هل يمكن تكرار الحقن والتردد الحراري في علاج مشاكل العمود الفقري ؟

هل يمكن تكرار الحقن والتردد الحراري في علاج مشاكل العمود الفقري ؟

لو بتعاني من اي مشكلة في العمود الفقري , وعملت حقن لجذور الاعصاب وتردد حراري بس الالم رجعلك تاني والمفروض تعمل الاجراء ده مره تانيه بس انت خايف ان التكرار يكون مضر ليك ,عاوزك متقلقش لان تكرار التردد الحراري أو الحقن حتى 3 مرات خلال 3 شهور آمن، ولو الألم رجعلك تاني بعد 6 شهور، ممكن تعيده تاني بدون مشكلة. لكن مش مفضل نعمله أكتر من 3 مرات في خلال 3 شهور .

انا عملت يادكتور تردد حراري مره قبل كدا وعملت حقن جذور الاعصاب مرتين , وتعبت تاني ومطلوب اعمل تردد حراري تاني , فهل ان انا اعمل تردد حراري او حقن اكتر من مره ده له اي اضرار ؟

بص لو هو التشخيص صحيح وانك انت عملت تثبيت فقرات , ومفيش اي علاج نافع غير الحقن و التردد الحراري ومالكش عمليات تاني , فكرة انك انت تعمل التردد الحراري مره واتنين وتلاته مفيهاش اي مشاكل خالص
وبعض الأبحاث بتقول انك انت ممكن تعمل لغاية 3 مرات خلال 3 شهور عشان تقول التردد الحراري دا فشل او منجحش معاك

فعادي لو انت في خلال 3 شهور عملت مره او اتنين ولسه بتجرب التالته مفيش اي مشاكل خالص , اما لو انت عملت تردد حراري او حقن من 6 شهور , واتحسنت لفترة والألم دلوقت ابتدى يرجع تاني , فعادي جدا انك انت ممكن تكرر التردد الحراري او الحقن 

طب هل يادكتور الكلام دا في حاله تثبيت الفقرات بس ؟

لا, دا الحقن والتردد الحراري بشكل عام , انت ممكن تعيد الحقن والتردد الحراري لاي حاجه لمده 3 مرات في خلال 3 شهور , لكن اكتر من 3 مرات مش مفضل
اما لو انت من الناس اللي اتحسنت علي الحقن و التردد الحرارى لأي سبب بعد ما قعدت 5 شهور او 6 شهور وحابب تعيده تاني مفيش اي مشاكل

لو عاوز تفاصيل اكتر عن الحقن و التردد الحراري تقدر تتواصل معانا من خلال رسايل الصفحة او من خلال الواتساب 01000120118 .
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة 

احجز الان :