دكتور علي القاضي > الخدمات > كيف يتم تشخيص الانزلاق الغضروفي ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
فيه مشكلة كبيرة بتحصل مع كتير من الناس اللي عندهم وجع في الضهر، وهي إنهم مقتنعيين إن مجرد ما يظهر غضروف في الأشعة يبقى هو السبب في الوجع، وده مش دايمًا بيكون صح , ساعات الوجع بيكون سببه حاجة تانية خالص زي مفصل الحوض الحرقفي أو ضيق القناة العصبية، وساعتها بيكون العلاج مختلف تمامًا عن علاج الانزلاق الغضروفي , عشان كده أهم حاجة في علاج مشاكل العمود الفقري هي التشخيص الصح
عيان جالي قالي دكتور (علي) انا عاوز اعمل معاك عملية انزلاق غضروف قطني , قبل حتي ما اعرف الشكوى بتاعته ولا اي حاجه جيت اقوله اي هي الشكوى بتاعتك ؟ قالي انا عملت رنين وكشفت عند دكاتره كتير , وقالولي ان عندك انزلاق غضروفي لازم تعمله عملية قولتله تيجي الاول نفحص ونشوف الأعراض , قالي يا دكتور انا لفيت لفه كبيره , وانا عارف ان حضرتك بتعمل العملية دي وحد من اصحابي عملها معاك والدنيا بقت كويسه , فانا عايز اعملها معاك في مشكلة كبيرة جدا من عيانين العمود الفقري بتوقع فيها وهي التشخيص الغلط , انك انت مش مجرد انك عندك غضروف في الأشعة يبقي شكوتك الأساسية من الغضروف , ممكن يبقي عندك حاجة تانية زي مفصل الحوض الحرقفي أو ضيق الفقرات , والعملية بتاعه دي مختلفة تماما عن العملية دي , وطريقة العلاج بتاعه المشكلة زي ضيق الفقرات او مفصل الحوض مختلفه تمام عن العلاج بتاع الغضروف القطني من هنا لازم اشرحلكم أن التشخيص الصحيح والكشف لازم له ترتيب معين :
1- اولا بنبتدي بحاجه اسمها التاريخ المرضي للعيان , العيان بيشتكي من اي , اي اللي بيزود الوجع اي اللي بيقلل الوجع , طب الوجع دا بيزيد الصبح ولا بليل , طب هل في اعراض مصاحبه زي الوجع الضهر معاه وجع في الرجليين ولا لا , طب بيزيد لما بيمشي فترة ولا لما بيجي يقف فترات طويلة , دا تشخيص ودا تشخيص تاني 2- النقطة التانية الفحص الاكلينيكي , احنا بنكشف علي العيان وبنعمل شويه حركات معينه عشان نشوف هل العصب مضغوط عليه ولا لا , وهل في مشكلة في مفاصل تانية زي مفصل الحوض الحرقفي او مفصل الفخد ولا لا 3- النقطة التالته بنبص علي الاشاعات ونشوف اي ظاهرلنا فيها بالظبط . ولو 3 خطوات دول متماشين مع بعض , يبقي احنا واصلين لتشخيص صحيح.
اما لو لقينا في الاشعة غير اللي احنا شايفينه وغير اللي احنا سامعينه من العيان , في الاغلب العيان دا بيشتكي من حاجه تانية غير اللي موجود في الاشاعات وده اللي بيخلي عيانين كتير بيعملوا عمليات في العمود الفقري ومبيتحسنوش لأن التشخيص من الاول غلط ومش كل عيان عنده انزلاق غضروفي قطني لازم يتعمله عملية , دي حاجه مهمه جدا لازم نفهمها , يعني الاهم من علاج مشاكل العمود الفقري هو التشخيص الصحيح لو عندك اي استفسار عن عمليات استئصال الانزلاق الغضروفي او طرق علاج مشاكل العمود الفقري تقدر تتواصل معانا من خلال رسايل الصفحة او من خلال الواتساب 01000120118 وهنرد عليك في اقرب وقت دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
