دكتور علي القاضي > الخدمات > اسباب التهاب مفصل الحوض الحرقفي , تشخيص وعلاج
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
خشونة أو التهاب مفصل الحوض الحرقفي من المشاكل اللي كتير من الدكاترة ما بياخدوش بالهم منها , وبتتشخص غلط، وده لأنه أعراضها قريبة من مشاكل كتير في العمود الفقري , و الأبحاث بتقول إن حوالي 20-25% من اللي عندهم مشاكل في العمود الفقري بيكون عندهم كمان التهاب أو خشونة في مفصل الحوض، لكن التركيز بيبقى على المشكلة الأساسية بس , و الموضوع ده بيحصل بسببين رئيسيين، الأول إن الحمل على المفصل بيكون مش متوازن، وده ممكن يحصل بسبب أمراض زي النقرس أو زيادة الأملاح أو مشاكل مناعية، وده بيسبب التهاب مباشر في المفصل , أما السبب التاني , فهو نتيجة مشاكل تانية زي خشونة الركبة أو الفخذ، أو مشاكل في العمود الفقري زي الغضروف أو تزحزح الفقرات، وده بيأثر على توزيع الوزن وبيخلي الضغط على مفصل الحوض يزيد. واعراض التهاب مفصل الحوض بتشبه آلام الفقرات القطنية، لكن بتكون فيه نقطة معينة جنب العمود الفقري بحوالي 2-3 سم , هي اللي بتوجع أكتر , و الألم بيزيد مع القعدة لفترات طويلة، خصوصًا بعد السواقة لمسافات بعيدة، وكمان المريض بيلاقي صعوبة في الانحناء أو الصلاة، وحتى التقلب على السرير بيكون مؤلم. الألم بيكون شديد الصبح لكنه بيخف مع المشي والحركة , و كمان بعض المرضى بيحسوا إن الوجع منتشر في الضهر زي الحزام وأحيانًا بينزل على الرجل لكنه مش بيوصل لصوابع الرجل . وعشان يتم التشخيص الصح، الدكتور لازم يسمع للمريض كويس ، ويعمل شوية اختبارات عشان يفرق بين ألم مفصل الحوض وألم الغضروف , والأشعة العادية والرنين المغناطيسي ممكن يساعدوا في تأكيد التشخيص , اما العلاج الأساسي بيكون عن طريق تعديل العادات اليومية زي الجلوس الصح، مع أدوية مضادة للالتهاب وفيتامينات للمفاصل، بجانب العلاج الطبيعي , لو الألم ما اتحسنش، ممكن يتم اللجوء للحقن أو التردد الحراري، لكن مفيش أي تدخل جراحي لعلاج التهاب مفصل الحوض
Your browser does not support HTML5 video.
من اشهر المشاكل في العمود الفقري من اكتر الحاجات اللي ما بيتمش تشخيصها بطريقة صحيحة في العمود الفقري هي خشونة أو التهاب مفصل الحوض الحرقفي , طب ليه ؟ لانها بتبقى متداخله مع مشاكل تانيه , يعني في بعض الابحاث بتقول ان نسبة التهاب او خشونة مفصل الحوض الحرقفي في العانيين اللي عندهم مشاكل في العمود الفقري تكاد توصل 20 او 25% , وفي ناس كتير بتبعد عن فكرة تشخيصه وعلاجه وبتركز على المشكله الاساسيه خليني اشرح لك الموضوع ده بطريقه ابسط عشان ممكن تكون اتلغبطت شويه. خشونة او التهاب مفصل الحوض الحرقفي ممكن يحصل لسببين:
اي عيان وزنه زياده او ست بتشيل تقيل او وزنها تقيل او عضلاتها ضعيفه بيبقى عندها خشونه في ركبتها , واكيد عندها بنسبه كبيره جدا التهاب وخشونة في مفصل الحوض. النقطه التالته والمهمة كجراح عمود فقري اي مشاكل في العمود الفقري سواء غضروف قطني او تزحزح فقرات او ضيق فقرات بيخلي العيان ياخد وضعيات مش طبيعيه . في حاجه اسمها توزيعه للوزن الميكانيكية للجسم بتبتدي تتغير مع وجود اي مشاكل يعني مثلا عيان عنده غضروف قطني ضاغط على العصب اليمين العيان ده بيتعوج شويه ناحيه اليمين عشان بيحاول يوسع للعصب عشان الالام اللي عنده مبرحة فلما يجي يميل بيبقى توزيعه وزنه على المفصلين الحوض ما بتبقاش بالتساوي فبيحصل تحميل الوزن على مفصل اكثر من مفصل التاني , ودا بيدخله في خشونه لمفصل الحوض في حاجه تانيه زي تزحزح الفقرات مع تزحزح الفقرات ممكن العيان تبقى الفقره بتاعته لفه شويه فالوزن بتاعه مش متوزع ايه المشكله بقى ان يبقى عندنا المشكله دي ومعاها مشكله ثانيه زي مفصل الحوض ان عادة معظم الدكاتره بتدي تشخيص المشكلة الاوليه يعني ايه ؟ بيجي يقولوا الاعراض اللي عندك بسبب الغضروف لكن هي بسبب التهاب مفصل الحوض , هو اه عنده غضروف بس هو مش حاسس بالامه دلوقتي , هو حاسس بالالام الثانويه لمفصل الحوض , فانت لو عالجت له الام مفصل الحوض بالطريقة الصحيحة العيان ده الآلام بتاعتها هتختفي ومش هيحتاج يعمل اي حاجه للغضروف وهيعرف يتعامل معاه عادي ودي مهمه جدا انك انت ازاي تشخص التهاب او خشونه في مفصل الحوض وزي ما قلت لكم ان دي من اكثر الحاجات اللي بتتشخص اقل من وجودها الحقيقي
