دكتور علي القاضي > رحلة علاج > رحلة مريض مع الانزلاق الغضروفي الصدري
امتى تحتاج عملية الانزلاق الغضروفي القطني؟
ليه ممكن الم الانزلاق الغضروفي القطني يرجع تاني بعد العلاج الدوائي والتردد الحراري ؟
عملية استئصال الغضروف القطني بالميكروسكوب
الفرق بين عملية الانزلاق الغضروفي القطني بالميكروسكوب وبالمنظار
الم في الرجل بعد عملية الانزلاق الغضروفي القطني
هل عملية الانزلاق الغضروفي خطيرة؟
هل الشرائح والمسامير لازم تتشال بعد عملية تثبيت الفقرات القطنية
حكايتنا النهاردة عن مريض عنده 25 سنة ، و برغم من ان سنه صغير لكنه كان بيعاني من آلام أسفل الظهر وقررأنه يتجاهلها لفترة طويلة ، بعدها الألم اتنقل من ضهره لرجليه بس وقتها الألم كان شديد جدا وغير محتمل وكان معاه كمان تنميل وتخدير في الرجل. والأعراض دي لو مكنش بدأ في علاجها وقتها كان مصيره هيكون الشلل لباقي حياته ، لكن الحمد لله انه بدأ في رحلة العلاج من بدري وقرر انه يعالج سبب ألمه. طيب هو كان بيعاني من ايه ؟ واي هي الأعراض اللي كان بيحس بيها بالضبط.
بعد الفحص والتشخيص الصحيح اكتشفنا انه كان عنده واحدة من أشهر مشاكل العمود الفقري وهي الإنزلاق الغضروفي ، بس المكان اللي حصل فيه الانزلاق ده كان نادر جدا انه يحصل فيه انزلاق لأنه حصل فى الفقرات الصدرية . و بنقول ان نادر لان الفقرات دي تعتبر من الفقرات الثابتة فى العمود الفقرى اللي مش بتتحرك كتير على عكس الفقرات العنقية والفقرات القطنية ، واللي بيكونوا معرضين اكتر لان يحصل فيهم إصابة زي الانزلاق الغضروفي القطني وا لانزلاق الغضروفي العنقي .
الانزلاق الغضروفي هو تحرك المادة الجيلاتينية اللي بتكون في الغضروف ، وبتضغط على الأعصاب أو على الحبل الشوكي وتعالو نعرف دلوقتي
بما إن الشاب اتأخر جدا في انه يبدأ العلاج لدرجة انه وصل لمرحلة الشلل فللأسف كان الحل الوحيد عندنا هو العملية الجراحية ، ودا على عكس اغلب حالات مشاكل العمود الفقري اللي بنبدأ فيها دايما بالعلاج التحفظي زي العلاج الدوائي والعلاج الطبيعي . لكن بسبب أن المريض اتأخر جدا في خطوة العلاج ، وكمان الأعراض وصلت لمرحلة الخطورة فكان الحل الوحيد هو العملية جراحية عشان نلحق العصب من الضمور التام . وكان القرار ان العملية هتتعمل عن طريق الجراحة الميكروسكوبية ، وزي ما احنا عارفين ان الجراحة الميكروسكوبية هي من افضل طرق الجراحة في وقتنا الحالي ، وخلونا نتكلم بشكل سريع عن
بعد ما عملنا العملية الجراحية للحالة وبعد فترة قصيرة جدا بدأ التحسن يبان على المريض ، وكمان في نفس اليوم قدر أنه يمشي على رجليه ، و يرجع لبيته في نفس اليوم بس رجع المرة دي من غير ألم. ومن هنا بننصح دايما ان لو بتحسوا بأي ألم أو وجع فبلاش تسكتوا عليه ، خصوصا لو كان في العمود الفقري لإن المشكلة فيه لو سكتنا عليها لوقت طويل ممكن انها توصل لأعراض خطيرة جدا احنا في غنى عنها . ومتنسوش ان 90% من حالات مشاكل العمود الفقري علاجها بيكون تحفظي يعني عن طريق العلاج الدوائي والعلاج طبيعي مش اكتر ، المهم إنك تعرف سبب ألمك وتقرر تعالجه .
