دكتور علي القاضي > من حقك تفهم > هل الشرائح والمسامير لازم تتشال بعد عملية تثبيت الفقرات القطنية
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
تثبيت الفقرات القطنية أو تثبيت الفقرات العنقية حاجه بتخوف كل مريض بيكون محتاج الاجراء ده ، وبتخليه يسأل نفسه أسئلة كثيرة جدا ومن الاسئلة دي هو انا بعد فترة هشيل المسامير دي ؟ وهنجاوب معاه كمان عن سؤالين مهمين جدا وهما هل تثبيت الفقرات القطنية بيتعمل الميكروسكوب أو المنظار؟ ومين هما الناس اللي بيحتاجوا فعلا تثبيت للفقرات؟ وخلونا نبدأ بأول سؤال وهو
الاجابة هي لا ، المريض مش بيحتاج ابدا انه يعمل ازالة للشرائح والمسامير بعد تثبيت الفقرات القطنية ، وده عشان الشرائح والمسامير اللي بيتم استخدامها في الإجراء بتكون مصنوعه من مادة التيتانيوم والمادة دي بعد الابحاث اللي اتعملت عليها ، اثبتت انها بتتوافق جدا مع جسم الإنسان ومش بتسبب له اي ضرر او اي مشكلة ، و المريض بيقدر انه يعيش بيها لباقي حياته ، بس برضو رغم انها امان وملهاش اي ضرر في عيانين بيقدروا يشيلوا المسامير دي ، بعد فترة من العملية .
الأبحاث قالت ان دا بيكون في حالة واحدة بس وهي لما يحصل التحام تام للفقرات اللي اتعملها تثبيت يعني العضم كله يكون عامل زي القطعه او الجزء الواحد ، والالتحام دا ممكن يحصل بعد 6 شهور او بعد سنة أو حتى بعد سنتين يعني الموضوع ملهوش وقت ثابت .
دا بيكون بالمتابعة عن طريق الأشعة سواءا المقطعية والعادية أو الحركة ، وساعتها بنقدر نعرف اذا كان الالتحام حصل بشكل تام ولا لأ ، بس هنا خلينى اوضحلك نقطة ان عملية تثبيت الفقرات القطنية بالشرائح والمسامير مش هتأثر ابدا على المريض لو مشلنهاش بالعكس دي هتحسن من حياته ومن جودتها . ومن هنا ننتقل لسؤال مهم جدا اغلب الناس بتسأله واللي هو
الحقيقه ان ناس كتيرة بتقول انها بتعمل تثبيت الفقرات القطنية بالميكروسكوب أو المنظار والكلام ده كله علميا غير صحيح ، الميكروسكوب أو المنظار من الأدوات اللي أثبتت جدارتها في عمليات العمود الفقري وخصوصا عملية الانزلاق الغضروفي القطني ، بس مش بيستخدموا في عملية تثبيت الفقرات القطنية ، الحقيقية أن الميكروسكوب الجراحي ممكن نستخدمه عشان نكبر صورة مكان العملية ، والمنظار الجراحي بيتم استخدامه عشان يدي إضاءة زيادة أكثر في العملية لكن تثبيت الفقرات القطنية مش بيتعمل لا بالميكروسكوب ولا المنظار، ودي تعتبر من اكبر الاشاعات اللي موجوده في الوقت الحالي واللي كتير من الناس بيصدقوها . عشان كدا لازم ناخد بالنا من الفكرة دي وكمان نعرف
وفي النهاية عشان انت من حقك تفهم فاحب اقولك ان تثبيت الفقرات القطنية بيتعمل عشان نرجع الفقرات في مكانها الطبيعي اللي كانت فيه ومتبقاش بتتحرك تاني او بتتلخلخ وتسببلك الم مرة تانية ومتقلقش عشان تثبيت الفقرات مش هيمنعك من الحركة أو هيخليك تقعد في كرسي متحرك أو هيأثر على حياتك الطبيعية بأي شكل لو كنت فعلا محتاجه ، المهم انك فعلا تعرف انت محتاج تثبيت الفقرات القطنية فعلا ولا لا.
