دكتور علي القاضي > الخدمات > عملية تثبيت الفقرات القطنية
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
لما مريض تزحزح الفقرات يسمع من الدكتور انه لازم يعمل عملية تثبيت للفقرات بيفهم ان خلاص كدا , هو مش هيقدر يمارس حياته تاني بشكل طبيعي , وضهره مش هيتحرك طبيعي تاني وهيعيش باقي عمره في مأساه وطبعا الكلام دا بيخليه يخاف من العملية اكتر ويفضل يأجلها , بس في الحقيقة كل الكلام دا غلط كبير جدا , ودا لان عملية تثبيت الفقرات القطنية من ابسط واسهل العمليات لو اتعملت مع دكتور متخصص عنده خبره في العمليات من النوع دا , وعشان نطمن كل مريض عنده تزحزح فقرات هنجاوب علي كل سؤال بيشغل تفكيره ومخوفه من العملية , بس تعالوا نعرف الاول
ان المفروض تزحزح الفقرات معناه ان في فقرة من فقرات العمود الفقري اتحركت من مكانها الطبيعي وممكن تكون اتحركت بسبب
ولو عاوز تعرف تفاصيل اكتر عن تزحزح الفقرات واعراضها تقدر تشوف الفيديو دا مع دكتور علي يسري القاضي
احنا هدفنا نثبت الفقره اللي اتحركت من مكانها , ودا في حاله انها فقره متحركة , بمعني ان لو الفقره ثابته خلاص انت مش محتاج عملية , لكن لو متحركه فهنجرب معاك الاول العلاج التحفظي وهو عباره عن ( علاج طبيعي وعلاج دوائي ) , ولو الوضع متحسنش معاك ممكن نعمل حقن لجذور الاعصاب وتردد حراري عشان نسكن الالم , لكن لو الفقره متحركة وكل شويه بتتحرك ازيد وبتبعد عن باقي الفقرات اكتر
ساعتها لازم نعمل العملية ونثبت الفقره بالشرايح والمسامير , عشان كل ما الفقره تبعد كل ما انت هتحس بآلام شديدة جدا وهتضغط اكتر على العصب او الحبل الشوكي , ودا هيسببلك أعراض خطيرة جدا ودا فعلا اللي هيعيشك في مأساه كبيرة لو أجلت العملية او معملتهاش , والعملية هي الحل الوحيد في الحاله دي اللي هتعالج المشكلة بشكل نهائي و ممكن تعرف معلومات اكتر عن امتي تكون العملية هي الحل الوحيد لعلاج تثبيت الفقرات من الفيديو دا مع دكتور علي يسري القاضي
اما بالنسبه لمده العملية بقي , فمدتها بتكون من ساعتين لساعتين ونص , بس هي بتتوقف علي عدد الفقرات اللي هنثبتها وخبره الجراح وعوامل تاني علي اساسها المده ممكن تزيد او تقل ومتقلقش انت مش محتاج تعمل عملية تاني عشان تشيل الشرايح والمسامير , او هيحصلك التهابات بسببها زي ما اللي حواليك قالولك ودا لان الشرايح المسامير مصنوعه من ماده التيتانيوم يعني جسمك هيتأقلم عليها بدون اي مشاكل
ايوا طبعا بعد العملية هترجع لحياتك الطبيعية عادي , بس لازم نلتزم بمده التعافي , بمعني اننا محتاجين 3 أسابيع بعد العملية بنتحرك بس بشكل بسيط شوية مش بنبذل مجهود كبير. و3 اسابيع كمان نقدر نركب عربيه او نتحرك ونحني ضهرنا يعني هنرجع لحركتنا الطبيعية في فترة التعافي واحدة واحدة , ولو شغلنا مكتبي ومش محتاج حركة ممكن نرجع عادي بعد 6 أسابيع من العملية لكن الشغل اللي محتاج مجهود كبير وشيل اوزان لازم نصبر فتره متقلش عن 3 شهور علي ما تكون الفقره التحمت ببعضها والجرح خف تماما. وخلي بالك 3 شهور مش كتير علي رجوعك لحياتك الطبيعية , لان انت ممكن تكون كنت بتعاني من تزحزح الفقرات بقالك سنين وضاغط علي نفسك ومستحمل الالم ومش عاوز تعمل العملية , فاكيد 3 شهور وتتخلص من كل المك هو الحل الوحيد ليك تعيش حياة طبيعية , لو عندكم اي استفسار عن عملية تثبيت الفقرات تقدروا تتواصلوا معانا على 01000120118.
