دكتور علي القاضي > الخدمات > مسببات وعلاج أعراض ضيق القناة العصبية القطنية
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
ضيق الفقرات القطنية بيحصل بسبب ان الاعصاب مضغوط عليها , وضيق الفقرات بيحصل اكتر للناس اللي عمرهم فوق الـ 50. المريض بيشتكي من تنميل وحرقان في رجله بيزيد مع المشي، ومع الوقت المسافة اللي بيقدر يمشيها بتقل جدًا. الألم بيخف مع القاعده، ولو الحالة اتسابت بدون علاج بتوصل لمرحلة صعبة بتخليه مش قادر حتي يتحرك جوا البيت ومشكلة ضيق الفقرات بتحصل بسبب خشونة المفاصل، تضخم الأربطة، و جفاف الغضاريف مع التقدم في السن , والعلاج بيبدأ بالأدوية والعلاج الطبيعي، لكن في الحالات المتأخرة الحل بيكون جراحي عن طريق توسيع القناة العصبية، ونجاحها 90-95%. التأخير في العلاج بيخلي التعافي أبطأ
Your browser does not support HTML5 video.
العيان بيجي يقولك يا دكتور لما بمشي مسافه معينه بحس ان رجلي تقيله وبحس ان الارض تحتي اتحولت لرمل مابقتش حاسس برجلي كويس او في عيان بيجي يقولك لما بمشي فتره رجلي بتفلت مني ممكن اقع , رجلي مابقتش حاسس بيها , دي من المشاكل اللي بقابلها كتير اوي في العيادة هي مشكلة ضيق الفقرات القطنية بتبقى بسبب ان الاعصاب بيكون مضغوط عليها , عاده العيان ده بيبقى عنده 50 سنه فيما فوق والعيان بيجي بشعور كالاتي : تنميل او حرقان في رجليه بيزيد جدا مع المشي, والمشي ده ممكن يبتدي 50 متر او 100 متر او 200 متر ومع الوقت بيبتدي يتناقص يعني عاده السيناريو المشهور جدا , يجيلي عيان يقولي يا دكتور انا كنت بقدر امشي 200 متر من سنتين , ابتدوا يقلوا يبقوا 100 متر ابتدوا يبقوا 50 متر , في عيانين بيقولوا انهم بيوصلوا لمرحله ان مو مش قادرين يتمشوا يوصلوا لحد الحمام بيحتاجوا يقعدوا من كتر الالام بتاع رجليهم عاده العيانين دول ما بيبقاش عندهم اوجاع في ضهرهم خالص بعكس الغضروف وبعكس تزحزح الفقرات العيان ده بيبقى كل مشكلته تنميل في رجليه ثابت وبيزيد اوي مع المشي بيرتاح جدا لما بيجي يقعد يعني في عيان بيجي يقولك انا بمشي فتره مسافه معينه لما رجلي بتتقل اوي بقعد دقيقتين خمس دقائق وبقدر اكمل الباقي ودي بتفرق معايا جدا لان فيها عيانين لما بيجوا يمشوا رجليهم بتتقل ولما يجي يقفوا ويكملوا ودول عندهم مشاكل في القلب , اما المشاكل بتاع الاعصاب ان هو لما بيجي يمشي يتعب بيحتاج يقعد ويتني ضهره لقدام عشان يوسع للقناه العصبية العيان ده لما بيجيلي بفحصه اكلينيكيا بتاكد ان هو ما عندوش سقوط في القدم او عنده مشاكل في البول وبعديها بنبص على الرنين ونشوف ضيق الفقرات ده على كم مستوى لانه عاده ما بيبقاش على مستوى واحد عاده بيبقى مستويين او تلاته , علي حسب العيان ده استنى قد ايه على نفسه لغاية ما جالي
فالتلاته دول مع بعض بيخبوا العصب نفسه بيبقى مخنوق من كل الاتجاهات مش مجرد ان هو مخنوق من زاويه معينه زي الغضروف او التزحزح او غيره
