دكتور علي القاضي > الخدمات > أضرار علاج الانزلاق الغضروفي بالعصايا
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
بعض مرضي الانزلاق الغضروفي بيدوروا علي اي طرق بديلة للجراحه حتي لو كانت الطرق دي خطيرة زي علاج الانزلاق الغضروفي بالعصايا ودا من أخطر الطرق لانه ممكن يسبب مضاعفات خطيرة في العمود الفقري زي الكسور و تزحزح الفقرات , لازم تعالج الانزلاق الغضروفي عند متخصص في العمود الفقري وبلاش تعرض نفسك للخطر .
النهارده هنتكلم عن عيان اتشخص ان عنده انزلاق غضروفي قطني واتقال له لازم تعمل عملية , وانتو مش هتصدقوا هو وصل لمرحلة اي عشان يبعد العملية . طب هل هو فعلا كان محتاج عملية ولا مكنش محتاج اصلا؟ العيان دا جالي بعد مرحلة متأخرة خالص وهحكي لكم قصته من الاول … في الاول كان بيشتكي من ضهره و عرق نسا وآلام في رجله من الاول لغاية الاخر كانت الآلام بتروح وتيجي, جرب يمشي على علاج فترة وبعد كدا اتحسن واول ما بطل العلاج رجع يتعب تانى , راح لكذا دكتور والدكتور قاله لا لازم تعمل عملية والعيان من كتر ما هو خايف من العملية دور علي اي طريقة ممكنه انه يريح نفسه بيها فراح لحد بيشتغل علي موضوع العمود الفقري بالعصايه , بيعمل اي بالظبط ؟ دا منظر الفقرات القطنية من قدام ودا منظر الفقرات القطنية من ورا
الراجل دا بيمسك العصايا ويدق علي الفقرات دي بشاكوش صغير , وبيوسع او بيزق الفقرات عن بعضها والمشكلة اساسا من قدام مش موجوده اصلا من ورا
ده منظر الغضروف وده منظر المكان اللي بيتحرك بالعصايا , فلما بيدق بيوسع الفقرات , وممكن يؤدي لحاجة اكبر من كدا بكتير ان يحصل كسر في الفقرات نفسها , بيوسعهم عن بعض ودا يدخلك في مشكلة تانية وهي تزحزح الفقرات , فالعيان الاول كان بيعاني من وجع في ضهره ووجع من رجله بيروح ويجي , الموضوع قلب ان هو وجع في ضهره مستمر وآلام لا تحتمل زائد ان وجع رجله بقي مستمر وابتدي يوصل لمرحلة انه مش قادر يتحكم في البول والبراز هنا نفهم ان طريقة العلاج بتاعه الغضروف لازم تتعمل بطريقة صحيحة , مش بندور على اى حاجه وخلاص , واحنا كدا ممكن ندخل نفسنا في مشكلة تانية واحنا بنحاول نحل المشكلة الاولي , فقبل ما تبقي خايف جدا من موضوع العمليات , حاول تروح لدكتور متخصص يقدر يشخصك بالطريقة الصحيحة ويحط لك خطة علاج مش مجرد عمليات , لان من 80 ل 85% من مرضى الانزلاق الغضروفي القطني ممكن يتعالجوا بالعلاج التحفظي دلوقت بعد ما حصل كسر في العمود الفقري زائد ان هو عنده انزلاق غضروفي , فالعملية بقت عمليتين , والوضع بقي معقد اكتر , غير انك انت كنت هتشيل الغضروف بس دلوقتى محتاج تثبيت زائد انك هتشيل الغضروف اتمني تكونوا استفدتوا من المعلومه اللي احنا قولنهالكم على مريض النهارده لو عندك اي استفسارات عن عمليات استئصال الغضروف تقدر تتواصل معنا من خلال رسايل الصفحة او من خلال الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
