جراحة العمود الفقري بالمنظار

جراحة العمود الفقري بالمنظار

في وقتنا الحالي الجراحة الميكروسكوبية أو المنظار بقوا منتشرين جدا في مختلف المجالات الطبية ، ودا بسبب كفاءتهم العالية وتحديدا في جراحات العمود الفقري لدرجة انهم خلوا الجراحه اللي مدتها 6 ساعات تبقى ساعة واحدة ، وتعالوا نعرف واحدة واحدة كل التفاصيل عن جراحة العمود الفقري بالمنظار

أي هو المنظار الجراحي؟ واي هي جراحة العمود الفقري بالمنظار ؟

المنظار بكل بساطة بيكون عبارة عن أداة بتتكون من كاميرا ومصدر للضوء عشان تقدر تنور المكان اللي بنعمل فيه العملية ، و الإجراء بيتم عن طريق اننا بندخل أنبوب صغير جدا طوله 2 سم للمكان اللي فيه المشكلة ، وبنبدا بعدها اننا ندخل المنظار والادوات اللي بنستخدمها عن طريق الأنبوب دا وبيكون فيه شاشه في اوضه العمليات بنقدر اننا نشوف منها الجزء اللي بنعمل فيه العملية بالضبط.

و عشان كده المنظار يعتبر من الأدوات المهمة والدقيقة جدا في جراحات العمود الفقري 

طيب اي هي مميزات جراحة العمود الفقري بالمنظار.؟

• حجم الجرح بيكون صغير
  
• فترة النقاهة بتكون قليلة جدا عن الجراحة التقليدية
•  الإجراء ممكن ياخد من نص ساعة ل ساعة .
•  نسبة نجاح العملية بتوصل ل 95%.
• المريض يقدر أنه يمشي على رجليه في نفس اليوم ويرجع البيت . 
  

طيب اي هي عيوب جراحة العمود الفقري بالمنظار؟

من عيوب المنظار الجراحي أنه أداة بتحتاج وقت كبير جدا في التعلم.
وكمان بتحتاج دكتور متخصص ومتمرس جدا في استخدامه ، عشان مش اي حد بيكون قادر انه يعمل العملية بيه . 

طيب تعالو دلوقتي نعرف ايه هي التخصصات اللي هينفع فيها جراحة العمود الفقري بالمنظار

1. الانزلاق الغضروفي القطني .
2. توسيع القناة العصبية .
3. وتسليك جذور الأعصاب .
4. الانزلاق الغضروفي العنقي .
5. ازالة أورام العمود الفقري ، واشهر حاجه هي الأورام الليفية عشان المنظار بيكون دقيق جدا فهنقدر أنه نشيل اي ورم بكل دقة .

طيب تعالوا نعرف ، هو اي الفرق بين الجراحات الميكروسكوبية والجراحات بالمنظار؟

خلينا نتكلم بكل صراحة ونقول ان سواء كانت الجراحة الميكروسكوب أو جراحة العمود الفقري بالمنظار فالنتايج بتكون واحده وكويسة جدا الفروقات بتكون في حاجات بسيطة بس زي

• في المنظار الدكتور بيشوف الجرح من الشاشه بشكل 2d وده على عكس الميكروسكوب الجراحي واللي الدكتور بيشوف ببشكل 3d يعني زي الحقيقة بالضبط ، ودا اللي بيخلي الدكتور انه يشوف كل التفاصيل بكل دقة .
• الجرح في المنظار بيكون اقل شوية بمقدار لا يذكر عن الميكروسكوب ،
• لو حصل أي مضاعفات لا قدر الله أثناء الجراحة بالمنظار فالتصرف بيكون صعب عشان الفتحه بتكون ضيقة ، على عكس الميكروسكوب اللي بيدينا مجال رؤية واسع عشان كدا لو لا قدر الله حصل مضاعفات في الإجراء فبيكون حلهم بالميكروسكوب افضل 
  

وعشان نختم الموضوع لازم نعرف ان جراحات العمود الفقري سواء جراحة العمود الفقري بالمنظار أو الجراحة الميكروسكوبية مبقتش زي زمان وبقى سهل جدا اننا نعملهم طالما مع حد متخصص في العمود الفقري .