دكتور علي القاضي > من حقك تفهم > أسباب انزلاق الغضروف القطني وعرق النسا
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
مشكلة الانزلاق الغضروفي القطني من اكتر المشاكل اللي ممكن انها تعمل آلام عرق النسا وساعتها هتحس بالكهربا أو اللسعة في الرجل تحديدا في الرجل من ورا ، وكمان بيكون معاها آلام شديدة في أسفل الظهر فتعالوا نعرف اي هى اصلا اسباب الانزلاق الغضروفي القطني اللي هتعملنا آلام عرق النسا
الغضروف في العمود الفقري بيكون مرن بس في نفس الوقت صلب ، والغضروف متكون من مية بنسبة كبيرة جدا ، بس اللي بيحصل مع التقدم في السن ان كل ما كبرنا كل ما مرونة الغضاريف دي قلت ، وده هيخلي حجم الغضروف يقل وساعتها الغضروف مش هيقدر يقوم بوظيفته اللي هي انه يمتص الصدمات ، فهيبدأ الغضروف انه يحصله مشكلة الانزلاق الغضروفي القطني.
تاني حاجه واللي كتير من الناس متعرفهاش ان الدراسات اكدت ان الإنزلاق الغضروفي القطني بيحصل للرجال أكثر من السيدات .
زيادة الوزن بتخلي الضغط يزيد على فقرات العمود الفقري وتحديدا الفقرات القطنية اللي هي اصلا شايلة وزن كبير جدا ، ده غير ان زيادة الوزن بتسبب فى إن الدهون تتراكم في ألياف العضلات و ده هيخليها تضعف اكتر وده برضو هيعمل حمل وضغط كبير جدا على الفقرات القطنية ، واللي هينتج عن الضغط ده مع الوقت مشكلة الانزلاق الغضروفي القطني.
الحمل و الولادة من الأسباب اللي بتعمل ضغط كبير جدا على فقرات العمود الفقرى وتحديدا الفقرات القطنية وده بيكون بسبب وزن الجنين الكبير ، فممكن انه يسبب انزلاق غضروفي قطني .
الحركة بشكل كبير بدون راحه ممكن انها تسب مشكلة الانزلاق الغضروفي القطني نتيجة ان الغضاريف بدأ انه يحصلها تلف.
قلة الحركة في اليوم هتأثر جدا على عمودنا الفقري ، لانها ممكن تسبب ضغف شديد في العضلات واللي بدوره هيعمل مشاكل كبيرة جدا في العمود الفقري ومنها الانزلاق الغضروفي القطني
شيل اوزان ثقيلة بطريقة غلط ممكن انها تعمل ضغط كبير جدا على فقرات العمود الفقري سواء الفقرات القطنية أو الفقرات العنقية ، عشان كده مهم اننا لما نيجى نشيل حاجة تقيله اننا نخلى جسمنا فى وضعيه صحيحة ، وناخد بالنا ان ضهرنا يكون مفرود عشان منأذيش العمود الفقرى ولا نضغط على الفقرات بشكل كبير و احنا بنرفع اى حاجة وزنها تقيل .
التدخين يعتبر من من الأسباب اللي بتساعد في أن الغضروف القطني يحصل ، عشان التدخين بيقلل من نسبة الأوكسجين اللي المفروض توصل للغضروف وبالتالي الغضروف دا هيفقد مرونته وهيكون معرض أكتر لمشكلة الإنزلاق الغضروفي القطني ، وبعض الدراسات أثبتت إن المدخنين بشكل عام معرضين لإصابات الظهر 3 مرات أكثر من اللي مش بيدخنوا.
بمعنى إن العائلة كان فيها كذا حالة انزلاق غضروفي ، أو إن فى بعض الأمراض الوراثية هى اللى بتأثر على قوة ومرونة الأنسجة فى الجسم فبيخلي الغضاريف تكون عرضة أكتر للانزلاق الغضروفي القطني.
من أكبر وأهم الأسباب اللي ممكن تسبب انزلاق غضروفي قطني خصوصا عند الشباب هي القعدة لفترات طويلة قدام التليفزيون والتليفون بطريقة جلوس غير صحيحة ، وكمان الجلوس على مكتب فترات طويلة من غير تغيير الوضعية أو الحركة بين كل فترة والتانية ممكن انها تسبب انزلاق غضروفي وآلام أسفل الظهر وبكده نكون اتكلمنا عن أكتر 10 أسباب ممكن انها تسبب الانزلاق الغضروفي القطني وعرق النسا ، اتمنى انكم تكونوا استفدتم من المعلومات وانكم تحافظوا على العمود الفقري و نحاول نتجنب الأسباب اللي ذكرناها . ولو حسيتم بأي ألم أو وجع فلازم تعرف أي هو سبب المك وتعالجه بأسرع وقت.
