دكتور علي القاضي > طرق العلاج > الجراحة بالمنظار
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
في وقتنا الحالي جراحات بالميكروسكوب أو المنظار بقوا منتشرين جدا في مختلف مجالات الطب ، وكمان في مجالات جراحات العمود الفقري بالتحديد ، ودا بسبب كفاءتهم العالية في جراحات العمود الفقري وكمان خلوا الجراحه اللي ممكن انها تتعمل في 6 ساعات تتعمل في ساعة واحدة. وكنا اتكلمنا قبل كدا عن الجراحة الميكروسكوبية والنهاردة هنتكلم عن جراحة بالمنظار و نعرف هي اى هو المنظار الجراحى ، واي الفرق بينه وبين الميكروسكوب ، و خلونا نعرف دلوقتى
المنظار بكل بساطة بيكون عبارة عن أداة بتتكون من كاميرا ومصدر للضوء عشان تقدر تنور المكان اللي بنعمل فيه العملية ، والإجراء بيتم عن طريق اننا بندخل أنبوب صغير جدا طوله 2 سم للمكان اللي فيه المشكلة ، وبنبدا بعدها اننا ندخل المنظار والادوات اللي بنستخدمها عن طريق الأنبوب دا وبيكون فيه شاشه في اوضه العمليات بنقدر اننا نشوف منها الجزء اللي بيشتغل عليه بالضبط . و عشان كده المنظار يعتبر من الأدوات المهمه والدقيقة جدا في جراحات العمود الفقري
1- استئصال الغضروف العنقي والقطني 2- توسيع القناة العصبية 3- وتسليك جذور الأعصاب 5- ازالة الاورام واشهر حاجه هي الأورام الليفية عشان المنظار بيكون دقيق جدا فهنقدر أنه نشيل اي ورم بكل دقة .
1– حجم الجرح بيكون صغير 2- فترة النقاهة بتكون قليلة جدا عن الجراحة التقليدية 3- الاحراء ممكن ياخد من نص ساعة ل ساعة . 5- نسبة نجاح العملية بتوصل ل 95% 6- المريض يقدر انه يمشي على رجليه في نقس اليوم ويرجع البيت .
ايوا بعيب من عيوب المنظار الجراحي أنه أداة بتحتاج وقت كبير جدا في التعلم. وكمان بتحتاج شخص متمرس جدا في استخدامه ، عشان مش اي حد بيكون قادر انه يعمل اجراءات جراحية محدودة بيه
خلينا نتكلم بكل صراحة ونقول ان سواء الميكروسكوب او المنظار فالنتايج بتكون واحده وكويسة جدا الفروقات بتكون في حاجات بسيطة بس زي
1- التحاليل :
2- تحليل سيوله ، لان لو المريض طلع عنده مشكلة فى السيولة او مشكله فى صفائح الدم لازم وقتها نرجع لدكتور امراض دم ، عشان نعالج اى مشكله فى الدم قبل العملية ، و هنا ممكن نأجل العمليه لو الحالة مش طارئة عشان نضمن ان مش هيحصل نزيف وقت العمليه سواء اولى او ثانوى بسبب مشاكل الدم ، و لو وضع المريض كان محتاج العمليه و مش هينفع نأجلها وقتها بنضطر اننا نعملها بس بشوية ترتيبات تناسب وضع المريض.
3- نتأكد من قياسات الضغط و السكر . 4- رنين جديد ميكونش عدى عليه اكتر من 6 شهور 5- اشعة عادية بالحركة عشان نتأكد من ثبات الفقرات
1- التدخين 2- القعدة لفترات طويلة أو الوقوف لفترات طويلة 3- شيل الأوزان الثقيل 4- تجاهل تعليمات الدكتور او جلسات العلاج الطبيعي 5-إهمال العناية بمكان الجرح 6- النوم على الضهر لفترات طويلة من غير حركة 7 – الحزق والعصبية الكثيرة عشان متأثرش على ضهرنا او على الجرح وعشان نختم الموضوع لازم نعرف ان جراحات العمود الفقري سواء الجراحة بالمنظار أو الجراحة الميكروسكوبية مبقتش زي زمان وبقى سهل جدا اننا نعملهم طالما مع حد متخصص وفاهم كويس . المهم اننا نعرف أي هو سبب ألمنا ومنسكتش عليه .
