دكتور علي القاضي > من حقك تفهم > أدوية علاج الانزلاق الغضروفي القطني
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
ناس كتيرة ممكن تاخد ادوية عشان تعالج بيها الانزلاق الغضروفي القطني وتخف وناس تانية ممكن ان ما تحسش بأى تحسن بعد العلاج ، وفي ناس ممكن تعمل التردد الحرارى و حقن جذور الاعصاب لعلاج الانزلاق الغضروفي القطني وتتحسن وناس تانية ممكن تعمله وتتحسن لفترة بسيطة بعدها آلام الانزلاق الغضروفي القطني ممكن ترجع ، و ممكن كمان الوجع يكون اقوى من المرة اللي قبلها، و ده ممكن يحصل بسبب :
1 - إن الوجع اللى انت حاسس بيه مش بسبب الانزلاق الغضروفي القطني ، ودي مشكلة ممكن تحصل لناس كثيرة جدا و سببها أن المريض من الاول اتشخص غلط ، وده لان فى اكتر من مشكله ممكن تعملك اعراض عرق النسا زي :
فلو كان التشخيص الأولي خطأ ممكن المريض يفضل ياخد في أدوية كتيرة وهو مش محتاجها وكمان مش بتعالج المشكلة الأساسية اللي عنده و ده بيخليه يفضل حاسس بالوجع .
2 - ان المريض يكون فعلا عنده انزلاق غضروفي قطني ، و هو مش عارف درجة الانزلاق الغضروفي القطني الي عنده ودي تعتبر واحدة من أكبر الأسباب اللى ممكن تخلى المريض ما يحسش بأى تحسن بالعلاج ، فلازم تعرف الغضروف اللى عندك اى درجة ، لأن كل درجة بيكون ليها طريقه علاج مختلفة ،
فمثلا لو المريض عنده انزلاق غضروفي قطني من الدرجة الرابعة و قعد يجرب في ادوية وكمان يجرب التردد الحراري و حقن جذور الاعصاب ، فالمريض ده مش هيحس بتحسن لان اللي محتاجة فعلا هو عملية استئصال الغضروف القطني، لإن ساعتها العصب بيكون مضغوط جدا و عامل زي الورقه فصعب جدا انه يستفيد من الأدوية أو التردد الحراري و حقن جذور الاعصاب في الحالة دي . والعكس صحيح ممكن مريض انزلاق غضروفي قطني يكون الانزلاق اللى عنده من الدرجة الأولى ، بس عنده أعراض شديدة فيفكر انه محتاج تردد حراري ، وهو كل اللي محتاجة خطة علاج صحيحة فيها علاج دوائي وعلاج طبيعي صحيح ، فعشان كده مهم جدا تعرف الغضروف اللى عندك من اى درجة قبل ما تبدأ تاخد اى علاج .
3 - ان المريض يكون داخل على مرحلة الخطر ولسه بيجرب في العلاجات التحفظية واللي هو محتاجة فعلا عملية جراحية، وبيكون خايف من فكرة الجراحة ، وإنها ممكن تسبب له شلل في حين ان الشلل ممكن فعلا يحصل بسبب أن المريض يستنى على نفسه و يفضل يجرب فى طرق علاج كتير لمجرد انه خايف من العملية ، اللى فعلا تعتبر من اسهل عمليات العمود الفقرى ، ودا كنا اتكلمنا عنه في مقال بعنوان هي فعلا عملية استئصال الانزلاق الغضروف القطني ممكن تعمل شلل؟
في النهاية انا كجراح عمود فقري بنصحك انك تتأكد من اختيارك للدكتور اللي هيكون مسئول عن حالتك ، عشان يقدر فعلا انه يشخصك صح و يعرف سبب الالم اللى بتحس بيه ، و يكون قادر انه يحددلك خطة العلاج المناسبة ليك و اخيرا ياريت متستناش على نفسك و تفضل تجرب فى اى علاج لمجرد انك ماتعملش العملية ، و تسيب الاعراض اللى بتحس بيها توصل لمرحلة الخطر ، و اللي ممكن انها فعلا توصل لشلل وساعتها علاجك الوحيد هيكون العملية الجراحية ولو عايزين تعرفوا أي هي الأعراض دي تقدروا تضغطوا هنا اعرف الصح واختار انك تعيش حياتك فعلا بدون الم
