دكتور علي القاضي > من حقك تفهم > ماذا بعد عملية استئصال الغضروف القطني بالميكروسكوب؟
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
في ناس كتيرة لسه مرعوبة من فكرة انها تعمل عملية الإنزلاق الغضروفي القطني وبيسألوا نفسهم كذا سؤال ومنهم انا بعد العملية هعمل ايه وهل هقدر اتحرك واعيش حياتي الطبيعية ولا لا، ودا اللي هنعرفه مع بعض في مقال النهارده بس الاول انا كجراح عمود فقري احب اطمنك ان عملية الانزلاق الغضروفي القطني هي ا ب جراحات العمود الفقري ، والعملية دي هي أسهل وأبسط عملية في جراحات العمود الفقري كلها، يعني العملية دي بتشبه عملية اللوز لدكتور انف واذن مثلا ولازم تكون عارف كمان ان عملية الانزلاق الغضروفي القطني نسبة نجاحها بتكون من 93 ل 95% ودي نسب من الأبحاث العالمية يعني مفيش فيها أي نقاش فيها ودلوقتي خلونا نبدأ باول حاجه بيخاف منها المريض هي
1- انه ممكن يطلع على كرسي متحرك بعد العملية ويقعد عليه لفترة طويلة ، هل فعلا ده بيحصل ؟
الإجابة هي لا، اللي بيعملوا عمليات الانزلاق الغضروفي القطني مش بيطلعوا على كرسي متحرك دا بالعكس بيقدروا يمشوا على رجليهم عادي جدا اول ما يفوقوا من البنج وحتى لو حصل مضاعفة في الرجل ، فهتبقى ضعف في حركة الرجل نفسها زي سقوط القدم وكمان بيبقى مؤقت يعنى بيتحسن بعد فترة ، و نسبة ان ده يحصل بتكون واحد من النص فالمية من 100، و الحالات دي بتقدر انها ترجع تاني لطبيعتها مع علاج طبيعي وشوية أدوية ، وفي وقت مش كبير، يعني مفيش حاجه اسمها انا هطلع على كرسي بعد العملية .
2- هل انا هقعد في السرير شهرين تلاته بعد العملية ؟
لا الكلام دا مش صحيح خالص، واللي بيحصل فعلا ان المريض بعد ما بيفوق من البنج اللي هو بعد ساعتين او تلاته من وقت العملية بيقدر انه يقوم بنفسه ويتمشى ويدخل الحمام ، و دى بتكون أول حاجه بنطلبها من المريض انه يقوم يمشي ويتحرك من غير ما يكون حد سانده كمان ، ده غير اننا بنقدر نخرج من المستشفى فى نفس اليوم بعد 3 او 6 ساعات من العملية مش أكثر و كل ده معناه انك مش هتقعد فى السرير 3 شهور بالعكس الكلام ده كله قديم جدا ومش بيحصل في وقتنا دا خالص
السؤال التالت و هو يا دكتور انا هقدر ارجع لحياتي الطبيعية و انزل شغلي امتى؟
أولا أحب اطمنك انه بعد ما تخلص العملية الجراحية فمبروك عليك انت يعتبر رجعت لحياتك الطبيعية وهتقدر إنك تعيش من غير الم الفكرة كلها اننا بنحتاج إنك تصبر معانا كمان من أسبوعين ل 3 أسابيع ، و اننا نعمل علاج طبيعي ودا عشان نقوي عضلات الظهر عشان تقدر ترجع لقوتها الطبيعية مرة تانية وانت كمان تقدر ترجع لشغلك مرة تانية بدون ألم أو أي مشاكل. و هنا لازم تاخد بالك ان فترة العلاج الطبيعية دي تعتبر مهمة زي العملية بالضبط ، يعني مينفعش إنك تعمل عملية استئصال الغضروف القطنى بدون ما تعمل بعدها علاج طبيعي صحيح يساعدك في إنك ترجع لحياتك الطبيعية ويقوي عضلات ضهرك . في النهاية أحب أأكد إنك لو فعلا محتاج التدخل الجراحي عشان تعالج الانزلاق الغضروفى القطني ، فبلاش انك تخاف أو تأجل قرار العملية ، عشان الموضوع ميوصلش للأعراض الخطيرة اللي فعلا ممكن انها تعملك شلل ، وكمان ممكن انها تأثر على نتيجة العملية وده طبعا على عكس لو عرفت إنك فعلا محتاج عملية وقررت إنك تعملها بسرعة فنسبة النجاح هنا بتوصل ل 95%. ولو عايزين تعرفوا أي هي الاعراض الخطيرة اللي لو بدأنا نحس بيها ، فده معناه اننا كدة بدأنا ندخل فى ، تقدروا تضغطوا هنا وهتعرفوا أكثر عن الاعراض وكمان ازاي هتأثر على نتيجة العملية. ومتنساش انك تعرف أي هو الصح وإنك متتأخرش في إنك تعمله، وكمان تسمع لجسمك وتعرف ان كل اللي بتحس بيه هي رسايل من جسمك بيحاول يوصلهالك .
