دكتور علي القاضي > من حقك تفهم > ليه ممكن تحس بوجع في اخر ظهرك
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
من اكتر المشاكل اللي بيعاني منها ناس كتيرة جدا هي وجع اسفل الضهر ، وأكتر من 85% من الناس عندهم المشكلة دي ، و بيسكتوا عليها لغاية ما تبدأ تاثر على حياتهم اليومية لدرجة انها ممكن تأثر على قدرتهم على المشي بس ميعرفوش ان الالم ده هو اللى بينبهنا ان فى مشكله لازم نعالجها قبل ما تزيد، و عشان نقدر اننا نلاقى علاج للالم ، لازم الاول نعرف ايه هو سببه ، عشان نعالجه صح ، وخلينا نكون متفقين ان الم اسفل الظهر بيكون ليه اسباب كتير جدا بس قبل ما نتكلم عن الأسباب خلينا نعرف ضهرنا بيتكون من :
ولو حابين تعرفوا عن العمود الفقري بالتفصيل تقدروا تضغطوا على مقال اعرف عمودك الفقري ، ومن أجزاء العمود الفقري هي الفقرات القطنية أو منطقة أسفل الظهر ، والمنطقة دي تعتبر من أهم المناطق فى جسمنا عشان هى اللى بيكون عليها اغلب وزن الجسم ، و بتتحمل كمان الضغط اللى بنتعرضله كل يوم بسبب الأنشطة اليومية اللى بنعملها ، و كمان بتكون مسؤولة عن استقامة وثبات الجسم عشان كدا المنطقة دي تعتبر من أكثر المناطق في العمود الفقري ممكن إنه يكون فيها وجع ، طيب هي أي الأسباب اللي ممكن تعمل وجع في اسفل الضهر؟ عشان نعرف ونفهم الأسباب كويس و نعرف ازاى نقدر نعالجها خلينا نقسمها لـ 3 أسباب اول حاجه هي الم فى اسفل الظهر بسبب مشكلة فى العمود الفقرى زي:
تاني حاجه هي الم فى اسفل الظهر بسبب مشكلة في العضلات زي :
ده هو عبارة عن تقلصات بتحصل فى العضلات بشكل لا ارادى ، و بسبب الشد ده بنحس بألم فى اسفل الضهر ، و ممكن الالم ده يكون على الناحية اليمين او الشمال من الضهر او الناحيتين مع بعض ، و تشنجات ودى بتكون مؤلمة جدا و ممكن تحصل فى الظهر او الفخذ او الرجل او فى عضلة السمانة أو القدم و الأصابع ، على حسب المكان اللى حصلت فيه الإصابة . و الشد العضلى بيكون سببه اما إرهاق فى العضلة نفسها اللى حصل فيها الشد أو بسبب مشكلة فى العمود الفقرى أثرت على العضلات
و اخيرا الم فى اسفل الظهر بسبب الاصابه ببعض الامراض زى :
و هنا الم الظهر مش هنلاقى انه بيخف حتى لو غيرنا وضع قعدتنا او اتحركنا او ارتحنا فتره ، لان الالم هنا مش سببه العضلات او العمود الفقري ، لكن سببه مشكلة تانية فى أعضاء الجسم مش متعلق بوضع الجسم و استرخائه .
طيب دلوقتي هعرف منين اي سبب وجع اسفل الضهر اللي عندي ؟
دا بيكون عن طريق حاجه واحده وهي التشخيص الصحيح مع دكتور متخصص ، طالما التشخيص صح فهنقدر اننا نعرف سبب الم ضهرنا ايه وكمان العلاج هيكون فعال وسهل جدا ، ودا عشان 90% من مشاكل العمود الفقري علاجها بيكون تحفظي زي 1– العلاج دوائي 2– العلاج الطبيعي 3– التردد الحراري و وحقن جذور الاعصاب . والحالات الصعبة والمتأخرة هي اللي بتكون محتاجه تدخل جراحي فمتقلقوش ابدا من علاج مشاكل العمود الفقري ولو عايزين تعرفوا أكتر عن العلاج تقدروا تضغطوا على طرق العلاج و هتعرفوا كل حاجه عن رحلة علاج العمود الفقري بالتفصيل . الأهم من كل دا إنك متسكتش عن الألم و تعرف أي هو سبب ألمك عن طريق التشخيص الصحيح وتقرر انك تعالجه.
