دكتور علي القاضي > من حقك تفهم > هل التردد الحراري علاج أم مسكن؟
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
التردد الحرارى لعلاج الانزلاق الغضروفي القطني واحدة من طرق العلاج اللي اتشهرت في الفترة الأخيرة جدا وبقينا نسمع انها علاج نهائي لمشكلة الانزلاق الغضروفي القطني وإنها الحل المثالي عشان تتخلص من الغضروف القطني ومن آلام عرق النسا، بس يا ترى هو فعلا التردد الحراري هينفع لكل حالات الانزلاق الغضروفي القطني؟ ومين اللي هيستفاد فعلا منه؟ و عشان نقدر اننا نفهم كويس اجابة السؤال ده ، لازم نعرف في البداية أن التردد الحراري هو مجرد مسكن ، مش علاج كامل لمشكلة زي مشكلة الانزلاق الغضروفي القطني . بس الفكرة كلها انه مسكن قوي شوية بيتحقن في العصب عشان يسكن الآلام اللي عندك بشكل سريع جدا على عكس المسكنات العادية اللي بتاخد شوية وقت عشان مفعولها يبدأ يظهر ، يعني نفهم من هنا ان التردد الحراري زيه زي أي مسكن بينفع لناس معينة وناس تانية لا وتعالوا دلوقتي نتكلم عن
غير كدا التردد الحراري مش هيساعدك في انك تحل مشكلة الانزلاق الغضروفي القطني وهنا ممكن حد يسألني ويقولي ليه يا دكتور التردد الحراري مش هيساعد كل الحالات ؟ انا كان عندي انزلاق غضروفي قطني عاملي أعراض صعبة جدا ولما جربت التردد الحراري الألم خف بدرجة كبيرة جدا رغم أن الألم رجع مرة تانية بعد مده بس ساعتها هروح اعمل جلسة تردد حراري تانيه وساعتها الألم هيروح مرة تانية.
خليني اقولك بكل بساطة إنك كدا مش بتعالج مشكلة الانزلاق الغضروفي القطني نفسها، انت كدا بتعالج الآلام اللي انت بتحس بيها بس ، و الانزلاق الغضروفي القطني اللي زي ما احنا عارفين انه بيكون ضاغط على جذر من جذور الاعصاب، والضغط دا مش بيقف حتى بعد ما تعمل التردد الحراري ودا اللي بيخليك بعد فترة تحس بالألم مرة تانية، وممكن كمان حالتك توصل للأعراض الخطيرة اللي علاجها الوحيد بيكون هو التدخل الجراحي ونسبة نجاح الجراحة وقتها كمان مش بتكون 95% لا دي بتقل جدا ، والأعراض دي هي
فأنا كجراح عمود فقري مش ضد التردد الحراري لا دا بالعكس، انا بخليك تعمل التردد الحراري بس الشرط الوحيد هو إنك تكون من الحالات اللي ذكرناها فوق ، وساعتها التردد الحراري هيكون علاج فعلا ليك مش مسكن . فبلاش إنك تخاطر بنفسك وتوصل نفسك لمرحلة الخطر ، وعشان تقدر تتعالج صح وتاخد علاج صح وتعرف فعلا أي هي المشكلة اللي عندك لازم تروح لدكتور متخصص عشان يقدر يعملك فحص اكلينيكي سليم ، لانه هو اللي هيحددلك انت محتاج تردد حراري ولا لا اعرف أي هو الصح وعيش من غير الم الانزلاق الغضروفي القطني .
