أعراض ضيق القناة العصبية القطنية وعلاجها

القناة العصبية هي القناة اللي بتكون موجودة جوا العمود الفقري وكمان بتكون متصلة بالدماغ و طالع منها كل اعصاب الجسم ، فلما القناه دي بيحصلها ضيق بتبدأ انها تأثر على الأعصاب وعلى الاماكن اللي بتوصل ليها ، والضيق لما بيحصل في الفقرات العنقية بنقول عليه ضيق القناة العصبية العنقية ، ولما بيحصل في الفقرات الصدرية بيكون اسمع ضيق في القناة العصبية الصدرية , اما لو حصل في الفقرات القطنية بيكون معروف باسم ضيق القناة العصبية القطنية ، والضيق القطني هو اكثر نوع بيكون منتشر بين الناس عشان كدا خلينا النهارده نتكلم عن اعراضه واي هي مراحل الخطر فيها واي هي طرق علاجها .

أعراض ضيق القناة العصبية القطنية

1. شكشكة و تنميل وحرقان في الرجل
2. تشنجات في الأطراف و خصوصا في السمانة وقت المشي ، طيب وليه وقت المشي تحديدا؟
3. لان المشى لفترة بيخلي الأعصاب تشتغل أكثر، والأعصاب دي بتكون في حالة من الضغط الشديد وقت المشي ، فالنتيجة انها بتعمل الم شديد جدا او تشنج، التشنج ده مش بيروح غير لو وقفنا المشي او قعدنا عشان نرتاح، وفي حالة كمان وهي لما بنوطي لقدام ودا بسبب ان لما المريض بيوطي لقدام دا بيخلي القناة العصبية توسع شوية والضغط اللي عليها بيقل، وساعتها الدم بيرجع يوصلها مرة تانية ، والمريض هيحس انه مستريح و ان الالم مبقاش موجود.
4. ألم وتنميل في الرجلين ، والتنميل ده بيزيد مع الحركة
5. ضعف فى عضلات الضهر واللي بيخلي المريض انه يحس انه مش قادر يتحرك وبيحس بالضعف وانه مش قادر يمارس يومه .
6. فقدان للتوازن وقت المشي أو الدوخة
7. فقدان الإحساس في الرجلين

خطورة ضيق الفقرات القطنية؟

ضيق الفقرات القطنية بيكون خطير لو اهملنا علاجه وبدأ يظهر الأعراض دي علي المريض:

1. صعوبة أو عدم التحكم فى البول او البراز
2. سقوط نسبي أو سقوط كلي فى القدم
3. متلازمة ذيل الفرس , وذيل الفرس ده زى ما قولنا هو عبارة عن مجموعة من الأعصاب اللي بتمتد بعد نهاية الحبل الشوكي
4. ضعف جنسى لان الضغط اللي بيكون على الاعصاب اللي بتوصل للمناطق الجنسية ، فعشان كدا ممكن نحس بضعف جنسي لو عندنا ضيق في الفقرات القطنية.

وتقدر تعرف تفاصيل اكتر عن أعراض ضيق القناة العصبية القطنية وازاي هنعالجها من خلال الفيديو دا مع دكتور علي يسري القاضي

وعشان ميحصلكش اي مشكلة من المشاكل الخطيرة دي , لازم تدور على علاج ضيق القناة العصبية اول ما تحس بالأعراض بتاعتها , ومتسبش نفسك توصل لمرحلة ان الضيق يزيد و يضغط بشكل كبير على الحبل الشوكى ،عشان تعرف تعالج ضيق القناة العصبية لازم تروح عند دكتور متخصص في جراحة العمود الفقري والمخ والأعصاب

ولو عندك اي استفسار عن طرق علاج ضيق القناة العصبية القطنية تقدر تتواصل معانا من خلال رسايل الصفحة او من خلال الواتساب 01000120118
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة