هل نسبة نجاح عملية الانزلاق الغضروفي عالية ؟

هل نسبة نجاح عملية الانزلاق الغضروفي عالية ؟

قبل عملية الانزلاق الغضروفي لازم تجرب كل طرق العلاج المختلفه لان ممكن تتعالج بدون تدخل جراحي , ونسبه نجاح عمليات استئصال الغضروف بتوصل ل 95% سواء كانت بالميكروسكوب او بالمنظار , لكن خوفك من عملية الانزلاق الغضروفي هو اللي هيسببلك مضاعفات خطيرة جدا ممكن لقدر الله توصل للشلل .

عيان الانزلاق الغضروف القطني لما بيسمع كلمة عملية نفسيته بتروح تحت الارض ودا بيخلي أعراضه تزيد جدا وكمان بيحاول يدور على اي طرق ممكنه بديله للجراحة .

وللاسف الشديد بدائل الجراحة اللي هي مش فعاله زي الجراحة ابتدت تنتشر جدا سواء كي غضروف , شفط غضروف , شد فقرات الكلام ده كله ابتدى ينتشر بطريقه فظيعه من كتر رعب العيانين من التدخل الجراحي.

طيب لازم افهمك معلومه مهمه جدا العمليه الجراحيه لاستئصال الغضروف سواء الميكروسكوب أو المنظار او حتى بالطريقه التقليديه دي ( ا ب ) جراحات العمود الفقري ونسب نجاحها عالية جدا نسبتها من 93 ل 95%

ودي نسبه في الطب محترمه جدا لان مفيش عملية في اي حته في الجسم مالهاش نسب مضاعفات , لازم نقول الحقيقة بناء على الأبحاث العالمية مش بناء على تقدير (علي) او غير ( علي ) إن هو نسب نجاحه قد ايه , انا بكلمك من اشطر جراح لأبسط جراح ودي بتختلف من الجراحين وحسب استخدامهم الآلات والتقنيات الجديدة.

وميصحش إن عيان وصل لمرحله انه داخل على سقوط قدم أو عدم تحكم في البول او البراز او ابتدى ما يحسش في منطقة معينة في جسمه , ان هو يبقى مرعوب عشان يضر نفسه , ونكررها للمرة ال100 , لو العصب بتاع العيان اتاثر او حصل له ضمور مفيش حاجه انا اقدر اقدمها , أو غيري يقدر يقدمها عشان يرجعك لحياتك الطبيعية
 
فلو انت من الناس اللي وصلت مرحله مفيش تحسن خالص بعد علاج دوائي وعلاج طبيعي , ويا سلام لو عملت حقن لجذور الاعصاب و تردد حراري كتجربه لتسكين الالم ومنفعتش معاك , فمتقعدش تترعب من العمليه الجراحيه لغايه ما تضر نفسك , دي لحظه لازم تفكر فيها بعقلك مش بمشاعرك , نسبة المضاعفات انك انت متعملش العملية اعلى بكتير من انك انت تعمل العمليه , ونسبه ان يحصل لك بعد الشر عليك عجز بتتزايد كل ما بتسيب الغضروف او الديسك بتاع الفقرات ضاغط على العصب لفترة أطول
لأن كل ما العصب انضغط عليه فترة اطول كل ما يرجع لطبيعته بطريقة أبطأ حتى لو عملت العمليه يعني العيان اللي عنده انزلاق غضروفي بقى له سنتين تلاته غير العيان اللي عنده انزلاق غضروفي بقى له 20 سنه غير العيان اللي عنده انزلاق غضروفي بقى له شهرين تلاته. 

العيان اللي بقى له شهرين تلاته واتحرك ومخلاش العاطفه بتاعته تاثر عليه ده نسبة شفائه بعد العملية تكاد تكون لحظية اول ما يقوم من العمليه يلاقي رجله نفسها ابتدت تخف , اما العيان اللي بقاله 10 , 15 سنه عنده غضروف بعد العمليه بيحس بشويه تنميل بيحتاج علاج طبيعي لفترات اطول عشان يرجع لحياته الطبيعيه ممكن الأعصاب نفسها يبقى فيها تنميل بسيط لا يقارن تماما باحساسه قبل العمليه بس يتبقى معاه تنميل ممكن يتبقى لغاية 6 شهور من كتر ما العصب نفسه بيبقى مفعوص .
احنا بنشوف العصب بدل ما هو عامل زي الدايره او عامل زي الانبوبه , بييوصل لمرحله انه عامل زي الورقه من كتر ما هو مفعوص بقاله سنين حتى بعد ما بنحرر العصب قدام عينينا بنلاقيه مطبق فده بياخد وقت كبير جدا وفي حالات للأسف الشديد حتى بعد التوسيع , التحسن بتاعها بيبقى نسبي اه مش زي الاوجاع اللي قبل العمليه ولكن بيبقى لسه فيه اوجاع ده بسبب من كتر ما هو كان خايف واستنى سنين لغاية ما العصب بتاعه اتطبق خالص

فبعد اذنكم بلاش المخاوف المبالغ فيها من التدخلات الجراحيه لان دي ( ا ب) جراحات عمود ومتنسوش ان جذور الاعصاب اللي بيحصل لها ضمور ما فيش حاجه في الطب لغايه دلوقتي وصلت ان احنا نستبدلها بيه .

لو عندك اي استفسارات عن طرق استئصال الغضروف تقدر تتواصل معانا من خلال الواتساب 01000120118او من خلال رسايل الصفحة
د/ علي يسري القاضي استشاري ومدرس جراحة المخ والاعصاب والعمود الفقري بجامعة القاهرة 

احجز الان :