دكتور علي القاضي > الخدمات > ما هي مدة الراحة بعد استئصال الغضروف بالميكروسكوب ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
كتير من مرضى الانزلاق الغضروفي بيكونوا متخيلين ان بعد العملية هيفضلوا قاعدين في السرير لمدة 3 شهور او اكتر ومش هيقدروا يتحركوا بشكل طبيعي تاني , لكن في الحقيقة بعد عملية استئصال الغضروف بالميكروسكوب المريض يقدر يتحرك براحته و ينام براحته بس ميبذلش أي مجهود كبير , ويتبع تعليمات الدكتور بشكل صحيح عشان يحافظ علي نفسه و ميحصلوش ارتجاع للغضروف.
عملية الانزلاق الغضروفي بالميكروسكوب هي واحدة من أحدث وأدق الطرق الجراحية اللي بتستخدم لعلاج الغضروف اللي ضاغط على الأعصاب، وبتسبب ألم في الظهر أو الرجل. الطبيب في العملية دي بيستخدم ميكروسكوب جراحي بيكبرله الصورة ويوضحله كل حاجة، وده بيساعده يشيل الجزء التالف من الغضروف بدقة ومن غير ما يأثر على الأنسجة السليمة اللي حواليه. الميزة الكبيرة في العملية دي إنها بتتعمل من خلال جرح صغير جدًا، وده بيخلي الألم بعد العملية أقل، وكمان المريض يقدر يتحرك أسرع ويرجع لحياته الطبيعية في وقت أقصر مقارنة بالعمليات التقليدية. وعلشان كده الناس كتير بقت تفضل النوع ده من العمليات لو الحالة مناسبة.
Your browser does not support HTML5 video.
اولا مفيش حاجه اسمها نوم في السرير 3 شهور ؟, زي ما بعض العيانيين بيقولوا , انت اول ما بتفوق من البنج باذن الله تقدر تتحرك وتدخل الحمام , ودي اول حاجه احنا بنطمن عليها طب هقعد اد اي في المستشفي عاده في بعض الجراحيين بيمشوا العيانين بعد 12 ساعة , وفي ناس بتحب تقعد لغاية 24 ساعة , و بالنسبالي بتفرق العيان محتاج اي , لو العيان بعد 12 ساعه حاسس انه خلاص اتمشي ودخل الحمام واموره مطمئنه , وهو مرتاح ممكن يروح بيتهم مفيش اي مشاكل . اما العيان اللي حابب يطمن علي نفسه ويبات يوم ويطمن علي نفسه تاني يوم مفيش اي مشاكل , بس عاده مش بنطول عن 24 ساعه ودي في 90% من الحالات اللي الامور مشيت معاهم بطريقة سلسة جوا العملية.
ناس كتير بتسأل: "هو أنا لو عملت عملية الانزلاق الغضروفي هابقى في خطر؟" والحقيقة إن العملية مش خطيرة زي ما البعض فاكر، خصوصًا لما تكون معمولة بالميكروسكوب وعلى إيد دكتور متخصص وذو خبرة. العملية بقت دلوقتي أكثر أمانًا وتطورًا، والجراح بيقدر يتعامل بدقة شديدة من خلال فتحة صغيرة من غير ما يأثر على الأعصاب أو الأنسجة السليمة. وده بالضبط اللي بيتميز بيه دكتور علي القاضي، استشاري جراحات العمود الفقري، واللي عنده خبرة كبيرة في العمليات الدقيقة دي. بيستخدم أحدث التقنيات، وبيتابع الحالة خطوة بخطوة قبل وبعد العملية، علشان يطمنك ويوفرلك أفضل نتائج بأقل تدخل جراحي ممكن. لو حالتك محتاجة تدخل جراحي، متقلقش... مع الطبيب الصح، الموضوع بيبقى بسيط وآمن جدًا، والمهم إنك تبدأ في الوقت المناسب علشان ترجع لحياتك من غير ألم.
خليني اشرحلك الموضوع ببساطة , انت تقدر تنام علي جنبك او علي ضهرك , وعلي المكان اللي انت عاوزه في الفترة الاولانية وطول حياتك عادي خالص. الحاجة الوحيدة اللي ممكن تبقي ممنوعه شوية او ممكن نقلل منها الفترة الاولانية هي القاعدة , طب ليه ؟ لأن القاعدة بتحمل علي الفقرات بالذات القاعدة الغلط , لو انت قاعد بطريقة صحيحة ممكن تحمل على الفقرات بس مش بنسبه كبيرة , فاحنا عادة بنمنع القاعدة لفترات طويلة , بالذات في اول اسبوعين ودي في حالات استئصال الغضروف بالذات بالميكروسكوب , لان الفترة الاولانية دي , علي ما الانسجة نفسها تلتئم وعلي ما الغشاء نفسه يبدء يقفل , عشان القاعدة الغلط بتحمل علي الفقرات وممكن الغضاريف ترجع تاني , ويحصل ارتجاع للغضروف طب هل انا هفضل كدا طول الوقت ؟ لا خالص , احنا اول اسبوعين بنقعد عشان نأكل او عشان دخول الحمام , وبعد كدا نسبة او فترات القاعدة بتبقي اطول واحدة بواحدة , طيب يادكتور اقدر اتمشي , اه طبعا تقدر تتمشي , ومن اول يوم تقدر تتمشي الكمية اللي انت عايزها , طبعا مفيش حد بيضغط علي نفسه بزيادة , عايز تتمشي اتمشي ويفضل انك تكون بتتمشي في البيت من غير ما تعمل اي مجهود بزيادة طب يادكتور , امتي اقدر ارجع الشغل , لو انت شغلك مش مرهق جسديا وعضلاتك نفسها كويسة ممكن ترجع لشغلك في خلال 10 ايام وممكن اسبوعين , في بعض الجراحين بيفضلوا ان الفترة تكون اطول , ودا كله طبعا بيعتمد علي كل مدرسة وبتمشي ازاي انا بالنسبالي ممكن انزل العيان بعد 10 ايام او اسبوعين لو اموره مشيت كويس وعضلاته انا مطمن انها ممكن تشيل ولو عاوز تعرف اي تفاصيل عن طرق علاج واستئصال الغضروف تقدر تتواصل معانا من خلال رسايل الصفحة او عن طريق الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