وبنشوف لو العيان اتحسن بالقدر الكافي خلاص بنحاول نخليه يكمل على العادات الصحيحه ونحاول نبعد عن العادات السيئة ونبتدي نتعامل عادي أما لو العيان متحسنش عادة العيان ما بيجيش العياده غير لما الموضوع بيبتدي يتأخر , يعني العيان مبييجيش يقولك انا بمشي كيلو وببتدي اقف عادة العيان بيجيلك وبيقولك انا بمشي 100 متر او 50 متر او في ناس كثير جدا بيجي يقولك انا مش قادر اتمشى ادخل الحمام وده بيبقى مرحلة متقدمة جدا ساعتها بنقولهم يا هنجرب العلاج الدوائي لكن بنسبه 40 50, % هنحتاج نتدخل جراحيه بعد ما بنوصل للتشخيص وبعد ما نتأكد ان انا جربنا العلاج الدوائي والعلاج الطبيعي بيفضلنا اخر حاجه اننا نعمل العمليه والحقن و التردد الحراري في حالات ضيق الفقرات القطنية انا ما برشحهوش اوي لانه حتى لو سكن الالم ما مبيسكنش الألم لفترات طويلة , لان السبب بتاعه هو ضيق مش مجرد التهاب في العصب ده ضيق في العصب نفسه فعملية ضيق الفقرات القطنية ابسط من الاستئصال الغضروفي وابسط من التثبيت بيبقى حاجه اسمها توسيع القناة العصبية وتسليك جذور الاعصاب اللي هي خطوة من الخطوات بتاع التثبيت خطوة من الخطوات الغضروف يعني احنا لما بنشيل الغضروف بنعمل توسيع او تسليك جذر العصب , وبعد كده بنشيل الغضروف اللي تحتيه والتثبيت بنعمل توسيع وتسليك جدر العصب وبعد كده بنعمل تثبيت لكن في العمليه دي احنا بنعمل توسيع وتسليك بدون تثبيت وبدون استئصال الغضروف فبتبقى النتائج بتاعتها او نسبة المضاعفات بتاعتها اقل شويه لكن كل ما العيان بيتأخر ان هو يعمل عمليه كل ما العصب نفسه ان هو يرجع لطبيعته بيبقى اصعب عادة العيانين بيجوا بعد 5 او 10 سنين من ضيق الفقرات متخيل ان هو هيطلع بعديها يطلع يجري . لكن اول حاجه العيان بيحس بيها ان التنميل بتاع رجله او التقل بتاع رجله لما بيمشي 50 متر مبقاش موجود يعني قادر يمشي 100 متر و200 متر لكن بيتبقي شويه تنميل موجودين لكن مش بيتقارن بالتنميل اللي كان موجود قبل العمليه لكن بيبقى في شوية بواقي , لان العصب ده بيبقى مهروس تماما لسنين فانت لما بتيجي توسعه بياخد وقت على ما يرجع لطبيعته, لكن ان شاء الله بيقدر يرجع ويتمشى ويعيش حياته بشكل عادي . عملية توسيع القناة العصبية نسبة نجاحها زي ما قلنا قبل كده من 90 ل 95% وطبعا مضاعفاتها بتبقى فيها نقطه ثانيه ان احنا لازم نتاكد ان العيان ده لو سنه كبير لازم نتاكد ان سكره ومنتظم معندوش ضغط معندوش مشاكل في القلب معندوش مشاكل في حاجه واهم حاجه معندوش اي خطوره تخديريه لان اي عيان عنده خطورة تخديريه مبنحبش نعمله تخدير لان احنا مش جايين نحل مشكله بسيطه ندخله في مشاكل تاني فلازم لما تبتدي تحس بتنميل وتقل في رجليك لازم تبتدي تتعرض على دكتور جراحه مخ واعصاب او دكتور جراحه عمود فقري عشان يبتدي يشوف الحاله اخبارها ايه ويبتدي يتعامل معاها من الاول قبل ما نوصل لمرحله متأخرة وساعتها هيبقى نتائج باذن الله احسن بكثير لو عندك استفسار عن عملية توسيع القناة العصبية القطنية ممكن تبعتلنا علي رسايل الصفحه او على الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
