دكتور علي القاضي > الخدمات > الانزلاق الغضروفي العنقي
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
آلام الرقبة اللي عندك مش عارف اي سببها ؟ ، والألم ده ممكن يكون معاه صداع مش بيخف ابدا بالمسكنات ، و معاه كمان تنميل فى الكتف و الذراع و احيانا التنميل بيوصل للصوابع . طيب تعرفوا ان كل اللى بنحس بيه ده ممكن يكون سببه مشكلة في الفقرات العنقية في العمود الفقري و المشكله دى هي الانزلاق الغضروفي العنقي . وتعالوا دلوقتي نفهم واحده واحده مع بعض اي هو الغضروف واي هو الانزلاق الغضروفي العنقي طيب تعالوا نعرف اول حاجه
الغضروف ده حاجة كده عاملة زي المخدة ربنا خلقهلنا فى اماكن كتير فى جسمنا ، و من الاماكن دى العمود الفقري ، فهنلاقى ان الغضاريف بتكون موجوده فى عمودنا الفقري بين كل فقرة و التانيه و ده عشان :
اولا الغضروف دى بيكون ليه ارتفاع معين عشان زي ما قلنا انه بيمنع الفقرات من انها تحتك ببعضها ، بس مش دي الفايدة الوحيدة لارتفاع الغضروف ، عشان الارتفاع ده مع الحركة والضغط بيسمح للغضروف انه يتمدد وينكمش. وبكده بيقدر انه يوزع الضغط اللي بيحصل مع الحركة بالتساوي على كل فقرات العمود الفقري وفي الحالة دي بيسمح للعمود الفقري انه يكون مرن واننا نتحرك بكل سلاسة وبدون اي مشاكل ، و لما الضغط ده بيقل الغضروف بيرجع لإرتفاعه الحقيقى مره تانيه وهنقدر بكل بساطة اننا نعرف اي هى مكونات الغضروف واي هو الانزلاق الغضروفي العنقي
والضعف ده بيحصل لو تجاهلنا الأعراض اللي بتحصل في البداية ، والحالة اللي بنتكلم عليها دي هي لما الغضروف يكون ضاغط على جذر من جذور الأعصاب ، طيب ولو كان الغضروف ضاغط على الحبل الشوكي نفسه هنحس بإيه؟ هيحصل حاجة اسمها اعتلال شوكى عنقي نتيجة الضغط على النخاع الشوكي و ده ممكن يسبب كدمة في النخاع الشوكي وساعتها الانزلاق الغضروفي العنقي هيأثر على الجسم كله مش بس الرقبة و الايدين بس ، وده عشان الفقرات العنقية بتكون في بداية العمود الفقري ، يعني هي تعتبر بداية الطريق ، فلو حصل فيها مشكلة او حصل ضغط على الحبل الشوكي فطبيعي ان باقي الحبل الشوكي اللي في العمود الفقري هيتأثر من المشكلة دي.
وده عشان الفقرات العنقية بتكون في بداية العمود الفقري ، يعني هي تعتبر بداية الطريق ، لو حصل في الحبل الشوكي من فوق مشكله فالتأثير هيظهر على باقي الحبل الشوكي كله وده بيأكدلنا أهمية اننا لو حسينا بأعراض من اللي قلنا عليها اننا ناخد قرار الكشف بدري ، عشان نتجنب اننا نوصل للأعراض الخطيرة دى ونعيش من غير ألم . بعد ما عرفنا اى هى خطورة تجاهل أعراض الإنزلاق الغضروفي العنقي ، تعالو نعرف بقى
و دلوقتى بعد ما خلاص اتكلمنا عن الأعراض اللي ممكن الإنزلاق الغضروفي العنقي يعملها وعن الأسباب ، كده بيكون فاضل خطوة واحدة بس وهي خطوة العلاج .
علاج الإنزلاق الغضروفي ليه 4 طرق ، بس قبل ما نقرر احنا هنعالج الانزلاق الغضروفى بأى طريقة منهم لازم الاول نشخص الانزلاق الغضروفى صح ، و نتأكد انه سبب الالم اللى بنحسه هو فعلا الانزلاق الغضروفي العنقي والتشخيص ده مش هنوصله غير ان 1- ان الدكتور المتخصص يسمع شكوى المريض كاملة ويعرف منه كل الأعراض اللي بيحس بيها او لو فيه حركات معينة بتخلي الألم يزيد . 2- الفحص الإكلينيكي أو الفحص السريري عشان نتأكد فعلا من سبب ألم المريض . 3- الأشاعات اللي مهمتها انها تأكد على شكوى المريض وعلى الفحص الإكلينيكي . وهنا شرط أساسي عشان نوصل للتشخيص الصح اننا منستغناش عن الفحص الإكلينيكي لان الاشاعات لوحدها مش كفاية عشان نتأكد من المشكلة اللي عند المريض ، عشان كده لازم نتأكد الأول أن سبب ألم المريض هو الإنزلاق الغضروفي العنقي عشان نبدأ في خطوات العلاج اللي هي :
فبلاش تفلقوا من كلمة تدخلات جراحية ، و خلينا نعرف ان اكتر من 85% من حالات الانزلاق الغضروفى العنقى مش بتحتاج لعملية و بيتعالجوا و يرتاحوا من الالم بس بالأدوية والعلاج الطبيعي ، اما بالنسبة للتدخلات الجراحية محدودة التدخل فبتكون للحالات الشديدة جدا ، يعني للناس اللي عندهم ضعف شديد في الايد وتجاهلوا خطوة العلاج. المهم اننا منتجاهلش آلام الرقبة اللي بنحس بيها او نتجاهل اي اعراض من اللي قولناها عشان تقدر تتعالج عن طريق العلاج التحفظي وترجع لحياتك الطبيعية في اسرع وقت .
