.
