دكتور علي القاضي > من حقك تفهم > التردد الحراري للغضروف
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
في عيانين كثير بيعملوا حقن وتردد حراري لجذور الاعصاب كنوع من أنواع علاج الانزلاق الغضروفي القطني، وده عشان الحقن والتردد الحراري بيخليهم يحسوا براحة تامة وكمان لفترة طويلة ، دا غير ان التردد الحراري وحقن جذور الأعصاب انتشر جدا في الفترة الأخيرة علي انه علاج دائم للإنزلاق الغضروفي القطني ، فخلوني اعرفكم معلومات مهمه جدا هتهم كل مريض بيفكر يعمل حقن لجذور الاعصاب او تردد حراري. اهم معلومة ممكن يعرفها مريض الانزلاق الغضروفي القطني ان 90% من العيانين اللي بتعمل حقن وتردد حراري لعلاج الانزلاق الغضروفي القطني ممكن يتحسنوا تماما بالعلاج الدوائي والعلاج الطبيعي الصحيح بس ، يعني ببساطة كده هما مش محتاجين للحقن و التردد الحراري طيب ليه يا دكتور؟ العيانين اللي بيتحسنوا بالحقن والتردد الحراري لجذور الاعصاب غالبا عندهم انزلاقات غضروفية من الدرجة الأولى والتانية وزي ما كنا قلنا في مقال درجات الانزلاق الغضروفي القطني ان الدرجة الأولى والتانية من الدرجات البسيطة اللي علاجها بيكون بالعلاج الدوائي والعلاج الطبيعي بس بيكون ليها كام شرط ، و هما .
يعني مش اي دكتور علاج طبيعي ينفع يعملك العلاج ، وده عشان فيه في دكاترة علاج طبيعي تخصصها بس هو العمود الفقري، وبيعملوا تمارين معينه عشان يخلوا الجسم يتأقلم مع وضع الغضروف ، و خصوصا للدرجة الأولى أو الدرجة التانية وفي حالات كمان من الدرجة التالتة بتقدر انها تتأقلم مع الإنزلاق الغضروفي القطني ، كل اللي بنحتاجه من مرضى الانزلاق الغضروفي القطني انه يصبر معانا شوية وقت ويحافظ على تعليمات الدكتور المتخصص مع تعليمات دكتور العلاج الطبيعي . وأحب اقولك مرة كمان إنك انت لو مشيت بعلاج دوائي مع دكتور متخصص بأدوية صحيحة مش مجرد مسكنات وباسط للعضلات ومشيت على علاج طبيعي صحيح مع دكتور علاج طبيعي متخصص في العمود الفقري ، و التزمت بالتعليمات اللي الطبيب بتاعك بيقولهالك، أنت بنسبة 90% مش هتحتاج أكتر من كده ، و هترتاح من آلام الإنزلاق الغضروفي القطني لباقي حياتك.
ال 10% دول هما اللي فعلا ممكن انهم يستفيدوا بالحقن والتردد الحراري لجذور الأعصاب
1- مريض الإنزلاق الغضروفي القطني اللي هيكون جرب العلاج الدوائي والعلاج الطبيعي لفترة 6 أسابيع ، وحس بتحسن بسيط ، ساعتها ممكن اننا نعمل الحقن والتردد الحرارى عشان نساعد الجسم اكثر انه يتعود على الإنزلاق الغضروفي القطني. 2- مريض الانزلاق الغضروفي القطني اللي عنده غضروف من الدرجة الأولى او الدرجة التانية بس مش مستحمل الالم و مش مستحمل انه يصبر علي العلاج الدوائي والعلاج الطبيعي ما يعملوا مفعول ، فساعتها ممكن انه يعمل الحقن والتردد الحراري عشان يقدر انه يكمل العلاج الطبيعي وجسمه يتعود على الغضروف. 3- او أن الغضروف القطني يكون فعلا محتاج تدخل جراحي والمريض بيكون فاهم ومتأكد من الحالة اللي عنده بس عايز يجرب الحقن و التردد الحرارى كمحاولة أخيرة لعلاج الانزلاق الغضروفي القطني.
فعشان كدا بقول العيانين اللي بيستفيدوا تماما من الحقن و التردد الحرارى دول في الأغلب مش محتاجينه و كانوا هيتحسنوا بالعلاج الدوائي و العلاج الطبيعي ، بس عشان انا جراح متخصص في العمود الفقري أقدر افهم العيانين واللي بيفكروا فيه ، وأنهم مرعوبين من فكرة ان عندهم انزلاق غضروفي ، وانهم ممكن ييعملوا عملية الإنزلاق الغضروفي القطني، فاللي بيحصل انهم بيروحوا يعملوا حقن وتردد حراري عشان يبعدوا عن العملية و يحاولوا يلاقوا طريقة تانية تريحهم من الالم . بس خد بالك ان لو انت فعلا اتشخصت انك محتاج لعملية وان العمليه هي الحل الوحيد عشان تعالج الغضروف القطني المنزلق ، فأنت لازم تعملها و من غير ما تتأخر لان ده كده مؤشر انك داخل على مرحلة الخطورة وانك هتبدأ تحس بأعراض زي :
و كدا بيكون قدامك 48 ساعه عشان تلحق الأعراض دي من انها تكون أعراض دائمة ويبقى عندك سقوط كامل في القدم وعدم تحكم في البول والبراز وتقدروا تعرفوا عن الأعراض أكثر من مقال أعراض الإنزلاق الغضروفي القطني .
