دكتور علي القاضي > من حقك تفهم > هل الانزلاق الغضروفي يسبب شلل؟
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
ناس كثيرة بيكون عندها انزلاق غضروفي قطني ،و اعراضة بتوصل معاهم لدرجة انهم مش بيكونوا قادرين يتحركوا أو يمارسوا يومهم بشكل طبيعي ورغم كل ده فهما مش بياخدوا قرار العملية الجراحية عشان بيكونوا خايفين من انها تعملهم شلل او انهم ممكن يقضوا باقي حياتهم على كرسي متحرك أو على السرير
الإجابة على السؤال ده وعلى غير المتوقع ان عملية استئصال الغضروف القطني مش بتسبب شلل ، اللي ممكن يعملك شلل هو الانزلاق الغضروفي القطني نفسه .
وهنا المريض ممكن يتفاجأ ويسألني ازاى يا دكتور ؟
دى العملية بتتعمل عن طريق أدوات حادة و فيها جرح فى الضهر يعني مكان حساس جدا و فلو حصلت فيه مشكلة فأنا خلاص مش هعرف ارجع امشي على رجلي تاني ، انما الانزلاق الغضروفي القطني نفسه انا ممكن اعالجه بأي طريقة علاج تانية تسكن الألم وساعتها الالم بيروح وهقدر امشي . و خلينى اقولك ان انا كجراح متخصص في العمود الفقري متفهم خوفك من العملية بس تعالا واحده واحده افهمك ليه الانزلاق الغضروفي القطني هو اللي هيعملك شلل مش العملية الجراحية ، و ده لان - الانزلاق الغضروفي القطني سببه ان المادة الجيلاتينية اللي جوا الغضروف بدأت تتحرك من مكانها تضغط على الاعصاب ، والعصب ده بيكون مسؤول عن الإحساس أو الحركة في مكان معين فى جسمنا ، فلما بينضغط علي العصب بيبدأ جسمك انه يوصلك إشارات معينة بالمشكلة دي ، فممكن تبدأ تحس بتنميل وشكشكة أو حرقان في الرجل ، و مع اهملك للاعراض دى بسبب خوفك من العملية فيبدأ العصب ينضغط اكتر ، و بدل ما كنت بتحس بأعراض بسيطة هتبدأ تحس بأعراض تانية اشد و اللى معناها انك دخلت فى مرحلة خطر زى :
و هنا لازم تاخد بالك من حاجة ان المرحلة اللى انت وصلتلها دى ماينفعش انك تفكر تجرب العلاج الدوائي او حقن جذور الاعصاب و التردد الحرارى ، و ماينفعش تقول انا مش عاوز اعمل العملية او حتى تأجلها لان فى الوقت ده هيكون قدمنا 48 ساعه عشان نقدر نلحق العصب ، قبل ما الاعراض دي تكون دائمة ، وده اللى لو حصل هو اللى هيوصل مريض الانزلاق الغضروفى للشلل اما بقى بخصوص خوفك الزايد من العملية ، خلينى اقولك ان ده مش صح لان
فبلاش اننا نبقى خايفين من إجراء سهل وبسيط بيتعمل بأدوات حديثة جدا ودرجة أمانها كبيرة ومثال على دا الجراحة الميكروسكوبية والجراحة بالمنظار.
خليك متطمن واعرف اي هو الصح قبل ما تعمله.
