دكتور علي القاضي > الخدمات > هل عملية الغضروف لها آثار جانبية ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
عملية استئصال الغضروف القطني من العمليات الآمنة جدًا ونسبة نجاحها عالمياً بتوصل ل 95%. والمريض بيقدر يتحرك بعد ساعات قليلة من العملية وما بيحتاجش يقعد فترات طويلة في السرير. والعملية ممكن يحصل فيها مضاعفات زي اي عملية بس المضاعفات دي نادر حدوثها ، وأغلبها بيتم السيطرة عليه، زي النزيف، العدوى، أو تسريب السائل النخاعي. وكلها بنقدر نتعامل معاها بكل سهولة . بس لازم تخلي بالك أن الغضروف ممكن يرجعلك بنسبة 2-3%، لكن الالتزام بتعليمات ما بعد العملية مش هيحصلك ارتجاع للغضروف و الأهم هو اختيار جراح متخصص ومستشفى مجهزة، مع الحفاظ على الوزن وتجنب العادات الغلط عشان تحمي نفسك من ارتجاع الغضروف أو غضروف جديد
Your browser does not support HTML5 video.
للناس اللي مرعوبه من عمليات الانزلاق الغضروفي القطني احب اطمنك الموضوع بسيط جدا , لأن عمليات الانزلاق الغضروفي بالنسبه لنا احنا كجراح عمود فقري هي (ا ب ) عمليات يعني ايه ؟ يعني زي عملية اللوز لدكتور الانف و الاذن , هي عملية بيعملها كتير , ومن أول العمليات اللي اتعلمها , فاحنا بالنسبه لينا عمليات استئصال الغضروف هي ا ب جراحات العمود الفقري. ثانيا لو انت مرعوب من حاجه لازم تفهم الحقيقه بتاعتها , يعني انت مرعوب من انك بعد العمليه تطلع على كرسي, او تقعد في السرير شهر , يبقي لازم تسال جراح عمود فقري هل النسب دي حقيقيه ولا لا ؟ ما تسمعش كلام دكتور متخصص في حاجه تانيه , ويجي يقولك اوعى تعمل عملية جراحة العمود الفقري أو استئصال الغضروف لان انت هتطلع عندك مشكله بالنسبه للعمليه نفسها نسبة نجاحها عالميا مش دكتور (علي ) ولا دكتور( احمد ) ولا دكتور فلان , نسبه نجاحها عالميا من اشطر جراح لابسط جراح من 93 ل 95%. طيب السؤال الاهم دكتور هل انا بعد عملية استئصال الغضروف , هطلع على كرسي او هحتاج اقعد على السرير لفترات طويله ؟ الإجابة لا خالص , انت تطلع على كرسي بعد الشر عليك دي , اولا مش حقيقيه لانه لو حصل مضاعفة في الرجل هتبقى ضعف في حركة الرجل نفسها زي سقوط القدم , ودي بتحصل بنسبه 60% او 70% من سقوط القدم وحتى لو حصل بيبقى مؤقت , يعني ايه ؟ يعني فرضا انت واحد من 5.0% اللي جالهم سقوط قدم , فبعد العملية 60% من الحالات دي بترجع تاني لطبيعتها بعد علاج طبيعي وشوية ادويه. و اقل من 40% من 5.0% دول اللي بيبقى عندهم المضاعفات دي , ودي حاجات احنا بناخد الاحتياطات بتاعتنا زي استخدام الميكروسكوب الجراحي , زي انك انت تختار الجراح اصلا اللي بيعملك العملية خبرته عامله ازاي , اشتغل عيانين قد ايه قبل كده ؟ هل هو اتدرب في مكان بيتيح له ان هو يستخدم احدث الامكانيات ولا المستشفى نفسها عامله ازاي الامكانيات اللي جوه المستشفى ؟ دي حاجه على حضرتك انك انت تدور وتسأل وتبقى واثق في الدكتور بتاعك عشان ربنا يكرمك ان شاء الله والنسبه ما تبقاش 95% تبقى نسبة نجاحها كمان 100%
لا مفيش الكلام ده خالص انت بعد ما بتفوق من البنج اللي هو بعد ساعتين تلاته من العملية , انت بتقوم بنفسك وتخش الحمام يعني ما بتتسدنش , لان احنا اول حاجه بنطلبها من العيان ان هو يقوم يتمشى ويخش الحمام. وفي بعض الجراحين بيخرجوا العيانين بعد ساعتين او 3 او بعد 6 ساعات من العملية , ويروحوا البيت عادي خالص فمفيش حاجه اسمها انا هقعد في السرير3 شهور والكلام ده كله , الكلام ده كله قديم جدا world guide lines ما بتقولش الكلام ده خالص السؤال التالت هل الغضروف ممكن يرجعلي تاني يادكتور ؟ نسبه ان الغضروف يرجعلك 2 ل 3% بالذات لو استأصلته ميكروسكوبيا من غير تثبيت فقرات , وانا من الجراحين اللي بتحب تشيل الغضروف من غير تثبيت فقرات , لان انا بحب اتدخل اكتر حاجه محدوده للعيان , بمعنى أن نسبة العضلات اللي بتتوسع تبقى اقل حاجه نسبه العضم اللي بتشال بيبقى اقل حاجه , في العملية بشيله الغضروف اللي عامل له مشكله بس مش اكتر من كده فانت لو حافظت على وضعياتك والتزمت بالتعليمات اللي ما بعد العمليه , واللي هي انك متشيلش تقيل انك انت متقعدش لفترات طويلة بالذات فتره اول اسبوعين او 3 اسابيع . انك انت تعمل علاج طبيعي , و انك انت لو