الفرق بين عملية الانزلاق الغضروفي القطني بالميكروسكوب وبالمنظار

ناس كثيرة لما بتقرر انها تعمل عملية الانزلاق الغضروفي القطني بتسمع عن حاجه اسمها استئصال الغضروف القطني بالميكروسكوب وعن حاجه اسمها استئصال الغضروف القطني بالمنظار، ويبدأوا يفكروا اي افضل طريقه للعملية واي اصلا الفرق بينهم ؟

و في مقال النهاردة هنجاوب على كل الاسئلة دى و نعرف ايه هي مميزات كل طريقة ، و هنبدأ دلوقتى باستئصال الغضروف القطني بالميكروسكوب  

مميزات الميكروسكوب الجراحي في عملية الإنزلاق الغضروفي القطني 

• اول حاجة وأكبر ميزة في الميكروسكوب الجراحي هو انه بيقدر يكبر الصورة 40 مرة ضعف الصورة العادية ، وده بيخلى العملية تتم بكل دقة وبدون اي مشاكل ، و بكده هنضمن أننا مانضرش الأعصاب ولا الحبل الشوكى لاننا هنكون شايفينهم بوضح وقت العمليه ، وده بيدي للمريض نسبة أمان عالية جدا أثناء العملية .
• تاني نقطة هي ان فتحة الجرح بالميكروسكوب الجراحي بتكون صغيرة جدا وممكن توصل لعقله صباع او عقلتين بالكثير .
• النقطه التالته ان عملية الانزلاق الغضروفي القطني بالميكروسكوب الجراحي فترة نقاهتها بتكون قليلة جدا عن الطريقة التقليدية لاستئصال الانزلاق الغضروفي القطني، عشان زي ما قلنا ان الفتحه بتكون صغيرة ومش بتعمل تأثير كبير على المريض .
• العضلات والأنسجة في عملية استئصال الغضروف القطني بالميكروسكوب مش بيحصلها ضرر كبير لان اولا مش بنفتح جرح كبير زي الطريقة التقليدية ولا بنخش جوا العضلات بأنبوبة زي المنظار .
• مدة العملية بتكون قصيرة جدا لو كانت لمستوى واحد بمعنى ان المريض عنده غضروف واحد منزلق ، لدرجه انها ممكن متاخدش اكتر من ساعه .
• المريض بيقدر يرجع لبيته في نفس اليوم او تانى يوم بالكتير وهو ماشي على رجليه بنفسه ، وخلال فترة قصيرة بيقدر انه يرجع لحياته الطبيعية .
•  نسبة ان يحصل نزيف خلال العملية بتكون اقل عشان دقة الميكروسكوب العالية جدا في إجراء عملية الانزلاق الغضروفي القطني .
• نسبة نجاح عملية الانزلاق الغضروفي القطني بالميكروسكوب بتوصل ل 95% لو اتعملت للشخص الصح وفي الوقت الصح ، دا غير ان نتايج الجراحة بتظهر بعد الإجراء على طول . 
  

و بعد ما عرفنا ايه هى مميزات الميكروسكوب تعالوا دلوقتي نعرف ايه هي مميزات المنظار الجراحي في علاج الإنزلاق الغضروفي القطني 

مميزات المنظار الجراحي في استئصال الغضروف القطني : 

• من اهم مميزات المنظار الجراحي انه بيكون معاه اضاءة عالية جدا بتسمح للجراح انه يشوف مكان الجرح كويس ويقدر انه يستأصل الغضروف المنزلق .
• فتحة الجرح بتكون صغير جدا
• الدكتور بيقدر انه يشوف المكان قدامه على شاشة 2D
• نسبة نجاح عملية استئصال الغضروف القطني بالنظار بتوصل 95% ومفيش اختلاف كبير بينه وبين الميكروسكوب في النقطة دي . 
  

طيب أي هو الفرق بين الميكروسكوب والمنظار واختار مين فيه لو هعمل عملية انزلاق غضروفي قطني؟

الفرق الوحيد بين استئصال الغضروف القطني بالميكروسكوب والمنظار هي خبرة الجراح في استعماله للأدوات دي ، الاتنين سواء الميكروسكوب أو المنظار نسب نجاحهم عالية جدا المهم هنا خبرة الجراح في أنه يستخدمهم ، و دي حاجه مهمه جدا لازم مريض الانزلاق الغضروفي القطني اللي واخد قرار انه يعمل عملية استئصال للغضروف القطنى انه ياخد باله منها ويعرف عن خبرة الجراح اللي هيعمله العملية

و لو عاوزين تعرفوا معلومات اكتر عن طريقة استئصال الغضروف القطني بالميكروسكوب هتلاقوا كل المعلومات عنها هنا