دكتور علي القاضي > طرق العلاج > التشخيص الصحيح لآلام العمود الفقري
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
ناس كتير لما بتحس بوجع في ضهرها او رقبتها بتحتار جدا ، لانهم مش بيكونوا عارفين الالم ده ممكن يكون سببه ايه ، هل هو شد عضلى ، ولا ارهاق و لا الالم ده سببه مشكلة فى العمود الفقرى ، و لو سبب الالم طلع فعلا فى العمود الفقرى ، طيب اى هى المشكلة اللى حصلت فى العمود الفقري و سببتلنا الألم ده هل المشكله اللي سببت الالم دا من المشاكل دي :
وبيبدأ كل حد عنده مشكلة يفكر ، اعمل علاج طبيعي ؟ ولا أخد مسكنات ؟ ولا معملش حاجه اصلا وانا لما استريح شوية هخف لوحدى؟ طيب هو انا المفروض اصلا اكشف عند دكتور تخصصه اى ؟ ، كل دي اسئلة ممكن الواحد يفكر فيها والحل ابسط من كده بكتير وخليني اقولك ان اهم خطوة في مرحلة العلاج وخصوصا في مشاكل العمود الفقري وهي التشخيص الصحيح لان مفيش اي علاج صح من غيرها فتعالو نعرف مع بعض اي هو التشخيص واي المراحل بتاعته وازاي لو التشخيص اتعمل غلط ممكن انه يدخلنا في عملية جراحية احنا اصلا مش محتاجينها .
التشخيص المرحلة اللي الدكتور المختص بيفحص المريض عشان يقدر يحدد أي هي المشكلة اللي عنده ؟ وهل هي مشكلة خطيرة ومحتاجه تدخل جراحي ولا هتتعالج بالعلاج الدوائي ودا طبعا ببيساعد ان الدكتور يحط خطة العلاج اللي هتكون مناسبه مع الحالة. و ومرحلة التشخيص بتتكون من 3 مراحل مهمة جدا ، و مينفعش مرحلة منهم متكنش موجودة ولازم المراحل دى تتم بنفس الترتيب اللى هنشرحه دلوقتى : 1- المرحلة الاولي اللي هي سماع شكوى المريض: وهنا الدكتور بيبدأ انه يسمع من المريض عن الأعراض اللي بيحس بيها ، وازاى الأعراض دى مأثرة على حياته اليومية ، واماكن الوجع فين بالضبط ، وهل في أماكن أو وضعيات معينة لما المريض بيعملها الوجع بيزيد فيها ؟ كل دي اسئلة مهمة لازم تتسأل للمريض بعدها بنبدأ في المرحلة التانية وهي 2- الفحص السريري أو الإكلينيكي: وهنا الدكتور بيبدأ انه يفحص المريض ويبدأ انه يضغط على اماكن معينة ويشوف هل لما بيضغط عليها الوجع بيزيد او لا، او ان المريض يعمل حركات معينة والدكتور يشوف هو قادر يعملها ولا عنده صعوبة ، و الخطوه دى مينفعش ابدا نستغنى عنها و نعتمد بس اننا سمعنا شكوي المريض ، لازم نعملها حتى لو المريض من كتر الالم مكانش قادر انه يستحمل الفحص ، لان فى بعض المرضى مش بيكون قادر انه يحدد فين مكان الالم بالضبط ، و ده ممكن يكون سبب في ان التشخيص يكون غلط . وبعد الفحص السريري بيكون الدكتور اتأكد من المشكلة بنسبة 90% ، بس عشان نتأكد اكثر لازم نعمل الخطوة اللي بعدها واللي هي 3- الأشعات: مهمة الاشعات هنا انها تأكدلنا المشكلة اللي عند المريض بعد سماع الشكوى والفحص الاكلينيكي زي اشعة الرنين المغناطيسي أو الأشعة الديناميكية بالحركة وعشان نتأكد كمان ان مفيش اي مشاكل او امراض تانيه لا قدر الله مع المشكلة اللي عندنا . و عشان نقدر نحط خطة علاج صحيحه و نكون متأكدين ان العلاج هيجيب نتيجة ، لازم شكوى المريض و الفحص والاشعه يكونوا متطابقين و محددين مشكلة واحدة اللى هى السبب فى كل الالم اللى المريض حاسس بيه وتقدر تعرف اي هي خطة العلاج النموذجية لمريض الانزلاق الغضروفي القطني من خلال الفيديو دا
Your browser does not support HTML5 video.
عشان نفهم اى اللى ممكن يحصل لو التشخيص كان غلط ، خلونا ناخد مثال لمشكلتين فى العمود الفقرى أعراضهم قريبة جدا من بعض و هما الانزلاق الغضروفي القطني و التهاب المفصل العجزي الحرقفي ، و هنا لو التشخيص كان غلط و المريض اتقاله انت عندك انزلاق غضروفى و محتاج عملية عشان تقدر توقف الألم ، ساعتها المريض ده ممكن انه يدخل عمليه وهو مش محتاجها ، ويطلع منها بنفس الاعراض اللى كانت عنده قبل العملية ، لان اصلا سبب ألمه مكنش الغضروف القطني ده كان سببه التهاب فى مفصل الحوض و اللى علاجة اما ادوية او تدخلات محدوده زى حقن جذور الاعصاب و التردد الحرارى
الإجابة اه ، ممكن يظهر في الاشعة ان عندك انزلاق غضروفي قطني لكن هو مش السبب في الالم اللي عندك ممكن يكون عندك التهاب في مفصل الحوض الحرقفي هو السبب في الالم دا , عشان كدا بنأكد اننا مش بنعتمد علي الاشعة بس في تحديد العلاج لازم نمر بمراحل التشخيص كلها من اول شكوي المريض والفحص الاكلينيكي وبعدين نعمل اشعة ونحدد العلاج وبعد ما وصلنا دلوقتي للتشخيص الصحيح هنقدر أننا نبدأ في العلاج واحنا مطمنين , المهم انك تروح لدكتور متخصص في جراحة العمود الفقري عشان تتشخص صح وتتعالج صح من البداية