اولا هي أعراض شبيهه للفقرات القطنيه يعني بشكل عام الم في الظهر والام في الرجل ممكن تنزل لغايه الركبه وممكن تنزل لغايه الكاحل فالعيانين عادة بيقول لك انا عندي وجع في ضهري وعندي وجع في رجلي انا عندي غضروف او عندي تزحزح في الفقرات ولكن الالم بتاع مفصل الحوض مختلف شويه عن باقي الالام دي لان بيبقى اكثر نقطه وجعاها بتبقى مش في النص بالظبط بتبقى جنبها ب 2 او 3 سم عند مفصل الحوض ولما العيان بيدوس عليها بيبقى فيها آلام شديدة النقطه التالته بيبقى في شويه اوضاع لما بتتعمل بتزود الالام ااوي , وهي لو العيان قاعد لفتره طويلة وجاي يقوم , بالذات لو في عيان بيقول لك ان هو قاعد في عربيه او سايق لمسافه طويلة اول ما اجي انزل من العربيه بحس ان انا مش قادر اقف بحتاج اتسند عشان اقدر اقوم. النقطه الرابعه لو انت جاي توطي يعني عيان جاي يقولك انا ما بقتش قادر اصلي عشان مش قادره اوطي خالص وما اقدرش اجيب اي حاجه من الارض الام بتزيد جدا عليا او لو عيان بيتقلب في السرير وعاده وهو بيجي نكشف عليه ما بتقلبش في السرير مره واحده بيعدل نفسه , وبيقف او بيقعد وبعد كده بينام على الناحيه الثانيه فدي مشكلة بيقابلها حتى وهو نايم النوم الطبيعي بتاعه لما يجي يتقلب في السرير بيبقى فيها آلام مبرحه جدا والعيان ده لما بيجي ينزل من السرير الصبح الآلام بتبقى شديده جدا والعيان ده بيرتاح لما بيمشي عكس الغضروف , وعكس ضيق الفقرات عشان دي خشونه او التهاب في المفصل لما العيان بيمشي والدم بيبتدي يتحرك العضلات بتبتدي تشتغل معاه , لكن الالام بتبقى زياده اوي الصبح وبعد كده لما بيمشي في يومه الدنيا بتبقى احسن النقطه بتاع ان الالام بتبقى عامله زي الحزام , في عيانين كتير اوي بتيجي تقول لك ان انا مش عارف احدد نقطه معينه للالم انا حاسس ان الظهر كله عامل زي الحزام وتاعبني ده بالنسبه لالام الضهر اما بالنسبه للالام الرجلين اللي هي عرق النسا الكاذب دي بتبقى آلامه بتمتد من الضهر ممكن توصل لغايه الفخد , و ممكن تنزل لغايه الركبه في بعض الحالات بتوصل لغاية الكاحل عاده مبتوصلش لصوابع الرجل ودي بتزداد مع الم الضهر ده في فرق كبير ما بين ضغط العصب وبين ان في مشكله في مفصل الحوض وعامل زي ضيق للعصب المجاور ليه مش مجرد ضغط العصب
اول نقطه نجرب معاه علاج دوائي مهم جدا يكون في مضادات للالتهاب والتورم عشان معظم الناس بتبتدي تجرب مضادات التهاب الاعصاب حاجات بتحسن الدورة الدموية بتاع الأعصاب و بيسيب العلاجات بتاع المفاصل اللي هي غير المسكن بيبقى فيه مضاد للالتهاب وفيتامينات للمفاصل ويعمل كمادات مايه دافيه لو العيان استجاب للعلاج الدوائي و معظمهم بيستجيبوا بنسبه 80% ويتتظم علي العلاج الطبيعي لمفصل بتاع الحوض مش الفقرات القطنية , ان هو يبتدي يعمل مرونة للمفصل ودا بيحس ان الدنيا تماما و يخليه يقدر يعيش حياته بدون الم طيب العيانين لما بتحسنوش بالعلاجات والعلاج الطبيعي واحنا متاكدين ان المشكله في مفصل الحوض ممكن نجرب الحقن التردد الحراري وان احنا نشرح لهم أن نسبه نجاحه من 80 ل 85% مش اكثر من كده وان ده مسكن الالم لغاية ما يبتدي يرجع لحياته الطبيعيه مع العلاج الطبيعي , و بيحسن العادات بتاعته سواء وزنه ينزل او يغير العادات الخطا اللي احنا قلنا عليها والى اخره وفي نقطه مهمه لازم الناس تكون عارفاها ان مفصل الحوض الحرقفي ما لوش اي تدخل جراحي عكس المفصل الفخد او الفقرات القطنية, في مفصل الحوض اخرنا بنعمل التردد وحقن ما لوش أي عمليات لو عندك اي استفسار عن طرق علاج التهاب مفصل الحوض الحرقفي ممكن تبعتلنا على رسايل الصفحه او على الوتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