وزنك زيادة تبتدي تخس في الوزن شويه , لو التزمت بالحاجات دي كلها نسبه ان يرجع لك الغضروف أقل من 2 ل 3% طيب لازم تفهم برضو انك انت مش معنى انك عملت تثبيت فقرات ورجعت لعاداتك السيئة تاني معنى كده ان مش هيحصلك غضروف في الفقره اللي فوقيها او الفقره اللي تحتيها , لان العادات السيئه او الشيل الغلط أو الوزن الزياده هو ده اللي جابلك الغضروف مثلا اللي ما بين الفقره الرابعه والخامسه , لو انت ما التزمتش بالتعليمات دي , مفيش اي مانع ان يحصلك بعد كده غضروف الفقره الخامسه والاولى العجزيه فانت التزامك وتحويل حياتك بشكل عام ده اساس العمليه دي , و50 ل 60% من شفائك الباقي بيعتمد على التزامك وانك انت تقرر انك انت هتكمل حياتك بطريقه صحيه , عشان الموضوع ما يتكررش سواء ارتجاع للغضروف او يجيلك غضاريف تانيه جديده دي أشهر الاسئله اللي بتسأل فيها عن المشاكل عمليات العمود الفقري أو عمليات الانزلاق الغضروفي بالذات طيب ايه تاني بعض المشاكل اللي ممكن تحصل في عمليات استئصال الغضروف , اللي هي بنسبة 7% اللي احنا قلناها وايه حلولها ؟ المضاعفة الاولي النزيف الأولي أو الثانوي الاولي ده اللي جوه العملية واحنا كده كده قادرين تماما ان احنا نسيطر عليه , لان احنا عندنا ادوات والات بنستخدمها دلوقتي مختلفة تماما عن زمان النزيف الثانوي ده انك انت يبقى عندك مشكلة في السيولة وبيحصل لك نزيف بعد العملية , و دي بنتجنبها ازاي ؟
المضاعفه التانية التلوث او العدوى في الجرح , يعني ايه ؟ يعني يحصل لك التهاب سواء سطحي او عميق الالتهاب السطحي أو العميق ده بيبقى اكتر في العيانين اللي عندهم سكر و العيانين المدخنين و العيانين الكبار في السن , ولو عيان ماشي على ادويه بتقلل المناعة سواء الكورتيزون لفترات طويله , او ادويه تانيه تقلل المناعة لأي سبب ما , طيب بنعمل ايه في الحالات دي هل مبنعملش العملية ؟ لا بنقدر نعمل العمليه بس بناخد بالنا المضادات الحيويه اللي بتتاخد قبل العمليه المضادات الحيويه اللي بتتاخد داخل العمليه وبعد العمليه ومتابعة الجرح نفسه عامله ازاي فدي نقدر نسيطر عليها تماما . المضاعفه التالتة تسريب السائل النخاعي في بعض الحالات بتعمل عمليات في العمود الفقري وبيطلع سائل لونه شفاف ده السائل النخاعي , و كلمة السائل النخاعي دي حاجه مرعبه بالنسبه للعيانين , بس العيان لو هو فاهم والدكتور متابع معاه كويس هيفهمه ان بنسبه 95% هيتم السيطرة على السائل ده بمجرد شويه ادويه ووضعيات معينة ولبس حزام للضهر , طيب ليه بيحصل تسريب للسائل النخاعي ؟ بتحصل ان ممكن الغشاء اللي حوالين النخاع الشوكي او جدر العصب يتخدش زي الخدش اللي في الجلد عادي خالص . لما الغشاء ده بيتخدش بينزل منه سائل وزي ما قلت لكم بنسبه 95% بيتم السيطرة عليه بالأدوية وبعض الوضعيات , زي ان العيان بيبقى نايم على بطنه معظم الوقت بياخد بيبقى لابس حزام بيبقى ليها طريقه غيار معينه وان شاء الله باذن الله الموضوع بيتحل تمام في بعض الحالات النادرة 5% محتاج ممكن نركب قسطرة زي القسطره بتاعه البنج النصفي او يتعمل عمليه تانيه بنعمل ترقيع للام الجافية , ودي حالات نادرة جدا المضاعفه الرابعة , ودي انا قولتها في الاول اللي هي اكتر حاجه بترعب العيانين أن يحصل ضعف في الحركة أو عدم تحكم في البول وبروز وبقولكم للمره التانيه ان نسبتها اقل من 5.0% واحنا بناخد كل الاجراءات ان احنا نقللها وده التطور العلمي الطبيعي استخدام الالات نفسها تبقى رفيعه , عامله ازاي انك انت تشوف جدر العصب بدل ما هو قد القلم نفسه تلاقيه قد الدراع انك انت بتكبر بالميكروسكوب 40 ضعف , فان يحصل إصابة للعصب نفسه بقت اقل بكتير جدا , وزي ما قلتلكم 60% من الحالات دي بتبقى حاجه مؤقته , فمفيش أي داعي للخوف المبالغ فيه من العمليات نفسها , لانها زي ما قولنا هي ( ا , ب ) جراحات عمود فقري وزي ما انت متقبل جدا انك انت تعمل عمليه الزايده او عمليه المراره لمجرد انك انت عندك حاجه طارئه تقبل فكرة أن الغضروف ده لو عمللك اعراض طارئه لازم تشيله زي ما بتشيل المرارة وبتشيل الزايدة بدون اي رعب مبالغ لو عندك اي استفسارات عن طرق استئصال الغضروف تقدر تتواصل معانا من خلال رسايل الصفحة او من خلال الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
