دكتور علي القاضي > من حقك تفهم > علاج الانزلاق الغضروفي القطني من الدرجة الأولى والتانية
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
الانزلاق الغضروفى القطني من اسهل مشاكل العمود الفقري فى العلاج ، بس عشان نقدر نعالج الانزلاق الغضروفى صح و نرتاح من الالم ، لازم نكون عارفين درجة الانزلاق الغضروفى القطني اللى عندنا ،لان درجة الانزلاق هى اللى بتحدد طريقة العلاج ، و تعالوا انهارده نعرف ازاى بنعالج الانزلاق الغضروفى القطني من الدرجة الاولى و الثانيه ،بس خلونا الأول نعرف أي هي الأعراض اللي هيحس بيها المريض في الدرجات الأولى والتانية ، عشان انت كمان تكون قادر تحدد انت فى اى درجة , درجات الانزلاق الغضروفي القطني الأولى والتانية هتعمل للمريض
كل الآلام دي هتخلي المريض مش قادر انه يمارس يومه بشكل طبيعي سواءا في شغله او في حياته الطبيعية، و هنا خلينى اقولك حاجة ان الانزلاق القطني اللي من الدرجة الأولى والتانية تقدر انك تخف منه بشكل نهائي من غير لا شفط للغضروف ولا تبخير للغضروف ولا حتى عملية جراحية.
عشان انت من حقك تفهم خليني اقولك بكل بساطة ان الانزلاق الغضروفي القطني اللي من الدرجة الأولى والتانية يعتبر من أسهل وأبسط الانزلاقات الغضروفية اللي بنقدر نعالجها نهائيا بالأدوية والعلاج الطبيعي الصحيح ، و99% من حالات الانزلاق الغضروفي من الدرجة الاولى والتانية هينفع معاهم العلاج الدوائي والعلاج الطبيعي. وده عشان الغضروف نفسه بيكون لسه سليم، ولسه الحلقة الليفية للغضروف متقطعتش والمادة الجيلاتينية اللي جوا الغضروف لسه مطلعتش برا الحلقة الليفية للغضروف ، يعني بكل بساطة الغضروف اللى حصله انزلاق ده لسه سليم و قادر انه يقو بوظيفته ، و كمان الغضروف هنا بيكون بس لمس العصب لمسات بسيطة جدا عشان ينبهك ان فيه مشكلة كبيرة هتحصل لو انت مبدأتش تاخد بالك منها وتلحقها في أسرع وقت.
العلاج بيكون عبارة عن:
بس لازم ناخد بالنا من كام نقطة مهة جدا:
1- اول حاجة هي انك تكون متأكد انك بتعالج مشكلة الإنزلاق الغضروفي القطني فعلا، لان انت ممكن يكون عندك التهاب في مفصل الحوض الحرقفي، او تضخم في المفاصل الجار فقارية ، او متلازمة العضلة الكمثرية، والمشاكل دي هتعملك نفس اعراض الانزلاق الغضروفي القطني بالضبط.
عن طريق التشخيص الصحيح مع دكتور متخصص قادر انه يعرف فعلا أي هو سبب الألم اللي عندك.
2- لو طلع فعلا عندك انزلاق غضروفي قطني مينفعش تاخد اي علاج دوائي عشان تعالجه لان كل حالة بتختلف عن التانية، وكمان الدوا مش بيكون مجرد مسكنات بس او مضاد التهابات بس، الدوا بيكون عبارة عن خطة علاج كاملة مخصصة ليك انت ، وبتكون عبارة عن مسكنات وباسط للعضلات ومضاد للالتهاب بنسب معينة عشان تساعد جسمك انه يتعود على الغضروف القطني.
3- بعد اسبوعين من العلاج الدوائي هتبدأ انك تحس بتحسن ، فبنبدأ ساعتها إننا نعمل علاج طبيعي، ليه؟
عشان نقوي عضلات الظهر ونساعد جسمك انه يتعود على وجود الغضروف بدون اي الم، و هنا لازم ناخد بالنا من حاجة مهمة وهي مينفعش اي دكتور علاج الطبيعي يعملك الجلسات ، لازم يكون دكتور العلاج الطبيعي متخصص في علاج حالات الانزلاق الغضروفي ، و ده لان العلاج الطبيعي الصح هو العلاج اليدوي مش مجرد أجهزة وبس ، وده مش بيعمله غير دكتور علاج طبيعي متخصص في علاج الانزلاق الغضروفي القطني . 4- و اخر حاجة لازم تكون عارفها و انت بتقرر تعالج الانزلاق الغضروفى ان التردد الحراري وحقن جذور الأعصاب مش بنقدر اننا نستخدمة فى علاج كل حالات الغضروف القطني ، انما بنستخدمة فى حالات معينة بس. ودا على عكس اللي بيحصل دلوقتي ، اللي هو ان مريض الانزلاق الغضروفي القطني بقي يروح يعمل حقن وتردد حراري بدون استشارة طبية صحيحة من دكتور متخصص في جراحة العمود الفقري ، عشان يرتاح و يخلص من الالم اللى حاسس بيه بس خليك عارف ان ده مش صح ، لان لازم دكتور متخصص في جراحة العمود الفقري هو اللى يحددلك :
غير كدا فالتردد الحرارى لعلاج الانزلاق الغضروفي القطني مش هيساعد المريض ابدا في انه يتحسن من الغضروف القطني، وفي خلال فترة الآلام كلها هترجعله مرة تانية واحتمال كمان ان المشكلة تدخل في مرحلة الخطورة والمريض مش حاسس، ودا عشان الحقن و التردد الحراري مش علاج، الحقن والتردد الحرارى عبارة عن مسكن قوي شوية مش أكثر فى النهاية خلينى اقولك ان انت اللى فى ايدك تختار انك تكون من 99 % اللى هيتعالجوا من الانزلاق الغضروفى بالأدوية و العلاج الطبيعى ، و انت اللى ممكن توصل نفسك لانك لازم تعمل عملية ، عشان ترتاح من الوجع اللى انت حاسس بيه فبلاش تتأخر فى خطوة الكشف و بداية العلاج و اللى لازم يكون مع دكتور متخصص عشان تضمن انك فعلا بتتعالج صح
